الظاهرة الجديدة عند بنات بلادي

[فيفي]

انا نقول في حجا كيما هدي كل واحد يدبر راسه كيما يبغي يدير:biggrin:

 

[عاشق اللمة الجزائرية]

اكيد اختي فيفي

كل حر في حياته

نحن نناقش موضوع طرح نفسه بكثرة وقوة فقط ليس الا

 

[الورد الأحمر]

أي موجة برك وتعدّي ما تخافش خويا
أي انفلونزا اللاعبين برك،كي يفوت
المونديال يكون اللقاح وصل
ويبراو بنات بلادي
ههههههه
[font=&quot]♥[/font] [font=&quot]♥[/font] [font=&quot]♥[/font]
​

 

[برآءة]

ربي يتم فرحتهم

 

[chiva.]

هههههههههههههههههههههههههههه عندك الحق كانو شادين لكوزينة ولاو يفهمو في لبالو ههههههههههههه

 

[سحر سورية]

واش نقولك يا أخي كل وحدة و عقليتها ربي يهديهم
قاع نحبوا الفريق اللي رجعلنا الفرحة ميبصح ماشي لدرجة الجنون باللاعبين
يعطيك الصحة على الطرح الرائع
​

 

[nermina]

يبدة لكبيدة ....يا ترى شحال الكيلو؟؟؟؟؟؟؟وقيلا عالية في المارشي ههههههههههه

ايه يا ختي لبنات هبلو و ماعليك غير تدعيلهم بالهداية و ربي يوريلهم الطريق الصواب داوها خلعة على قلوبهم كي ربحت دزاير و تشوكاو عليها دارو هدات و خداوها في عقولهم

شكرا على الموضوع
تحياتي​

 

[امة الله]

معك حق أخي والله مو لهذه الدرجة الحب والإعجاب يبقى محصور في نطاقه يعني يكون إعجاب بهم لتمثيلنا في الخارج وفرحونا في كل مكان بأخلاقهم وروحهم وعقليتهم الكبيرة والموزونة هذا يجعلنا نحبهم ولأنهم إخوتنا إلي يصيبهم يصيبنا
لكن مو لدرجة الجنون والتسمية بأسمائهم والله عيب
هذه تصرفات طائشة وطفولية لازم شوية نكبروا ونكبروا عقولنا مهما كانوا هم مجرد شباب وربي يوفقهم وعندهم حياتهم مثلنا مثلهم
هذا شيء طبيعي أن نشجعهم ونناصرهم بكل قوة لكن في إطار محدود
تحياتي لكاتب الموضوع مشكور طرحك في محله وفي وقته ولتفق كل البنات وليتركن الإعجاب في حدوده وليس لحد الجنون.
تحياتي

 

[ايمان09]

خلونااااااااا نفرحوا احنااااااا تنانيك

 

[زنوبة dz]

نموووووووووووووووت على مغني
وكي نشوف لي فوطو تاعو مع مرتو نبكي
وعندي قاع تصاور تاعو في بيتي
وكون ميلعبش هو منتفرجش
اولا اخي مشكوووووووووور على الموضوع
صحيح في هده الاونة لاحظنا هدا الاهتمام الكبير باللاعبين
لكن تعرفوا واش يعجبني كثر كي تلقى زوج بنات يحكيو على لاعب وتلقى الشباب تاعنا رايحين يموتوا بالغيرة على خاطر البنات ولاو ميسمعوش بيهم وصار الشباب يقولوا علاش مجيتش نلعب البالون
انا وحدة من الناس وليت لي يشبه لمغني يعجبني ابار سا ميعجبني حتى واحد
وشكراااااااااااااااا
​

 

[إيمي88]

لمخيرة تاع يبدة لكبيدة ومطمور مون امور :laugh:
انا نفضل يعجبو بلاعبينا خير من مهند وتامر حسني :thumbdown:
على الاقل made in Algeria !

​

 

[فؤاد الورقلي]

السلام عليكم

هذي هو حال زمان غير التقليد
تبع لاشين وخلاص كيما قال الحاج لخضر
واش يدروا ندير
التقليد الاعمى
ربي يهدينا جميعا

شكرا على الموضوع المميز

 

[لحن الذكريات]

ربي يهديهم والله انا بنت ونستحي كي نشوف وحدة كاتبة مثلا روحي عنتر يحي او ...........فعلا ناقصات عقل ودين

 

[جيهان السوفية]

هذي حاجة عادية نحب فريقنا ونشجعوهم لانهم هومة الي دخلوا الفرحة في البيوت الجزائرية
بصح هالأسماء مجرد تعابير عن حبهم للفريق ماشي كيمة تقولوا عنهم

 

[جزائرية مكاش كيفي]

معاك يا الخضرا ديري حاله الله غالب شابين بزاااف انا

وحده يعجبني رفيق حليش العقاله و الرزانه و .......

بصح ماشي لدرجت نهبل

عليه ولا نسمي روحي عليه لا لا لا لا...

حتى لبنات تاوعنا ربي يهديهم

 

[chouchita]

* و الله عندهم الحق اختي لعزيزة انا راني مالقيتش برك وش نسمي روحي puisque نعشق فيهم كامل و meme الاسامي اللي جربت كامل ما قبلوهمليش **
1.2.3 viva l'algerie​

 

[مـــــلاك]

نقوللك الصح يا خويا العزيز و الله غير جياحة تاع بنات
انا ليجوار كامل عندي نورمال من كبيرهم لصغيرهم
و زيد نقوللك انا مبديتش نناصر من 7 juin انا كنت نناصر فريقنا الوطني في العهد الي كان فيه زرابي رؤوف و اشيو و بن حمو ،، هذاك الوقت ماكان ني يبدا ني غزال ني مغني..و كنت اعشق منتخبنا رغم الخسارة لكن مع الوقت كي جاو les beaugosses تاع l'EN ولاو البنات كامل يحبو الفوت​

 

[nassima dz]

انا يعجبني مغني علاخاطر قمة في الاخلاق +شباب+يعرف يلعب

 

[yacino1993]

صح عندك حق خويا والله وليت نغير منهم نقصو شوية وشوفلنا حنا أما هوما راهم متزوجين ههههههههههههههههههه

 

[Sârsoùra L'mkàlChà]

انا نمووت على les joueurs نتاعنا

عندهم وحد الزيين رصااص
​