أرجو نصيحتي بكل صدق و صراحة

[أسيرة الحزن]

أنا طالبة جامعية في السنة 2 تعرفت على شب و عشقتو حتى الجنون و تقدم لخطبتي و بعدها حطني بين خياراين صعاب بزاف ألا و هما نكمل قرايتي و لا هو لأنه من عائلة محافضة جدا و لا تعترف بأن المرأة المتزوجة تقرا فأرجو منكم أن تفيدوني بأرائكم و نصائحكم القيمة

 

[zamanajaib]

ياسبحان الله نفس المشكلة حدثت معي لكن معكوسة انا شاب هههههههههه وطلبت منها نفس الامر
واختارت تكمل دراسة بعد محاولات كثيرة لكن آبت

 

[سهى86]

يا أختي واش تحبي نقولك إدا كان هذا الانسان تعرفيه مليح وتعرفي بلي عمرو ما راح يسمح فيك بحكم علاقتك بيه انا ننصحك تبطلي دراستك ولد الفاميليا قليل درك بلوكي العام وشوفي مي ما تفرطيش في إنسان برهنلك نيتو وجا من الباب وزيدي شاوري الناس الكبار ما تشاوريش البنات الطايرات لي يحبو غير الجامعة وجو الجامعة نصيحة الراجل خير من كلش لي قراو ألوف مي لي داو اولاد الفاميليا قلال
تقبلي مروري وهدا رايي المتواضع

 

[وليد العلمي]

يا أختي واش تحبي نقولك إدا كان هذا الانسان تعرفيه مليح وتعرفي بلي عمرو ما راح يسمح فيك بحكم علاقتك بيه انا ننصحك تبطلي دراستك ولد الفاميليا قليل درك بلوكي العام وشوفي مي ما تفرطيش في إنسان برهنلك نيتو وجا من الباب وزيدي شاوري الناس الكبار ما تشاوريش البنات الطايرات لي يحبو غير الجامعة وجو الجامعة نصيحة الراجل خير من كلش لي قراو ألوف مي لي داو اولاد الفاميليا قلال
تقبلي مروري وهدا رايي المتواضع

انا الراي نتاعي مع تاع سهى واختي ربي يسهلك معاه انا نصيحتي ليك ازوجي خير وديري الدار
وتقبلي مروري اختي ..........سهى........ سهى ..........

 

[محمد العباسي]

السلام عليك
العلم مليح ختي, بصح كي تجي فرصة نتاع إرتباط و زواج ما عليك إلا تتمشي مع الواقع.
إلا تشوفي خطيبك ذاك الإنسان ألي تتمنيه, نقولك الخير كي تقبلي بيه.
صلي صلاة إستخارة و ربي نشا الله يبين لك الأمور
نتمنى لك التوفيق و السعادة
شكرا​

 

[أسيرة الحزن]

شكرا لتفاعلكم معي و الله أنا كنت مقتنعة بفكرة الزواج خير 100با100 مي كل واحد واش دبر عليا حتى شككوني في اختياري و مرة تانية ألف شكر لكل من نصحني :001_smile::001_smile: و راكم معروضين على العرس العام الجاي ان شاء الله

 

[أوصاف الصافي]

ختي الحمد الله ال فقتي قبل فوات الأوان

وحمد الله على كل حال ومبروك عليك مسبقــً

خير مخترتي لا يوجد أحسن لمرأة من بيتها ونصيحتي ليك الأخيره

احترمي زوجك واتركي كل شي يحس انه ينقص من احترمه

وبتوفيق اااختي وربي كملك على قدر نيتك​

 

[محمد العباسي]

شكرا لتفاعلكم معي و الله أنا كنت مقتنعة بفكرة الزواج خير 100با100 مي كل واحد واش دبر عليا حتى شككوني في اختياري و مرة تانية ألف شكر لكل من نصحني :001_smile::001_smile: و راكم معروضين على العرس العام الجاي ان شاء الله

أنا نجي و نجيب معايا مغرفتي, بالاك تولي في كلامك. فالقعدة الهدرة قليلة
:biggrin:

المهم كل شي بالباراكة نشا الله, و بلا ما نوصوك ... كوني مرا عاقلة و رزينة و ما تنسيش تكون طباخة ماهرة ( الوصول لقلب الرجل عن طريق لاصطومة المعدة يعني ههههه هاذي رسمية من عندي )

ربي يوفقكما لما فيه خير لكما
شكرا​

 

[tear of angel]

اسمعو على رجالنا واش كيقلو
مازالها صغيرة واش بيكم
تبطل قرايتها وتزوج انا لا اايدك
كملى قرايتك وراه يجي بن لحلال اللى يديك وادا كان يحبك صح ميقدرش يفرط فيك
انا نقلك حكاية
عندى وحدة افامى ليا
خطبها واحد وهى تقرا قالهم كون منديهاش نموت باباها مقبلش بصح خاوتها اقنعوه تزوجاتو جابت معاه اولاد
درك جاتو روحة لفرنسا طلقها وقاللها
انت نديك معايا بكل استهزاء
وانا نقلك شهادتك هى المهمة كل شئ يروح ويجى
هيا سلام

 

[معوش محمد]

لا أعلم............

