راني حابة نموت

[صمت الذكريات]

مانديش الشيخ و لوكان يغنيني ندي الشاب الصغير اللي يهنيني

 

[نجيب]

ضحكت ملييييييح كي ضحكتك
بصح بالعقل يعني واحد مش محترم روحو علاه تحترمو ... وبالنسبة للبهدلة نوغمال ... راني قلتلها بهدلة على الطريقة الراقية مش تروح تعيط وتلم الناس يعني تخليه يخجل من روحو

ههه كاين بزاف اختي هد النوع من الرجال شحال قدك تبهدلي
بلاك تنجمي ديري قالب
المهم عرفت بلي جولي شاطرة بزاااااف هههه وفايقة مع الوقت لي رانا فيه
مرسي جولي وتهلاي في روحك

 

[la fole]

يعطيكم الصحة كامل علي مديتولي حلول و ان شا الله ربي يجازيكم

 

[mamadou]

يا اختي خلعتيني .... هدي حاجة تخليك تتمناي تموتي ؟؟؟ بعيد الشر عليك ، روحي لعندو أفهميه بلي راه كبير و ما يناسبكش هذا واش كاين ولا عاودها وصليه لولي أمرك هو يقصر معاه
ربي يحفظك

 

[la fole]

merci frère tu es très gentil

 

[لحن الحبيب]

ختي ماتهدري معاه ما والو ديري كي شغل مامدلكش هديك الورقة وكي تتلاقاي بيه في طريق جوزي عليه وماتهدري معاه هكذا راح يكره ومايزيدش يدور بيك
سلام
​

 

[اشراقة الغد]

انا نقولك وش تديري

اكتبي في ظهر الورقة
ربي يهديك

وخليهالو
وماتزيديش تخزري فيه
والطريق الي مالفة تمشيها بدليها

 

[الورد الأحمر]

أختي نقولك كيفاش ديري
ما تقيميهش خلاص
كون تهدري معاه تعجبو روحو وتكوني درتيلو قيمة كثر من لي يستاهل
وإلى عندك خوك مديلو الورقة يقراها وهو يعرف واش يدير سي نو تقليه
وخليه وما تصمطي فيه ما والو أو يقول عجبتها روحها وقاعدة تّقّل فروحها
ويبقى يقلقك تقبلي مروري وانشاء الله يعجبك رايي
...​

 

[شريرة]

ماديري والوا.....وماعندك ما ديّري ​

الا اشتكيتي بيه عند داركم رايح يكبر الموضوع !!​

هاذي الحكاية أظربيها بطاوة و خلاص

وسلامتك من الموووت ​

 

[imen_31]

هذا راه كبير عليك بزاف ماديريش عليه راه حاب يتمسخر بيك ويضيع الوقت كو عينه فيك يجي يطبطب للباب
ولازم تخبري اهلك عليه
شكرا لثقتك بنا
اتمنى ان يقنعك ردي

 

[نوميدي]

إذا كان يقصد الزواج فاين المشكلة ولاكان يقصد الفساد تم راني معاكم
انا على كل حال مافهمتش في الرسالة تاعو واش راه يقصد خاطر المعاني هادو اللي ينقالو بالفرونسي انا مانفهمهمش
لكن لو نفسروها عادي بدون معاني أو تلميحات فكلامو عادي يقوللها أريدكي لي وبطبيعة الحال الزوجين تكون الزوجة لزوجها والزوج لزوجته

أما مسالة فارق السن فلكي ان ترفضيه لانه أكبر منكي لكن بأذب وليس بالشتائم يعني لاكان هو ربي ماسهللوش تزوج في صغرو يعني يبطل مايتزوجش خلاص ؟؟؟

لكن نرجع ونقول لاكان راه يقصد الفساد فتم اسع راه يستاهل رد عنيف وشديد
والله أعلم

 

[fantazia]

الصح هو تقولي لامك و هي تتصرف و تقول لباباك يحساب بنات الناس لعبه

ربي يهدي ماخلق

 

[ffooll]

ارحمو الراجل يا خوتى راكم طحتو فيه غير بلقباحة
ما يستاهلش هذ الشئ اكل
نقولك اختى مكانش لى ما يغلطش
واش فيها كى عطاك ورقة وكتبلك فيها كلمات
بلاك نيتو صافية وحشام مقدرش يقولهالك ديراكت
متسبقيش الاحداث
حاجة الفرق فى السن ماش عيب العيب هو الخدع
ربي يوفقك وان شاء الله يكون من نصيبك

 

[حنين الروح+]

ممكن حاب يخطبك مي قال نشاورها هيا باش نشوف نبضها قبل نجي بالرسميات ولو او كبير صعب في الحالتين تجاهليه ولا اذا عاود قوليو الباب يفوت جمل
خششششششش هههههههه ن شاء الله متموتيش

 

[la fole]

يطيكم الصحة على اردود و لوكان ناوي الحلال ما نقول والو مي هو sauvage

 

[حسان]

ندبر عليك اخطر طريقة ستعذبه عذاب شديد بدون فعل أي شيء هي التجاهله و كأن شيء لم يكن
تجاهل هو الحل الوحيد
و كان شيء لم يحدث هو الدواء الوحيد

 

[killua0555]

...هادى حلها ساهل ..روحى رديلو ورقتو و قوليلو ..مرة وحد اخر كى ماتفهامش كا اوردوننس تاع طبيب مكالاه تعطيهالى باش نترجمهالك ..مخصنيش تكسار راس ....و حطيهالو فى يدو واخرجى ....ههههههههه ....

و الا ماتقيمهش كى يجى يقولك واش رايك قولو ....واش علاه كشما صرا فى الحومة ......:music_whistling:.....

 

[عابر سبيل12]

قطعيها وانساي والا خليها ودخليه لقلب
امساك باحسان او تسريح بمعروف
والسلامة عليكم ورحمة الله

 

[podolsky]

الحل ساهل
عفك منو وما ديريش راسك براسو
و هذا البلاد تشوفي فيها كلش
والله غير تخير
الله يسترنا برك
المهم ماتخميش المبعر مبعر والله لوكان في عمر 100 سنة
وبااااااااااااااااااااااي

 

[la fole]

يطيكم الصحة على ردودكم احسن حل هو التجاهل بارك الله فيكم على الانضصات و نحذر كامل لبنات من هذوا les jeunes