قلب عمو احمد مفتوح لوليدات اللمة ......
- كاتب الموضوع عمو أحمد
- تاريخ النشر
الحمد لله عمو
واش رايح نقول لك يا ولدي كمال
والله الراس يحبس
عجبتني قصتك من ناحية مثابرتك ونجاحك في حياتك
اما تساؤلاتك رايح نجاوبك عليها أنا والأعضاء
يا ولدي كمال راك متزوج و عندك ربي يبارك ولد
المضي فات وانتهى ما راهش رايح يرجع
حس بالزوجة نتاعك اللي راها مخلصة ليك و اللي راها تحت حمايتك
أمر المخلوقة هاذيك أنساه و ما تحاولش تقعد وحدك
كلما تفكرتها روح صلي و اقرى قرءان
وادعي ربي يسامحكم
عجبتني يا ولدي أنك مهتم بالأسرة و بالوالدة
ما درتش كي الأولاد اللي تصادفهم مشكلة في حياتهم يجي بين عينيهم غير الشراب و المخدرات
نحي فكرة الإنتقام اللي في رأس شبابنا اليوم ما كانش منها الكلمة هادي
دعوة المظلوم يا ولدي ليس بينها وبين الله حجاب
وكل ربي وانسى اللي ظلمك وكيلو ربي سبحانو
ندعيوا للأم ربي يجيبلها الشفاء
حاول تركز على أسرتك و زوجتك و حاول تحس بمسؤولياتك اتجاهها
و ربي يكون ما فيه الخير يا ولدي كمال
يكبر بيك بنتي ناني ربي يحفظك
الحمد لله
ربي يخليك بنتي وردة وفية ديما وفية لمواضيع عمك احمد
والله ياعموا .......القصة تاع كمال نحاتلي نص قلبي ..........ياعموا كمال راجل تاع الصح ......راجل وقفت في وجهوا الدنيا و قابلها بقلب راجل يعرف قيمة الدنيا وقيمة دعاوي الوالدين ويعرف قيمة العايلة اللي ربي خلاه والي عليها .....وحنان ...........باين فيه حبها والحب اللي في قلبوا نشوفوه غير في الافلام ............ياكمال ...........انت راجل متزوج ...........وعندك ابن ..............ونظن راك فوتت في حياتك ماخلاك تفهم للدنيا مليح ................حنان صح كانت معاك بقلبها .........وحباتك وحبيتها .........بصح المكتوب وقف بيناتكم ..............ماعندي انقولك غير ربي يكون معاك ..... وعاها على جال بانة هي تاني راهي تموت في النهار الف مرة ......وربي يعيشلك ولدك ..........
تقبل ردي ياخويا والله هذا ماقدرت نقول ..........
عاشقة مجهول
تقبل ردي ياخويا والله هذا ماقدرت نقول ..........
عاشقة مجهول
- الأوسمة
- 7
salame alaycom
baraka ellaho fik amou ahmed
baraka ellaho fik amou ahmed
ربي يبارك فيك بنتي و يبقي عليك الستر
رحت وانا متأكد بلي راح تعاونيني بردودك
ربي يخليك لينا بنتي
و ننتظر في رد كل مرة بنتي
ربي يبارك فيك ولدي
و يعطيك الصحة انت ثاني على مواضيع في المجلة
نِعْمَ الابن أنت
ربي يبارك فيك ولدي
انسى الحزن ينساك يا ولدي
إلى المرأة قاسية القلب و عقلانية التفكير
شوفي بنتي .. صح الإنسان لازم يكونوا عندو أسرار والي يبقاوا في قلبو ما يحكيهم حتى لواحد لأن الأسرار يا بنتي وسيلة يستعملها الأنسان اللي نحكيولوا ضدنا في الوقت المناسب و هنا .... ومن بعد ما ضنينا بلي كي نحكيوا راح نريحوا ..... نلقاوا رواحنا في مشكلة أخرى ..هي الندم ... علاه نحيكوا ؟؟؟؟؟
يعني الإنسان راح تزيد تتأزم حالتو أكثر من قبل
ما نقولكش ما ديريش الثقة في الناس .. لأنو الثقة لازمة باه نقدروا نتعاملوا مع الناس .... مي لها حدود ونسب
لكان الوالدين راح تكون الثقة مطلقة لأنو عمرهم ولا يحبونا الضر ..... لكان مع الأخوة راح تكون 80 % لأنو الأخوة ممكن تصل بهم لحد يقيسوا أخوهم ... وهكذا ....
الدنيا يا بنتي ما بقاتش عواطف و أحاسيس ... بقات قضية حيل و نعرف كيفاه نتحايل ونمشي مع الناس
هاذي هي سياسة التعامل مع الناس
يا بنتي مادام انك واثقة من نفسك و من طيبة قلبك ما يهمك في الناس
علبالي الكلمة هاذي سمعتي بيها بزاف لكن ما قدرتيش توصلي لها
تبعي معيا درك تفهميها
لكان أنا قمت بأمر و من بعد نبدى نقول في روحي من خلال وساوسي او عفسات يديروهم الناس لي من حولي
نبدى نتخيل بلي الناس فاهميني بالغالط ونحاول نصحح الغلط هذا
من المفروض يا بنتي ما نعمرش راسي خلاص بالأفكار هادي
لازم نقول في روحي الجملة هاذي
ربي يسهل .. خلي يفهموا على ارواحهم .... المهمة انا متأكدة نيتي ما كانتش كيما فهموها
و تفوتي الأمر وكأنو لم يحدث شيء
يا بنتي إرضاء الناس غاية لا تدرك
ما رانيش راح نحكم كل واحد من الناس هاذوا ونفهمو بلي لالا راك غالط .. أنا هاي نيتي كيفاه كانت ..
و سؤالك عن اكتشافك لحقائق عن شخص تعزيه يا بنتي أنا نقولك أقتراحك الثاني هو الصائب
ديري روحك كأنك ماعلبلكش لأنك فقط سمعت .. حتى لكان الخبر صحيح حاولي تتجاوزي
يا بنتي الناس كامل تغلط .... و هاذي هي حكمة ربي سبحانو من أنو خلى علم الغيب عندو هو
تخيلي معايا لو أنو الناس كامل تعلم الغيب و تعلم واش دار فلان و واش دارت فلانة ؟؟؟؟
أنا نقولك بلي ما يبقاش أنسان على وجه الأرض ... كامل ينحوا الدم لبعضاهم
املا نقولك ديري كلي ما صرى والو وحاولي تبداي صفحة جديدة مع الشخص هذا لكن ان كنت مقربة ليه بزاف حاولي تبعدي شوية باه اذا غلط مرة أخرى ما تتضريش بغلتو .... لكن بلا ما يحس بعدك عنو و يتسببلك هدا الأمر في مشكلة أخرى
نتمنى يا بنتي نكون ما قصرتش في الإجابة على تساؤلاتك
والله مع عمك حمد سرك ففي بير ان شاء الله
البير ممكن نعرفوا واش كاين فيه لكن سرك في الحفظ والصون يا بنتي
انساي يا بنتي ....انساي كل من قاسك
خلي قلبك كبير و حنين كيما تعرفي روحك ويعرفوك الناس
و ربي يكون ما فيه الخير
عمك حمد
ياعموا هذا واجب محتم ......رانا كامل هنا خاوا ولازم نسساعدوا بعضنا على الاقل بالكلمة الطيبة
ربي يبارك فيك بنتي و يعطيك الصحة
الله يسامك بنتي وفاء ...
واش حوالك بنتي ؟؟؟
ان شاء الله لاباس