 

[أسيرة الحزن]

أنا نجي و نجيب معايا مغرفتي, بالاك تولي في كلامك. فالقعدة الهدرة قليلة

:biggrin:​

المهم كل شي بالباراكة نشا الله, و بلا ما نوصوك ... كوني مرا عاقلة و رزينة و ما تنسيش تكون طباخة ماهرة ( الوصول لقلب الرجل عن طريق لاصطومة المعدة يعني ههههه هاذي رسمية من عندي )​

ربي يوفقكما لما فيه خير لكما

شكرا​

شكرا لك أخي محمد على النصيحة القيمة و مرحبا بيك بلا ما تجيب معاك مغرفتك عندنا المغارف راهم غي هوماهههههههه

 

[BICHICHA]

انا في بالي تقبلي مدام راكي تعرفيه مليح وهو راه جا وبينلك نيتوا اتجاهك ورجال قلال كيفو ماتفرطيش فيه راه باين مسقم والله يقدملك الخير

 

[عاشقة مجهول]

ربي يعينك ياختي ......انا كيما انتي فات عليا موقف كيما هذا بصح انا خيرتوا هو علىلقراية علىجال ماكنتش حابة نخسرو وكيلقاني خيرتوا هو دار في كلامواو كان حاب يخلني نقرى................بصح كلشي تبخر بعد ماقبلوش بيه دارنا (على جال دارنا تاني محافضين ومعارضين وحدة تتزوج وتقرى)
بصح انتي مانعرف كان قدري تفهميه بلعقل وكا تقدري تبلوكي لعام وكيتتزوجو عاودي اقراي بالدرقةعلى العايلة تاعو كان حبلك (ياك قلتي باللي العايلة هي اللي مايولمهاش الحال) وكان ماحبش ماتخسريهش على جال صعيبة باه تلقي واحد يحبك ويخاف عليك



تقبلي ردي
وربي يوفق

 

[الساجدة لله وحده]

انا ممكن رايح نخالف الاخوة اللي سبقوني فالراي...القراية هي كل شيء بالنسبة للمراة..انت وين راك ضامنة هاد الشاب مايفرطش فيك.!!!..
..عبالي راك بين نارين..كل وحدة اشد حرقة من لخرة...
..مي صلي صلااة الاستخاارة..وربي يوفقك لكل مافيه الخير...
..وحاولي انكم تأجلو العرس حتى تكملي قرايتك ..اوموا تكون عندك الشهادة ...
..واذا شفتي انك تقدري تقنعيه بالرجوع الى الدراسة بعد الزوااج..بلوكي لعاام ومن بعد كل شيء وليه حل.....
..ربي يوفقك ومبروووك مسبقااا.......

 

[أسيرة الحزن]

شكرا على مروركم لبنات و انا بدوري نتأسف على الشي لي صرالك أخت عاشقة مجهول وربي يكتبلك واحد خير منو انشاء الله :thumbup1:
وشكرا على النصيحة

 

[نقاء الروح]

انا نقلك حاجة قوليلو روح تلعب .قرايتي خير من كل شىء .........
وعلاه انت تعبتي وقريتي باش تقعدي في الدار .
تقبلي مروري مجرد راي

 

[أسيرة الحزن]

انا نقلك حاجة قوليلو روح تلعب .قرايتي خير من كل شىء .........
وعلاه انت تعبتي وقريتي باش تقعدي في الدار .
تقبلي مروري مجرد راي

تشكرين على الرأي أخت ندوشة

 

[العلمية12]

قرايتك ثاني مليحة وغدوة بعيد الشر كاشما صرا بيناتكم وتفارقتوا على الاقل تلقاي صنعة في حياتك

 

[nadir59]

السلام عليكم
عجبا لكم يا اخواني تشجعون الاخت على التفريط في دراستها بعد ان انتصفت المسافة ، من اجل عيون خاطبها الذي يدعي انه من عائلة محافظة، معنى هذا ان كل من تعمل زوجنه او بنته هو من عائلة متفتحة ان لم اقل متفسخة. نحن في عصر تتكاتف فيه الزوجة مع الزوج يعملان معا ويا ربي يلحقو يغطوا مطالب حياتهم.
ثم يا اختي العزيزة هل يضمن لك ان لا يسجنك داخل المسكن العائلي ويحرمك من كل شيئ ما دام يدعي انه من عائلة محافظة (الاصح عائلة متزمتة).
نصيحتي لك ان تحاولي اقناعه بضرورة التمسك بمواصلة دراستك على الاقل،
والمكتوب هو اللي يحدد كل شيئ
شكرا

 

[صحراء]

الحب ديمن فيه تنازل والسعادة متعوضش خاصة مع واحد تحبيه والمصيب لما تزوجيه يطلعلك ماشي مليح تبدي.......... نقلك خليها لمكتوب كاين صلاة الاستخارة هي الافضل ​