متسول عصري:''ربي يخلف على الخبز .انا فطرت يا بنتي''

[kamou]

:001_wub:
صباخ الخير يا اهل الخير


واش رايكم في ظاهرة التسول؟
في الجزائر
في الجوامع.....في الاماكن العامة..امام ابواب المنزال
في الطرقات
والمتسولين جميع الاصناف
كبار..شيوخ...صغار ..نساء ورجال
ماسبب هده الظاهرة؟
هل هو الفقر بعينه
ام ان اسباب كثيرة تلعب في ظهورها

سؤال:
هل ترى ان كل متسول يدق على بابك صحيح يحتاج الى صدقة؟ام ان المتسولين
يبتكرون حيلا فقط من اجل الاحتيال لاغير

راح نحكيلكم واش صرالي
البارح وفي تمام الساعة 14.30
سمعت الباب
صوناوو حتى قريب تتحرق لاصونات ويطراشو ودنينا
انا طبعا كنت راقدة دايرة لاسياست
رحت انا نايضة من النعاس:huh:..من 7 نعسة
افتحت الباب
وادا بي ارى رجلا عجوز
لابس حوايج مقطعين حالتو حالة
قلتو :انعم الحاج؟؟
قالي صباح الخير يابنتي
اعطيني صدقة ربي يفتح اعليك
قلتلو استنى دقيقة الحاج
غلقت الباب ورجعت نحوسلوو
رحت جبتلوو 20دجbiggrin:الله غالب مشورمة:biggrin
وزدتو مورصووو خبز
ايماجينو واش قالي
قالي بنتي:صدقة مقبولة على 20دج
هاكي الخبز انا الحمد لله راني فطرت
:cursing::cursing::cursing::cursing::cursing:
شفت فيه ومالقيت واش نقول من غير ربي يغنيك
في ميزكم اولاحد متسول يتشرط على نعمة ربي ..الواحد الخبز وراه يحوس عليه بريق ناشف..الجيعان مايتشرطش:confused1:​

 

[Adel Adel1]

ههههههههههههههههههههههه
طلاب و لقا باه يفطر
كاينين جماعة مايفطروش و يقولو الحمد لله

 

[kamou]

شفت
سبحان الله
ربي هدينا ويهديهم

 

[نور الانوار]

هههههه

كون قلتيلو زيد اديه اتعشا بيه هههه

طلابين مودارن​

 

[adelskikda]

والله هدي الظاهرة كثرة بزاف واغلبيتهم ماهمش محتاجين يتحايلو على الناس برك واصلا الزوالي لي ماعندوش ما يمدش يدو وشكرا اختي على الموضوع

 

[kamou]

هههههه​

كون قلتيلو زيد اديه اتعشا بيه هههه​

طلابين مودارن​

والله غير قتلوو قالي لالا ربي يخلف عليك
اه اه اه
20دج تديها والخبز لالالا
كنت حابة ندور على رايي ونقول جيب تشوف20دج :cursing:

 

[kamou]

والله هدي الظاهرة كثرة بزاف واغلبيتهم ماهمش محتاجين يتحايلو على الناس برك واصلا الزوالي لي ماعندوش ما يمدش يدو وشكرا اختي على الموضوع

صح عندك الحــــــــــــــق
الراجل تع الصح يخدم ويشقى ويعرق على خبزتوو ماشي يروح ماد يدووو
ومن الفوق يتشرط
مشكوووووور

 

[adelskikda]

ونزيد نقولك كي تمدلو 10دج يدعيك دعوة وحدة وكي تمدلو بزاف النهار كامل يدعي الدعوة بالدراهم كيما تمد يدعة 10دج للدعوة وانت زيد

 

[kamou]

هه
صح الدعوة بالوجوه
لازم تطبق النظرية
مد بزاف تدي بزاف
مد شوية ماتديش

 

[Klach]

ههههههههههههههههههههههه طلاب 5 ايتوال يتكبر على الخبز ياو كاين لي ما لقاوهش
ربي يهدي ما خلق
مشكووووووووووووووورة على الموضوع

 

[kamou]

5ايتوال
لقيتها....
ربي هدينا وربي يقنعهم هما تاني
ولا نقولك
رب يغنينا باش نمدولهم ومانبخلوش عليهم
ياك يقولك مد وماتقولش مديت

 

[adnandz]

هههههههههههههه هوهوهوهوهوهههههههههههههههه
يا سيدي التقلاش تاني هههههههههههه

 

[kamou]

شفت
التقلاش بعينه...