دبرو عليا .............................

[حنين الروح+]

السلام عليكم ورحمة الله
اليوم اعزائي حبيت نفرغ قلبي تاع الصح وراني سكت بالزاف على روحي الدمار كلاني
وحابة نقول ليكم همسة مشاعر لي شخصيتها تعرفوها من اسمها مهيش سعيدة وشخصيتها غير راضية عليها
راني انسانة حنينة بالزاف وطيبة لدرجة متتصوروش ولذالك كرهت روحي وكرهت شخصيتي وندمت على اني هكا الناس تندم على المعاصي والذنوب وانا ندمت على قلبي الحنين وشخصيتي الطيبة
والناس غير تستغلني من اعز الناس لاغربهم
وانا طفح الكيل حابة نحكيلكم راني منيش راضية على روحي مليت راسي شاب وقلبي خرج صدقوني تمنيت كون جيت بنت مخادعة وقلب اسود وحقودية وتاع فعايل شر واستغلالية
الكل يستغل طيبتي ونعرفو يستغلني مي منحبسوش على حدو دبرو عليا واش نعمل
والكل يعرفني هكا البعيد والاغريب مي يستغلوني ويورولي غير في الحوايج يل باش نكرهم مي انا والو منحسش بروحي حتى تتفر
دبرو عليا
وشكرا

 

[safa rym]

أختي همسة و الله مام أنا كيفك و ساعات نتمنى نفس أمانيك...مي الله غالب ما بيد حيلة,,,,كاين الزمان هو وحدو اللي يقدر يداوي لجروح...و اللي باعك بالفول مدوا باطل و لالا؟؟؟؟​

 

[حنين الروح+]

كبري الخط عمري وفاء واش فرغ الستيلو راني دهدست

 

[kamely]

اختي همسة
انتي انسانة طيبة و قلبك حنون و هذا هو الشيء الي يميزك عن الباقين
و لي يستغلك هذا ما يكون غير كاش ..............
و صدقيني ما تتمنايش تولي بنت شيطانة و قلبك اسود
لاني انا كنت شيطان و غير تاع فعايل الشر و تاع تكبر
مي راني تبدلت و كون تولي هاذيك البنت الشيطانة صدقيني راكي رايحة تكرهي حياتك من كثرة المشاكل
و ما تخميش هاذيك التخمام ما عندوا ما يدلك
تهلاي في روحك و نعلي الشيطان
هذا غير الشيطان راهوا يوسوسلك​

 

[zamanajaib]

جاوبتك على سؤالك البارح قبل حتى ماتكتبي الموضوع هذا

 

[صمت الذكريات]

انا من رايي يجب ان توقفو هذه المهزلة

ماهذا ان اظن ان هذا يسمى ضعفا في الشخصية
يجب ان توقفو هؤلاء الاستغلاليون عند حدهم و انا اعلم ان هذا صعب لكن بقليل من العمل و كثير من الارادة يمكن ان تنجحي وفقك الله لما فيه الخير

 

[xsxsx]

ربي يكون بعونك
جدي الله يرحمو كان دايمن يقلي أن لم تكن ذئب أكلتك الذئاب
الطيبه مليحه بس كثرتها جياحه
الصراحه جاني أحساس غريب أول ماقريت الموضوع مش راح نعرف نوصف هولاك
كل ألى بيدي أن أقلك كونى قافزا
وعمرك ماتعطي قلبك لغير زوجك
والشخص هاذا ألى جرحك منو لله
وربي يرسلك خر منو يقدرك ويعرف قيمتك

 

[dahman kz]

همسة مشاعر اللي يمشي بالنية هاد الوقت في بعض الاحيان يخسر ويكون هو الضحية
حتى انا ساعات تصرالي وندور على روحي ....لازم ديما الانسان يحذر ويمشي بحيلة .

