اليوم جبت ليكم المقلوبة بالخضار و الدجاج
إن شاء الله تجربوها و تعجبكم ..
المقادير
الدجاج \ أرز بسمتي
شوية ديال الزيت الرومية
مطيشة \ بطاطا \ دنجال
بصل \ فلفلة حلوة \
كلشي يتقطع دواور
البهارات
لبزار \ قرفة \ طحميرة
كاري \ الهيل \ ملح
كلشي عينك ميزانك ^^
و دابا المراحل بالصور
نديروا الزيت في القدر و نفرشو مطيشة دواور و نحطوا الدجاج فوقو
في صحن آخر نخلطوا باقي الخضار مع البهارات و نحطوها فوق الدجاج
نضيفوا شويا ديال الماء و نغطيوه و نحطوه فوق نار هادئة و نخليوه يطيب على خاطروا
نديروا الروز في الماء مع الزعفران الحر و نخليوه على جنب
حتى يبقى شويا للدجاج و الخضار يكملوا طيابهم عاد نشعلو على الروز
و ما نخليوه يكمل طيابو ( ثلاث ارباع )
بعدها نديروه على الخضار و الدجاج
و نخليوهم يطيبوا مع بعض شويا
ثم نقلبوا مقلوبتنا ^^
و نخليوها شويا حتى تشد فراسها ما تشتت لينا
و هاهي بألف صحة و هنا
