كوكب الاعترافات // المشكلة 13 " ساعدوني أرجوكم لا أعرف ماذا أفعل !!"

sahiko hamza · 3 جانفي 2013

السلام عليكم ورحمة الله تعالى وبركاته

مرحبا بكافة مرتادي منتدانا الكرام مثلما عودناكم في ركن:

° كوكــــب الاعتــــــرافـــات °

المشكلة رقم 09 :
" ساعدوني أرجوكم لا أعرف ماذا أفعل !!"

السلام عليكم اهل اللمة انا فتاة عمري 18سنة لما كان عمري 16سنة حبيت شخص وتعلقت فيه بس كان يتلاعب بيا افقدني عدريتي وبعدها راح كانو مايعرفني قال انتي بنت شوارع والان انا انخطبت لواحد صاحب اخي عمرو 26سنة وجبروني اهلي نقبل بيه باسكو صاحب اخي مالازمش نحشمهم بصح انا راني خايفة يعرف فقدت شرفي ويقول لاهلي راح يقتلوني خاصة اخي مايرحم احد والعرس هاد الصيف ساعدوني ارجوكم ولو بكلمة انا افكر بلهرب من المنزل ....

أم راضية ~_ · 3 جانفي 2013

السلام عليكم
لا حول ولا قوة إلاّ بالله
أختي قال الله تعالى :{‏‏وَمَن يَتَّقِ اللَّهَ يَجْعَل لَّهُ مَخْرَجًا }
استعيني بالصبر و أكثري من الاستغفار والصلاة والدعاء و توبي توبة نصوح و تأكدي إدا كان ربي معاك ملكتِ كل شيء
هادا ما نقدر نعاونك ختي
وربي يفرج عليك إن شاء الله

كاترين · 3 جانفي 2013

ختيتي راني نقلك ما تفكريش في هاد الشي ، كون تهربي المجتمع ما يرحمش و انتي درتي غلطة كبيرة كي صاحبتي هاد الطفل انا نقول أيسايي كيفاه تحكي مع خطيبك و تفهميه بالرزانة و الهداوة بلاك يفهم و لا احكي لماماك و لا وحدة قريبة ليك من عايلتك .
و ربي يفرج همك غاليتي

la_safa · 3 جانفي 2013

أستغفر الله و لآ حول ولآ قوة الا بالله ,
والله لحمي شوكت .. يآ اختي الله يهديكـ وش عملتي !!

مش رآح نكمل عليكـ لأنكـ أكيد نآدمة أشد الندم ..
يآ اختي يعني لو مآتبعتيش الطيش كون رآهو جآ مكتوبكـ و تزوجتي ..
يآ اختي كون خبرتي الشرطة و أهلكـ كون مآوصلتيش للي وصلتي ليه ..
يآ اختي ....... انت صرآحة في موقف مآتتحسديش عليه خلآص ..

الله يلطف بينآ و ببنآتنآ ..

اختي انت بصرآحة مآكآن حتى حل .. غير الموآجهة و الصرآحة ..
صآرحي خطيبكــ لأنو كون جيت فِ بلآصتو مآنسمحش لخطيبتي تخبي عليآ حآجة هكآ ..
و حرآم انت تخبي عليه , يسمى خدآع , خبريه و خلي لي يصرى يصرى ..
من وقتآه كآن الهروب حل للمشآكل !!
لآلآ وآجهي و مآتخليش الامور تتعقد أكثر و أكثر .. صدقيني الصرآحة الحل الوحيد
+ علآبآلي من أصعب مآ يكون أنكـ تخبري أهلكـ بـ .... ,
خبري اهلكـ يمكن يستروكـ و تحبسي العرس ..
أحسن ملي يعرف خطيبكـ و تصير فضيحة عند كل النآس ..

أستغفر الله والله يآ اختي نصحتكـ من قلبي و حبيتكـ تخرجي بأقل الاضرآر
رغم انو كنتي تفكري بيهآ قبل مآ تصرى هآذ الفضيحة ..

~

السلطانة · 3 جانفي 2013

وعليكم السلام

في الحقيقة مشكلة صعبة للغاية
لم أجد ماأقوله أختي
لو أخبرتي أمّكِ أثناء الفعلة الشنيعة
خاصة أنكِ كنتي قاصرا
لكان عوقب الشاب
لكن عُرفنا لايتقبل مثل قضيتكِ

فالقضية قضية شرف
لن أقول لكِ انكِ مخطئة لأنّ الغلطة واضحة وزمن النّدم قد فات

ان شاء الله يُفيدكِ الإخوة والأخوات

سلامي

M3TaZ eLLMa · 3 جانفي 2013

السلام عليكم

أخت الطيبة

قصتك محزنة جدااااا جداااا

أولا انت اخطأتي في حق حياتك وعائلتك لكنك اعترفتي بخطئك صح هي قضية صعيبة شوي لكن لازم عليك تواجهيها وما تتهربيش منها وقضية الهروب من البيت وين تروحي فكرتي في هذا المصير المجهول لا لا يأختاااه الهروب عمروا ما نفع صاحبوا ابدا بل راك راح تزيدي الطين بالة . لهذا ياخت الطيبة فكري مليح ورجعي ربي سبحانو وكما قالوا الاخوة قبلي حاولي انك تفهمي امك أو احد اقربائك بالقصة المهم لازم يكون حل إلا الحل نتاع الهروب هو ليس حل نهائي .

