[[..التشومير و الشوماج...§الكلام مجاني§...فرغ قلبك يالزوالي/ة..]]

[~ مستشـآرهـ طـرزآنـ ~]

السلام عليكم

راح نطرح موضووووووووووووع جريء جميل
جماله مزعج ولكنه واقعي وأكيد..:yahoo:

إنه:

واش هي البطالة ..؟؟
بالعربية حبيت نقول الشوماج..:music_whistling:

تعريف الشوماج:
الشوماج هو ظاهرة إجتماعية ......كلمة مترددة بلسان
كل جزائري ...عربي .....وصايي

للشوماج لم أجد التعريف..:huh:
أيا برمجت فيها جولة في الشارع و وجدت معايا دي كيستيون اللي راح نطرحها على الأشخاص... [ رحت أبحث عن بعض الأقاويل]

قلت نروح نسقسي الشومارة واش هو تعريف الظاهرة اللي عايشينها!!...:thumbup1:​

خرجت مراسلة اللمة الجزائرية [أي أنا..:blushing: ] إلى الشوارع وبدأت ب......[صبر الأراء]
طرحت على مجموعة من الأشخاص سؤالي حول...تعريف الشوماج.:biggrin:

راي..×..راي​

قالك السي الحسين: الشوماج هو ........ الشوماج
نورمال أنا مانيش خدام ...ايمالا راني في شوماج!!!!!..:confused1:

يقول السيد محمد من عين المكان:
الشوماج هو كي تكون حاكم قهوة ودخان
وتشوف في السماء تستنى لطف ربي ودعوة الوالدين !!!!!!

رحت سقسيت السي مراد...[كان شوي منرفز..:blink:]
قالي: واش حابة عندي؟؟؟

أنا:سيدي حبيت نطرح عليك سؤال فقط..:glare:

السي مراد:واش من سؤال ؟؟؟...الصوت تاعو داير حالة

أنا (رجليا يترعدو من الخوف):قولي لو سمحت تعريفك للبطالة...أي الشوماج..:001_unsure:

السي مراد: نورمال الشوماج اللي راني فيه
أنا شومور ......كي تشوفيني تفهمي واش هو الشوماج

وقريب يضربني !!!!!..:cursing:

زدت حوست على تعريف لظاهرة الشوماج :
لقيت واحد تحت شجرة ...حامل ورقة وقلم
باين عليه قاري فاهم وراح يعطيلي تعريف للعاطل عن العمل والبطالة

قال:

عاطل وأروي قصتي وأتكلّم=
مع أن وضعي لا يحتاج تفاسير

خريج وأحلامي سمو المعلّم=
وكنت أنتظر فرحه نجاحي على خير

أربع سنين أرقى على المجد سلّم=
مواطن أزرع لليالي تباشير


حب يزيد يهدر قتلو صايي بزااف خويا..:001_huh:
***لوكان خليتو كان راح مايكملش!!!!..باين مهموم بزاااااااااف ***

أنا: ممكن نشوف دفترك؟؟؟؟

قال: ايه تفضلي

وجدت به رسومات
إليكم أحدها :

غاضتني عمري يا ناس..:sad:..أيا قلت نبدل شوية الموضوع

تحرقنا من قهرٍ جالَ فوق غيامة هؤلاء الشبان!!!!..:crying:

رحت تمشيت......فوجدت أحدهم حامل قارو..(سيجارة)...
ويشوف في المارة
هذا طالع هذا هابط ...هذا طالع هذا هابط!!!!
قلت نروح ليه ..:angel_not:

أنا: احم احم .... باين عليك خدام ياسيدي

هو: ايه خدام وكاره حياتي في هاذيك الخدمة تاع الهم!!!!..:thumbdown:

أنا: ايه كل خدمة فيها تعب ايوا خير من لي تكون غير قاعد!!!

هو: ايه ...خير من والو ....راني خير من سفيان وكمال ومحمد وهشام ويونس وووو....

