احنا جزائريين ....ولا بطلنا؟

[أبو يمنى]

ههههههه راك كيفي شريكي نكره الجزائريين لي يهدرو هكاك
باسكو ماشي معروفة علينا نبيعو هدرتنا ولا حاجة من تع البلاد
ف منتدى وحدوخر لي نشوفو بلي جزائري ويهدر بالمشرقية نبهدلو هههههههههه
يععععععععع بهدلونا تقول عليهم حاشمين بهدرتنا
في منتدى كما هداك بالاك شوية يخف الضرر باسكو فيه المشرقيين بزاف
بصح في لمتنا راها كارثة لي يهدر هكاك باسكو رانا لابليبار هنا جزائريين
ربي يجيب الخير ويعطينا العقل ويهدي البنات تع المسلسلات ههههههههههه

 

[podolsky]

الموصوع شباب مي ماحسيتش بلي العقلية المقلية شوية قديمة

السلام عليكم
تالمو عقليتي مقلية شوية ما حسيتش بالي هاد الكلمة قديمة
تشاو عليك ولا قديمة هادي تاني
المهم شكرالك

 

[da3boulla]

صح والله غير صح لاحظتها في قدش واحد
نورمالومو نفتخرو ببلادنا مش نزيدو نغطيو عليها
ديجا ماكنش كيما الدارجة نتاعنا في حلاوتها
​

 

[podolsky]

صح والله غير صح لاحظتها في قدش واحد
نورمالومو نفتخرو ببلادنا مش نزيدو نغطيو عليها
ديجا ماكنش كيما الدارجة نتاعنا في حلاوتها
​

السلام عليكم
مشكورة الاخت على المرور الطيب

 

[zola_ta]

يعطيك الصحة ... دزيرية حتى لتم خووووووووووووو

يا خويا أنا نهدر بلهجتي ماكاش كيما الدزيرية :biggrin:​

 

[meima39]

يعطيك الصحة خويا راني معاك
انا ثاني نتقلق من هذاك التقلاش اهدر دزيري باللهجة نتاعك خير
راه كاين ناس من بلدان اخرى يموتو على لهجتنا و احنا هاربين منها
انا ثابت جزائرية واحد ما ينحلي لهجتي
خويا كان في بالي هذا الموضوع لو كان مكتبتوش انت
نكتبو انا:laugh::laugh::laugh::laugh:
مشكور خويا
​

 

[ahlam03]

ههههههههههههههههه والله نستعرف بيك بارك الله فيك حتى أنا نتقلق ياك المنتدى اسمو اللمة الجزائرية نهار خطرت المنتدى غير على جال اللمة الجزائريةفقطططط........تقبل مروري.

 

[podolsky]

يعطيك الصحة ... دزيرية حتى لتم خووووووووووووو

يا خويا أنا نهدر بلهجتي ماكاش كيما الدزيرية :biggrin:​

السلام عليكم
الله يسلمك خيتو
كيما هاك نوريولهم بلي احنا دزيريين ما بطناش
قوليها وعاوديها ماكاش خير منها ويلا كان كاين ماخير منها الله غالب نحبوها ونحبو نهدو بيها ونحبو الي يهدر بيها
كيما قالك نحبها ونحب الي يحبها هدرتنا .....ماشي نجمة

 

[podolsky]

يعطيك الصحة خويا راني معاك
انا ثاني نتقلق من هذاك التقلاش اهدر دزيري باللهجة نتاعك خير
راه كاين ناس من بلدان اخرى يموتو على لهجتنا و احنا هاربين منها
انا ثابت جزائرية واحد ما ينحلي لهجتي
خويا كان في بالي هذا الموضوع لو كان مكتبتوش انت
نكتبو انا:laugh::laugh::laugh::laugh:
مشكور خويا
​

السلام عليكم
الله يسلمك خيتو
المشكل ماراهش تما برك اي انسان راه معتز بانتماء ديالو ولغتو بعاداتو بوطنو ...ووووو
واي انسان يخرج عن هذا المفهوم مراهش نورمال ...ولواش والله تحير
اما بخصوص الموضوع انا ولا انت ولا واحد اخر المهم ميساج يلحق .رانا كامل ولاد لمة وحدة
شكرا

 

[podolsky]

ههههههههههههههههه والله نستعرف بيك بارك الله فيك حتى أنا نتقلق ياك المنتدى اسمو اللمة الجزائرية نهار خطرت المنتدى غير على جال اللمة الجزائريةفقطططط........تقبل مروري.