يأخت ما عليه غلطي في لحظة ضعف وشيطان لعنة الله عليه عرف يخدعكم حولي انك تفكري مليح في قصيتك وكيفاه تواجهي الامر أمام العائلة هذا الحل الاول وإذا رئيتي الحل صعب عليك

هنا حاولي انك تتكلمي مع خطيبك وتصرحيه بكل شيء وبأن يبقى الامر بينكم وحاولي تفهميه ان يتفهم وضعك جيدا .

أما أخت انك تقلي الهروب انت مخطأة جدا وبتعدي عن هذه الفكرة نهائيا لأنها راح تضرك اكثر من انك تحكي لعائلتك على مشكلتك وأي مشكلة لها حل يا طيبة

ألجئي إلى الله سبحانه وتعالى ودعيه كثيرا وفي كل لحظة توبي له توبة نصوحة وإن شاء الله سيكون الفرج يا طيبة

فكري مليح فقط قبل إتخاذ أي خطوة وعندك زوج حلول لا ثالث لهما

الحل الاول : إخبار أحد افراد العائلة أو حتى المقربين
الحل الثاني : إخبار خطيبك بالحقيقة وإن شاء الله يتفهمها يارب

ولي عودة إن شاء الله

هذا لي قدرت عليه اخت الطيبة

سامحيني والله

وقلبي معاك يأخت وربي يسمعنا بأخبار تفرحك وتفرحنا توكلي على الله برك راح تفلحي ..

تحياتي

الورد الأحمر · 3 جانفي 2013

الحقيقة أنني قرأت ولآ أريد التعليق ...
ربي يفرج كربك أختي
والسلآم عليكم ’

ISMA.dz · 3 جانفي 2013

السلام عليكم

مايسعني الا ان اقول لا حول ولا قوة الا بالله

انتي أخطأتي في حقك نفسك وفي حق عايلتك

لكن مايفيدش اللوم

ماكانش احسن من الصراحة

صارحي خطيبك يمكن رايح يتفهم الموقف خاصة انك كنتي صغيرة ورايح يستر عليك

ربي معاك في المحنة هدي حقا موقف صعب جدا

ويمكن الكلام هدا ماراحش يفيدك في شي لكن دعواتي معك

عليكم السلام

Djamel.Dz · 3 جانفي 2013

- أولا: ربــي يخفف عليك و يغفرلك خطيئتك ، اختي

- ثانياً : إنت عملتــي خطأ لا يغتفر ، ومجتمعنا لا يرحم مرتكبي مثل هذه الأخطاء
المنهي عنها في ديننا الحنيـف ، لكن الوقت اللي وصلناله أصبح كل شيء مباح .

- ثالثاً : راح تعملي خطأ ثاني بتفكيرك في الهرب من المنزل ، لأنك ستصبحين عرضة
لمن هبّ ودبّ و الكل سيطمع فيك بمجرد ان تطأ قدامك الشوارع ،وهذا بحد ذاته خطأ أكبر من الأول
- رابعــاً : أنصحك بالتوبــة و الإكثار من الإستغفار .بإرتكابك إثم لا يغتفر .

- خامســاً : لازم تصارحي خطيبك الآن أحسن من ليلة العرس لأنها ستصبح فضيحة أكبر ،و تصبح قصتك على لسان كل أهل مدينتك أو المنطقة التي تقطنينها و تضعيــن عائلتك في وضعية صعبـة جداً لا يحسدون عليا لان الامر يتعلق بقضيــة شــرف

ربي يكــون معاك أختي ، و يفرج عليــك من بابه الواسع

رنيم. · 3 جانفي 2013

لا حول ولا قوة الا بالله
الله يفكك منها بخير
اللهم استرنا فوق الارض وتحت الارض ويوم العرض

عا مـــــــــــر · 4 جانفي 2013

انتهي الأمر يا آنسة مادامك غلطتي فالمرة الاولى
والامر لي درتيه وأدى الى فقدان عذريتك درتيه بإرادتك مع ذلك الشاب لا تنكري هذا
وبما أنك درتيه بارادتك ماتلوميش الشاب هذاك
+ انتي جاية تحكيلنا على قصتك هنا فالمنتدى عادي ويماك ماقدرتيش تقوليلها ؟
ربي يهدينا ويسترنا ويحفظنا
ماعنديش حل ليك

