كنت راح نسكت بصح خفت لنطرطق بسكاتي

[أميرة الحكم]

شوفو جيت نهدر قلت نسكت بصح مش باغيا نطرطق بسكاتي

اماله قلت نهدر و امري لله .........

علاه الوحده كيما تولي متربيه و ما تبغيش تهدر في الحوايج الزايده يقولولها راكي :: معقدة::

و علاه كيما متحطش الفوطو نتاها في المسنجر و م س ن يقولوها راكي :: معقدة ::

قولولي ضرك راني نهدر في الواقع و الا غير نتخايل باللي الناس تغيرت و صار المليح مش مليح
و اللي ديما يلعب هو المخير

بصراحة ما يهمنيش راي اي واحد فيا مادام انا مقتنعه بحالي
بصح حبيت نفهم حاجة واحدة ::

لحد وقتاش الواحد راح يظل يغلط​

موضوع يحتاج للنقاش

 

[SOUHA]

عندك الحق اختي لعزيزة يقولك معقدة كي متحكيش مع الاولاد ومتروحيش للسيبر مع طفل وكي مدريش كادووو و وو
وزيد و زيد هادو كل راهم يضحكو على البنات برك واللي تكبر عقلها تعيش مع هذا الجيل

 

[أميرة الحكم]

عندك الحق اختي لعزيزة يقولك معقدة كي متحكيش مع الاولاد ومتروحيش للسيبر مع طفل وكي مدريش كادووو و وو
وزيد و زيد هادو كل راهم يضحكو على البنات برك واللي تكبر عقلها تعيش مع هذا الجيل

ايه و الله معاك حق واش راهي نديرو
غير نتمناو الشفا لهذا الجيل

 

[AnGeL*dZ]

خلي يقولو علينا معقدين
التعقاد هكا ولا طيش
الناس غير رايحة للهاوية
خليك منهم ختي

​

 

[killua0555]

بيناتنا نتى علاش قلقك نورمال متخلفة معقدة نقولك كلمة قتلها وحد العالم الله يبارك راهو يكتب دوكا :001_tt2:....لازم تقة فى نفسك :sneaky2:متنجريش الى تعليقات التافهة :001_tt2: التى لاتعبر الا على شخصية الانسان :thumbdown: ....نورمالمو وصلت هادا مكان معقدة و دير واش فى راسك و لا ماشى معقدة و تبع و قول باااااااااااااااااع :music_whistling:

 

[nermina]

ما تديش بكلام الناس مادمتي مقتنعة بواش راكي ديري ....هادي هي الدنيا tjr la contraire ​

 

[حورية الجزائر]

مادام الواحد يعرف روحو بلي راه يمشي صح علاه يدير على هدرة الناس؟
يقولو واش يقولو التالية يرجعو لرأيي خاطرش هو الصـــــــــــــــــــــــــــح
ويا جبل ما يهزك ريح

 

[أميرة الحكم]

خلي يقولو علينا معقدين

التعقاد هكا ولا طيش
الناس غير رايحة للهاوية
خليك منهم ختي​

ايه عندك الحق لو بقا الواحد يفكر و يطلع ينزل ما تعودش تفرا الحيه
مي الحاجه اللي محيرتني هي وكتاش راح يبطلو يغلطو ؟؟
مشكوره على الرد

 

[naamane3]

ماكي معقدة ماوالو
اللي يقولك معقدة راه غاير منك
كي شافو رواحهم منحرفين
يحبو يرجعو الناس كامل كيما هوما
نورمالمو يتوبو
حابين يديونا معاهم فالكرعين
فهمتي علاش يقولو معقدين​

 

[fatima 87]

مدامكــ مقتنعه بمبدئكــ
مكلاهــ تحوسي علي الناس
لمليح عاد قبيح ...والقبيح الناس عليهـ تطايحــ
الله غالبـ الوقت والعقليات تبدلت
الله يسترنا ويعافينا في الدنيا واللاخرهـ
​

 

[** غزال الصحراء **]

من موضوعك باينة معقدة !!

الله غالب هاذي هي نضرة ناس ليوم ما يفرقوش بين الطفلة الملتزمة و المتربية //

مرسي عليك و ربي يصلح لحوال .

 

[الورد الأحمر]

هاه كاينة،لي تحكي معاه يجري باش يقولك
حطي لافوطو،وغير شوية بعد يقولك
هاتي النيميرو،كي تقولي لا يقول
معقدة،درك نقولك وعلاه،بكل
بساطة كْوُvا وتافهين
ومشتاقين بنات
هزارش
...
​

 

[hind*alg-]

وااااااو مودوعك فووووووووور وهدي تصرانا بزاف
مي ديري في بالك بلي هوما ام يقولو عليك معقدة بصح قلبهم او يغلي منك وهدا راح يبين قوة شخصيتك
نتي كي ديري حاجة قبل ما ديريها شوفي نهاية تاعها.....ونهاية تاع لبنات لي يحطو تصاورهم باينة كيفاش
وهديك لي تلعبها متفتحة زعمة ماهي غير تدحك على روحا
وتامن بلغولة وناسية بلي كاين ذئاب بشرية

 

[حسان]

في هذا الموضوع أصبحت نحب كلمة المعقدة او المعقد

ياليت يدعونني المعقد هؤلاء هم يمثلون المجتمع منحط هههههههههههههه

 

[salma2010]

اختى الصراع بين الخير والشر لن ينتهى الى ان تقوم القيامة المهم انكى تكونى اقوى من كل الظروف وتتحديها للوصول الى الصواب
واذا ابعدتى نظركى قليلا لوجدتى ان بعض البشر من ارض الواقع اذا شافوكى محترمة ومتمسكة بالدين قالو جاهلة........خليهم يهدرو المهم ديري اللى فى راسك بشرط ان يكون صائب والله يوفقك حبيبتى....... اختك سلمى

 

[ديفاني]

,, عزيزتي مجرد آخر زمآن فرض نفسه ,,
​

 

[هاوية المنتديات]

يودي الدنيا ولادة قاع معقدا
حتى الي ماتهدرش بزاف معقدة
والي ما تسلمش على واحد معقدة والى والى.................
المهم رجعوا الدنيا قاع معقدة
رب يستر​

 

[MR-REDOUANE]

اللي تخمم بقلبها يسموها اوvار و اللي تخمم بعقلها معقدة هكذا بعض الناس راهي تشوف انا نشاور راسي كي ندير حاجة و خليهم يسموني معقد

 

[hala.21]

سلام
يااختي حطي لقطن في وذنيك ومتسمعيش لهدرة ناااس فارغين شغل كيما دير معاهم مهياش لكان لبستي وخرجتي وكنتي ouvert يقلو عليك ممتربياش ولكنتي تحشمي وحاكما قدرك وممديراش صحيبك ...يقلو عليك complexeومتخلفة ومزالتي في قرن جداك....
ويلي يقلك معقدة هدا لعبد جامي درلو قصة متقيمهش وديري يلي فيبالك وكوني امراة قوية وصلبة لاتستسلم لكلام نااااس

 

[الظل الطويل]

يا اختي ما يغلطوكـ ماوالو
راكي صحيحة 100/100 ولبنات كيما هكدا نقدرهم
بنت الفاميليا عمرها ماتبيع روحها

تحياتيــــ​