ظاهرة ستدخلني إلى مستشفى المجانين....هههوكثيرات مثلي....نريد حلاااااااااااااااااااااا

[©§¤°الجزائـ صوت ـر°¤§©¤]

السلام عليكم

للاسف اختي هدولة هادي الظاهرة ولات شي عادي ..............اما بخصوص الفتيات وكيفاش بداو يحسو رواحهم مراقبين نقلهم احسن حل انهم يلبسو لباس محتشم ...............على الاقل اذا هما ما تحشموا على رواحهم ومغضوش البصر ..................فهنا الذنب عليهم ................. ومتنسايش حاولي تمشي فطريق مفيهش قهوة او اذا كانت موجودة ابتعدي عنها قدر الامكان ​

اما عن كون هذه الظاهرة ممكن دخلك للمستشفى فنقلك بعيد الشر عليك ................و للاسف كاين كثيرات مثلك لكن مش الاغلبية ............لانو الحمد لله مدينتي صغيرة و مفيهاش مقاهي بكثرة وان وجدت فانه توجد طرق كثيرة لابلغ مسعاي دون ان امر جنب مقهى ​

اختك ليلى الجزائرية​

السلام عليكم:
شكرا جزيلا لك أختي ليلى على المرور ورأيك على العين والرأس
فعلا كثيرات هن الفتيات اللواتي يلبسن ثيابا غير محتشمة وربي يهديهم
ولكن ظاهرة المقاهي الكثيرة أثرت على جميع الفتيات
وبالخصوص المحتشمات لأن المتبرجات لا يكترثن بهده الظاهرة
ولينا مانلقاو وين نمشيو باش نروحو لليسي برك نفوتو على 100قهوة
ربي يهديهم
شكرااااا لك على المرور شرفتيني​

 

[©§¤°الجزائـ صوت ـر°¤§©¤]

أنا لست من رواد المقاهي إلى مقاهي الأنترنت

الحمد لله....أبقا هكا برك راك:thumbup1:​

 

[©§¤°الجزائـ صوت ـر°¤§©¤]

والله عندكم الحق بش يعقدونا
ماشي غير نتاع القهاوي حتى نتاع الطكاسي المكرية والموطووات

إييييييييييه هدوك حكايتهم حكاااية ربي يهديهم
شكراااا جزيلا لك أختي على المرور​

 

[©§¤°الجزائـ صوت ـر°¤§©¤]

انا عندي الي يقعد في القهوة فارغ شغل

شكرا لك قطرة ندى رأيك على العين والرأس
ششششششكرااااا​

 

[ACHWAK2002]

انا مع راي الاخت ليلى الجزائرية حاولي تصلحي نفسك - طريقة سيرك
-لباسك
-نظراتك
-او راقبي نفسك قبل ما تراقبي الآخرين

 

[©§¤°الجزائـ صوت ـر°¤§©¤]

عندك الحق أختي والله تخرج الوحدا من الليكول تلقى الجيوش تشوف وتراقب فيها...حتى المشية وتتلفلك
الله يهدي هاد الشباب..

راكي تشوفي ختي.....والله غير هبلونا
ششششششكرا لك على المرور​

 

[©§¤°الجزائـ صوت ـر°¤§©¤]

تقدري تقولي هبلنا وخلاص موش قريب نهبلو

لوكان حنا الي قاعدين وهوما الي ماشيين راهم دارو حالة
لكن لاننا بنات فلازم نسكتوا

إييييييييييييييييييه كون حنا كون راهي خلات
شكرااااااااااااااا أختي على المرور​

 

[©§¤°الجزائـ صوت ـر°¤§©¤]

يابنات واش نقوللكم ربي يهدي من خلق
مي هذا العام راهو اكثر كارثية

ربي يهديهم
شكرا جزيلا لك أختي ​

 

[©§¤°الجزائـ صوت ـر°¤§©¤]

والله موضوع يعني في مكان يلمس المجتمع ككل انا اصلا مانخرججش ياسر يعني نعقب للثانوية مافيهاش حتى مقهى حذاها يستما راني نشوف غير في صحباتي والاساتذة حتى الاساتذة وماعادوش محترمين انفسهم ماتقولوش اللبسة انا نلبس الحجاب وماكانش حل والو........

المشكل عادو يديروهم قدام الليسيات
شكرااااااااااااا لك على المرور​

 

[©§¤°الجزائـ صوت ـر°¤§©¤]

ربي يهديهم.....فارغين شغل هدولة واش راح تديري.....