سمسم السمسومة · 4 جانفي 2013

أسفة و لكنني حقا عاجزة في اعطاء حل لك...ربي يكون معاك يا رب

بنـ MaPa ـت · 4 جانفي 2013

استغفر الله
يا اختي ماعندي مانقولك غير ربي يكون معاك ويغفرلك على مادرتي
ونحي فكرة الهرب من راسك ماتعاوديش غلطة وحدوخرة خمي في حل آخر باش تخلصي روحك من المشاكل
وماتخبيش على هاد الانسان لي حب يخطبك قوليلو واللي صار يصير المهم ماتخليهش يدير حاجة يندم عليها
شوفي اقرب انسان لعائلتك واحكيلو واطلبي منو يحكي لاهلك
ممكن يحوسو على الشخص اللي دارلك هكدا ويحكيو معاه
على ربي يحن قلبو ويحس بواش دار ويستر عليك خيتو خير من تحطمي مستقبل انسان معاك
والافضل تطلبي مساعدة من كاش امام لانو ممكن جدا هو يقدر يساعدك ويحلك مشكلتك بعد ربي سبحانو
وان شاء الله مايكون غير الخير

D aucun · 4 جانفي 2013

السلام عليكم
أختي الكريمة مادام صرا لي صرا الور مابقاش علاهش نلوموك اوكي اختي
مي تبانلي ماتزيديش الغلطة بغلطة اخرى اوكي أختي الور علابالنا ماشي حاجة ساهلة
أنا ننصح اختي بحاجة مليحة
شوفي هي طولي ولا تقصري غادي تبان اوكي مي نت حاولي تتواصلي مع صاحب خوك هدا ولي هو الخطيب تاعك وفهميه بالشوية وأحكيله قصتك نيشان اوكي وماتقوليلهش أقبلني خليه برك بينه وبين روحه شاوا برك قوليله يكمل معاك بطريقة لي تخلي داركم مايشكوش فيك هادي علابال تأيفيتي كاش ما يصرا في العرس وهادي الحل الوحيد لي راني نشوف فيه انا
والحل الامثل أنو تخبري يماك بالواقع اوكي ولي يصرا يصرا مالغري ماشي حاجة ساهلة هادي
وشا نقول لأختي ربي يكون في العون وصايي وربي يرزقنا بزينة لعقل وهادي هي حالة لي يأمن بلامور

M3TaZ eLLMa · 4 جانفي 2013

قال عا مـــــــــــر:
انتهي الأمر يا آنسة مادامك غلطتي فالمرة الاولى
والامر لي درتيه وأدى الى فقدان عذريتك درتيه بإرادتك مع ذلك الشاب لا تنكري هذا
وبما أنك درتيه بارادتك ماتلوميش الشاب هذاك
+ انتي جاية تحكيلنا على قصتك هنا فالمنتدى عادي ويماك ماقدرتيش تقوليلها ؟
ربي يهدينا ويسترنا ويحفظنا
ماعنديش حل ليك

السلام عليكم

أخي عامر هذه البنت لجأت إلى أهلها في اللمة وعلينا أن نساعدها بأقل مجهود منا

وهذا هو شعار المنتدى الاخوة فوق الجميع

ولا نعاتبها ابدا بل نحاول مساعدتها حتى لو بأضعف الايمان الدعوات لها لأنها تحتاج إلى دعوتنا

وما تقراش نقص مني

وشكرا

وأسف اخت مينات وأخ حمزة على التدخل

abdou08 · 5 جانفي 2013

انا اسف مانفهم الصوالح هادو مليح فقدتي عدريتك ..الخ
لكن انصحك باللجوء الى الله من كثرة الاستغفار والادركار والالتزام بالصلاة
وديري الحجاب وان شاء الله ربي يفرج عليك

قناص الغرام · 5 جانفي 2013

ربي يهدي ما خلق
ربي يفرج عليك

***سوسن الجزائرية · 5 جانفي 2013

ادعي ربي هو لي يفرج عليك من بعد احكي لخطيبك برك أعرفي كيفاش تحكي معاه وكلشيئ مقدر.
وحنا مايبقى معنا سوى الدعاء لك بالستر..

زهور الشوق · 7 جانفي 2013

لآ حول ولآ قوة إلآ بالله العلي العظيم
أقبلي على ـآآ الله عز وجل بكل خضوع وندم وتذلل فهو الوحيد القآدر على كل شيء
وربي يكون فعونك أختي

رضوة الجزائرية · 7 جانفي 2013

مثل ماقلو الاخوة لا اضيف شي من غير ربي يفرج كربك وستر عليك وييسر امرك لما يرضاه اللهم استرنا اجمعين وفرج علينا يارب العالمين

كوكب الاعترافات // المشكلة 13 " ساعدوني أرجوكم لا أعرف ماذا أفعل !!"

:: عضو بارز ::

:: عضو بارز ::

:: عضو بارز ::

:: عضو بارز ::

:: أمينة اللمة الجزائرية ::

:: عضو بارز ::

:: أمينة اللمة الجزائرية ::

:: عضو بارز ::

:: عضو بارز ::

:: عضو مُتميز ::

:: عضو مُتميز ::

:: عضو بارز ::

:: عضو بارز ::

:: طبيب ::

:: عضو بارز ::

:: عضو منتسِب ::

:: عضو بارز ::

:: عضو بارز ::

:: عضو بارز ::

:: عضو بارز ::

المواضيع المشابهة