اكمال الدراسة ام الزواج ايهما في مصلحة الفتاة في نظرك **فريق ورود اللمة **

[fatima alaa]

اكمال الدراسه أم الزواج ..!! ​

أيهما فى مصلحة الفتاه..؟؟
الكثير من لأهل ترفض تزويج بناتها فى مرحلة الدراسه فالدراسه أولا ومن ثم الزواج ..هل وجهة نظرهم صحيحه ؟؟
أم ان الدراسه لاتمثل عائقا لزواج الفتاه حيث انها تستطيع التوفيق بينهما ؟؟
هل الشهاده الدراسيه اكثر ضمانا لمستقبل الفتاه من الزواج ؟؟
هل الزواج فى سن مبكره السبب لحالات الطلاق حيث يكون الزوجان غير مهيئين لتحمل المسؤليه وحل المشاكل ،كذلك أنشغال الفتاه فى الدراسه قد يلهيها عن واجباتها اتجاه زوجها وبيتها ،، فيحدث الانفصال من أول مشكله أو خلاف..؟؟
فما هي وجهة نظركم؟؟​

​

​

​

 

[programmeur]

بالنسبة لذكر الزواج بعد الدراسة
بصح الانثى ادا جاها واحد وخطبها وكان عمرها فوق 18 ولا 20 سنة تروح تتزوج خير بشرط ادا حبت هي

 

[tarek 09]

نولرمالمون الطفلة تكمل قرايتها وامبعد تتزوج وادا زوجها خلاها تقرا ماعليش

المهم مصلحة الطفلة كي تكمل القراية
باغسكو هادي دنيا وماتعرفش واش كاين غدوة
بالاك تطلق مع راجلها يعود يموت راجلها لقدر الله
وبالتالي سيكون مصيرها التشرد عكس لو كانت لها شهادات دراسية فتحصل على عمل
والله اعلم المهم هدا رايي وارجو ان تقبلوه​

 

[PublIsheR2]

عادي جدااا قبل و لا بعد الدراسة مافيهاش مشكل
المهم انه تكون عارفة و مقتنعة بواش راها تدير و اللي فيه الخير و الصلاح يجيبو ربي

 

[fatima alaa]

شكرا لكم على المرور الرائع

 

[حلومة-هانم]

انا في راي يا فطوم القراية قبل لانه الوقت لي رانا فيه ما يرحمش قداش عندك قداش تسوى و القليل بصفة خاصة خصه يقرى باش يسلك راسه و زيد الوحدة منا مراهيش دامنة ليام ياك يقولوا الدنيا جرارة و تدور اليوم معاك و غدوى ضدك لهدا واجب على الشيرة تقرى لزمان عقوبة اي الزواج بعد الدراسة و الله اعلم

 

[fatima alaa]

شكرااااااا على مروركم العطر


الف شكر حلومة

 

[حلومة-هانم]

 

[امل قمار]

انا رأيي من رأي طارق وحلومة
الطفلة لازمها تقرا ومنبعد واش تحب ادير اديرو
مع اني ضد عمل المرأة المتزوجة لكن لقراية حاجة لازمة​

 

[بنت النخلة]

السلام عليكم​

الزواج مكتوب يمكن تكون البنت تقرا و ماهيش تفكر في الزواج بصح كي يجي المكتوب حتى شي ما يمنعو
وانا رايي لازم تكمل قرايتها خاطر الوقت اللي رانا فيه ما يطمنش
سلاموووووووو​

 

[أمــ وليــد الجزائرية]

انا في راي يا فطوم القراية قبل لانه الوقت لي رانا فيه ما يرحمش قداش عندك قداش تسوى و القليل بصفة خاصة خصه يقرى باش يسلك راسه و زيد الوحدة منا مراهيش دامنة ليام ياك يقولوا الدنيا جرارة و تدور اليوم معاك و غدوى ضدك لهدا واجب على الشيرة تقرى لزمان عقوبة اي الزواج بعد الدراسة و الله اعلم

انا ماعندي مانزيد على ماقلتيه اختي راني معاك في كل ماقلتيه هاد الوقت بزااف الصعيب لازم الواحد ايكون قادر على شقاه و الطفلة في هاد الوقت غير قرايتها الي يسلكها و الله اعلم​

 

[fatima alaa]

شكراا على المرور اختي

 

[sama-h]

صراحة موضوع رائع وانا عن نفسي شويا من هادي وشويا من هادي يعني نقولك الصراحة اختي اكيد العلم مطلوب وشرط اساسي للطفلة مي عن راي انا نختار الزواج افضل وخصوصا ان كان مع شريك يدعم افكاري ويخليني نكمل يالو كان عن طريق المراسلة وخوصا الان نقدرو نتعلمو ولا نتكوو عبر المراسلة الطفلة اذا راح سعدها ما بقالها والو لان اكيد المتعلمة وغير المتزوجة لديها دائما احساس الانثى ولكل امراة هذا الاحساس امالا اخترت الزواج والاولاد والاسرة هي الصح ومن ضمن اهم اولوياتي وممبعد تجي لقراية ربي يخلينا ازواجنا وربي يزوج كل طفلة انشاء الله مشكورة اختي موضوع مميز

 

[fatima alaa]

شكرااا لكي اختي على المرور الرائع والطرح المميز للموضوع

 

[رمز الجزائر]

كلاهما جميل الدراس هي علم ومستقبل والزاوج سترة بالسبة للبنت في وقتنا​

 

[avril.lavigne]

انا ننصح كل وحدة
قرايتك ثم قرايتك ثم قرايتك
الزواج يستناك مي قرايتك جامي تستنى

 

[مهديmido]

الدراسة امليحة لطفلة و الطفل
لكن انا انشوف الطفلة لازمها الدراسة خيرررررر
ادزيد فيها النص

 

[ابن عقيل]

الرد

السلام عليكم
العلم مطلوب للجنسن ولن أخوتى هل يمكن للفتاة رفض من يتقدم لها بحجة أنها تكمل فى دراستها تكون قد فات عنها القطار ،راى الزواج خير لها من التعليم

 

[منار النجم]

نقولكم صراحة المراة مايليقلها غير دار زوجها بصح يا جماعة في هدا الوقت يجب على المراة تكمل الدراسة نتاعها ودبر بلاصتها في الخدمة وتكون حرة بالاموال نتاعها

 

[rida_dj]

شكرا على الموضوع الجميل
انا من راي زواج اهم من الدرسة