عنك الحق أختي وفاء ربي يهديهم
شكراااا لك على المرور​

 

[ندى الورود]

اختي الكريمة هذه الظاهرة موجودة في كل مكان ​

وصحيح كلنا نحس باننا مراقبين لكن الحل الوحيد هو عدم المرور امامهم
حتى لو كنا مضطرين للمرور من ذلك الشارع على الاقل نذهب للجهة المعاكسة للمقهى ​

لتفادي الاحتكاك المباشر
و ظاهرة اخرى هناك فتيات يتعمدن المرور من امام المقاهي ولا يخجلن ابدا ​

 

[kamou]

القهاوي
سقسي ختك كامو عليهم
يا يما ياميمتي....راح نهبل
احنا الجيهة الي نسكنو فيها معروفة ب2 حوايج
القهاوي
والطاكسيفون
:w00t:
المالووور كي تمشي شوية تصيبي قهوة..وزيد تمشي شوية برك خطوة ولا مامبا
تزيدي تلقاي وحدخرة قد السخط
شادة قاع الطريق
اااااااااف ااااف كرهناااا
يا الرجال يدخلووو للداخل..يا احنا مانخرجوش كامل ونهنو روحنا
شوفونا حل

​

 

[كلي امال]

الهدرة في هذا الموضوع عقيمة و كانش حل غير انو ندعوا ربي يسترنا

 

[basma.dz]

شكرا لك أختي على طرح الموضوع المهم
عندك الصح راهم كثرو المقاهي وكثرو معاهم المشاكل
مرات نشوف عباد يخلو القهوة تاع الوالدة أو الزوجة ويروح للمقهى على 6 تاع الصباح
و كي نروح نقرا نفوت عليهم وكي نجي لدار نصيبهم قاعدين في نفس المكان وتقول زاد في القهوة
لكن ماشي كل الشباب كيما تقولي يعني راهي نسبة قليلة لي ماتروحش للمقاهي
نقول الصراحة ...أنا واحد من شباب نروح للمقاهي لكن بنسبة قليلة ندخل ليها كي نكون مسافر او كي نكون في الامتحانات....واحيانا للكلام مع الاصدقاء

ختي ما على بالكش قطعولو السرة التم فالقهوة
الحشيش ناض فيه​

 

[©§¤°الجزائـ صوت ـر°¤§©¤]

السلام عليكم:
أنا جد أسفة والله لأنني لم أستطع أن أرد على جميع المشاركات
لأنه وللأسف أمي كانت في المستشفى
ولكنني بإدن الله سوف أرد على الجميع في الوقت المناسب
وأشكر الجميع على المرور الدي أسعدني كثيرا
الجميع إناثا ودكورا
وأجدد أسفي واعتداري​

 

[kamou]

غير لخير اختي
على سلامة يماك؟؟؟
ربي يشافيها

 

[©§¤°الجزائـ صوت ـر°¤§©¤]

غير لخير اختي
على سلامة يماك؟؟؟
ربي يشافيها

الله يخليك اختي كامو
ماما هبطتلها لاطونسيو بزااااااااااف:001_unsure:
أديناها لسبيطار البارح
والحمد لله خرجت قبيلة
وراهي لاباس شوية
مي راهي مصرة باش تروح تقري غدوا فالليسي:scared:
هههههههههه واش تحبي راسها يابس​

 

[kamou]

يا ربي يجب لها شفا ماتخافيش اعليهاا تبرا ان شاء اللله
بالاكي تخليها تروح غدوا تقري...غير التلاميد يزيدو يكملولها
راني نقرااا ونعرف العوايد.........
ربي يشافيها ويرجعها ليكم بالسلامة
تهلايلي فيها ....هدولة
ربي يخليهالك

 

[mohamed ali 1992]

سلامة الوالدة ان شاء الله

بالنسبة للظاهرة الله غالب الشباب راكي تعرفي غير الشوماج :wink:

ربي يسترنا من القهاوي ههههههههههههههه :crying:

ناسات فارغة شغـل برك

قال رسول الله صلى الله عليه وسلم ....{ فإذا أبيتم إلا المجالس فأعطوا الطريق حقه }




​

 

[©§¤°الجزائـ صوت ـر°¤§©¤]

يا ربي يجب لها شفا ماتخافيش اعليهاا تبرا ان شاء اللله
بالاكي تخليها تروح غدوا تقري...غير التلاميد يزيدو يكملولها
راني نقرااا ونعرف العوايد.........
ربي يشافيها ويرجعها ليكم بالسلامة
تهلايلي فيها ....هدولة
ربي يخليهالك

الله يخليك ختي كامو
ربي يفيها
راني من الصباح وانا وراها.....مي راهي تقولي ماتقدرش تضيع وقت الأقسام النهائية تاع الباك
سيرثو هيا تقري فالرياضيات
قولتلك راسها يابس​