 

[sofiane dj]

كوني كيما الاحتمال 2 لي قلتي باه تقدري تعيشي
علابالك بللي لعباد تاعنا des vempire تكون ناس ملاح يشربولك دمك
و هاذي العقلية راني ماشي بيها والحمد لله جامي يانبني ضميري غير كي نعود انا الظالم
ميرسي همسة​

 

[حنين الروح+]

مشكورين عندكم الحق مي منعرف نتبدل ولا لا ممكن نفيق لروحي لكن الطيبة ميزة مليحة والحنان موجود فيا كانسانة وانثى منقدرش نولي غير هكا
اما الناس لس يستغلوني بربي نوقفهم على حدهم وعادش لي يستغلني له وجود في قلبي مستحيل وخاصة لي يستغلني ويتمصلح بيا وبعد يرميني خاتر لي مايبكيش عليا منبكيش عليه
مشكورين ربي يخليكم

 

[mohamed ali 1992]

السلام عليكم ورحمة الله تعالـى وبركاته

سلامتكـ اختي همسة :blushing: علاه راكـ حزينة :crying:
وقتنا الحالــــي راكي تعرفي بلي الناس كامل تاع مصالح

الله غالــــــب

وقت مصالح وقت مانستحق ليك صاحبي صاحبي....الخ

والوقت الآخر لا حياة لمــــــن تنادي
....
الدنيا ماشي رايحة تتوقف بيهم ولا بيهم
يعني ....+-=0


راحتـكـ هي الاولــــــــى من كـــــل شيئ
ربي يهدي الجميع

وتفكري .....


ارضاء الناس غاية لا تدركـ







​

 

[مانويلا المصري]

اختي همسة مكانش واحد يكره قلبو الحنين
حتى ولو كان الناس يستغلونك كيما راكي تقولي الصبر مفتاح الفرج
وما تنسايش الحياة اختبار

 

[طيور الجنة21]

حبيبتي أنت باينة من مواضيعك غلى ردودك أنك ماكش تاع هاذ الزمان

أنت طيبة و خنونة في زمان مابقاتش هاذ المبادئ تمشي

أنا ماشي نقولك أنوا مابقاش الخير بالعكس مازال كاين و بالبزاف تاني

بصح لازم الانسان يعرف كيفاش يمشي برك و هذا ماكان

اتق الله و ستجدين مجرجا من حيث لا تحتسبين

ربي يكون معاك
​

 

[حنين الروح+]

مشكورين
الله يخليك كم نصيحتكم على العين والراس

 

[حنين الروح+]

جاوبتك على سؤالك البارح قبل حتى ماتكتبي الموضوع هذا

مشكور اخي راني ندي بنصيحتك ونعم النصيحة ومكانش احسن من الخالق

 

[حنين الروح+]

انا من رايي يجب ان توقفو هذه المهزلة

ماهذا ان اظن ان هذا يسمى ضعفا في الشخصية
يجب ان توقفو هؤلاء الاستغلاليون عند حدهم و انا اعلم ان هذا صعب لكن بقليل من العمل و كثير من الارادة يمكن ان تنجحي وفقك الله لما فيه الخير

اخت صمت الذكريات انا شخصيتي قوية مي ضعفها في قلبي
والاستغلالين كيفاش نوقفوهم
مشكورة اختاه

 

[حنين الروح+]

كوني كيما الاحتمال 2 لي قلتي باه تقدري تعيشي

علابالك بللي لعباد تاعنا des vempire تكون ناس ملاح يشربولك دمك
و هاذي العقلية راني ماشي بيها والحمد لله جامي يانبني ضميري غير كي نعود انا الظالم

ميرسي همسة​

والله غير عندك الحق شكون مزال كيفي يفكر بالنية
وناس ملاح راهم مايعيشوش في وقتنا
مشكور اخي سفيان تسلم

 

[حنين الروح+]

همسة مشاعر اللي يمشي بالنية هاد الوقت في بعض الاحيان يخسر ويكون هو الضحية
حتى انا ساعات تصرالي وندور على روحي ....لازم ديما الانسان يحذر ويمشي بحيلة .

مشكور اخي الكناري كلمك صواب صح الحيلة مليحة احياننا

 

[حنين الروح+]

مشكور اخي محمد علي
الواحد يتمنى غير راحة البال لكن لا يجدها

 

[حنين الروح+]

اخت مانويلا معلوم انو الحياة تجارب لكن الانسان يكون معجب بشخصيتو لانو طيب ومايقيسش الناس وفجاة
يخلوك تندم وتتمنى شرير