السلام عليكم

بارك الله قيك الاخت ومرورك مقبول وعلى العين وراس

على فكرة اعجبني توقيعك
شكرا لك

 

[sleepingbeauty]

السلام عليكم
انا خوتننا نتقبل رايكم اكيد مي انا algerien نهدر بدزييرية باي لهجة من لهجتنا الي فهم الله يبارك الي ما فهمش ايليق يكسرش راسو شوية
هدا رايي اليوم وغدوة
تحياتي

نستعرف بيك علابالك على واش تدل الهدرة تاعك تدل على قوة شخصيتك فرحانين برواحنا نهدرو هدرتهم كاش نهار سمعتو واحد فيهم يهدر هدرتنا حنايا و كي ما قلت احنا نفهموا لهجتهم مالا لازملهم يكسرو راسهم شوية باه يفهمو لهجتنا هوما تاني شكرا لك و راني معاك 100%

 

[podolsky]

نستعرف بيك علابالك على واش تدل الهدرة تاعك تدل على قوة شخصيتك فرحانين برواحنا نهدرو هدرتهم كاش نهار سمعتو واحد فيهم يهدر هدرتنا حنايا و كي ما قلت احنا نفهموا لهجتهم مالا لازملهم يكسرو راسهم شوية باه يفهمو لهجتنا هوما تاني شكرا لك و راني معاك 100%

السلام عليكم
الله يسلمك اختي ومارسي عليك منا .......... لقسنطينة
شكرا على هذه الروح

 

[Moha le sage]

السلام عليكم
بلامانطولو
وعلاش بعض الاعضاء مع انهم جزائريين يقلبو الفيستا ويهدرو ساعة بالبنانية ساعة بالسورية
مثلا " بدي " صبايا *
يا خالونا من هذي لعقلية المقلية
وتشاو عليكم

تعرف قصة لغراب الي جا يمشي مشية لحمامة .. مامشاها... وزاد ودر مشيتو

حنا من بكري هدرتنا مخلطة وزيدلها شوية مصري على سوري .. واحد ما يفهم خوه

ومن بكري مناش متفاهمين مع رواحنا حتى نتفاهمو مع الناس

يعطيك الصحة خويا على طرحك هاذا

 

[hicham500]

والله غير عندك الحق انا كي نشوف هادو لي يتصنعوا في الهدرة والله غير نتقلق تقول داروا كلش خصتهم غير اللهجة يبدلوها ربي يهديهم ،صح كي نعودوا في وقت ضحك ولا نتمسخرو بواحد معليهش بصح ماش دايما

 

[sleepingbeauty]

السلام عليكم
الله يسلمك اختي ومارسي عليك منا .......... لقسنطينة
شكرا على هذه الروح

وعليكم السلام
العفو اخي​

 

[iméne09]

هههههههههه بارسكو شاريين الهدرة ولا مايسكنوش هنا يجو كل يوم برك ​

 

[كريمة بنت وهران]

ختي الله غالب تاترو بالمسلسلات السورية لووووووووول

 

[أمــ وليــد الجزائرية]

والله عندك الحق ياختي واش قاع هذي بصح الله غالب غير هذوا الي دارو حالة في التلفزة دركا اعلبيها ولاو كما هما ههههههه و الله تبهديلة​

 

[podolsky]

تعرف قصة لغراب الي جا يمشي مشية لحمامة .. مامشاها... وزاد ودر مشيتو

حنا من بكري هدرتنا مخلطة وزيدلها شوية مصري على سوري .. واحد ما يفهم خوه

ومن بكري مناش متفاهمين مع رواحنا حتى نتفاهمو مع الناس

يعطيك الصحة خويا على طرحك هاذا

الشلام عليكم

الله يسلمك خويا
نتمناو يرجع الغراب لمشيتو
سلامي ليك

 

[podolsky]

والله غير عندك الحق انا كي نشوف هادو لي يتصنعوا في الهدرة والله غير نتقلق تقول داروا كلش خصتهم غير اللهجة يبدلوها ربي يهديهم ،صح كي نعودوا في وقت ضحك ولا نتمسخرو بواحد معليهش بصح ماش دايما

السلام عليكم

راك تشوف هدا ما خصهم

شكرا لك