أنا : ايه فهمنا صايي يا أخي ... واش تخدم ايمالا ؟؟؟واش هي هاذي الخدمة اللي دايرة فيك حالة؟؟؟..:mellow:

هو: بعد تنهيدة طويييييييييييييلة
على بالك .... نعمر البرويطة بالرمل ونطلعها للسانكيام ونزيد نهبط
نزيد نعمرها ونطلع بيها ونزيد نهبط ....... نهار كامل هكا

أنا: ومن وقتاش وأنت خدام؟؟؟؟؟؟؟؟؟؟

هو: غدوا نبدا

​

بقيت نتمشى و نتمشى ومنبعد تفكرت بلي التشومير ماعطينالوش تعريف ؟؟؟...:001_unsure:
السؤال الأول ببالنا اللي حبينا نجاوبو عليه:

هل للشوماج علاقة بالتشومير ؟؟؟؟

رحت لحي فقير....نسقسي الناس إذا خدامة ولا لا!!!

هاذي عائلة يوسف:

أنا: السلام عليكم

يوسف: وعليكم السلام....تفضلي

أنا: حبين نعرف .....وشحال انتوما في العائلة؟؟؟؟
​

يوسف: 9

أنا: الله يبارك

يوسف: لالا ماكملتش 9 بنات و7 ذكور ....والأب والأم

أنا: آه !! الله يبارك ..hmy:

وشحال من عامل في الدار ؟؟؟

يوسف: حتى واحد ...واش دخلك انتي؟؟؟

أنا: اووو حتى واحد ؟؟؟ وكيفاه عايشين؟؟؟

يوسف: الحمد لله لاباس بينا
راح يجو يديرو طريق شرق غرب ....ويفوتو على دارنا
راح يعطونا السكنة في جهة أخرى

أنا: ايه فهمت ..بصح شكون يخدم عليكم ؟؟
واش تاكلو ؟ واش تلبسو؟؟؟؟..:bored:

يوسف: آه ! فهمتك هههههههه

الأم جات تنطق......(يعني يماة يوسف)

يوسف: ادخلي للدار الرجال يهضرو!!!!

وبدا يضحك و يبين في سنيه....(زعما كلمتي هي اللي تمشي)

رجع يكمل في هضرتو: عندي أم و9 أخوات ...(بنات)...يخدمو في البيوت ......ورانا ناويين نزوجو الكبيرة للميقري ولد عم بنت خالتي

أنا: آه!! القعدة فوووووور ايمالا!!!....قولي .. راكم عايشين لاباس؟؟؟؟

يوسف: ماخصنا والو .....الحمد لله ..:thumbup:


كملت كلامي معاه..:thumbup1:...أيا رفدت صوالحي وفي طريقي لقيت
شركة قلت والله غير ندخلو نضرب طلة!!!
صاحب الشركة كان فايت

أنا: الشيخ الشيخ ماعليه دقيقة؟؟

السيد: ماعنديش الوقت!!!

أنا: معاك صحفية من جريدة اللمة الجزائرية حبينا نديرو إشهار لشركتكم
السيد (عجبو الحال و ريgل روحو): مرحبا بيكم

أنا: كم هي ساعات عملك في اليوم؟؟؟

السيد: نريح برك منين نجي نرقد ....وحد ال5 ساعات

أنا: الله يبارك ... شحال تقعد مع عائلتك في اليوم؟؟؟

السيد: راني بعثتهم لكندا يفوتو وحد العام ولا عامين

أنا: الله يبارك!!!..:001_smile:

بشوية بشوية حتى وصلت لهذا السؤال:

شحال عندك دراهم في البنكا؟؟؟؟

السيد: وحد ال130 مليار في البنك الاول...و205 مليار في البنك 2......و20 مليار برك في البنك 3...ومانيش داير فيهم لامان

أنا: الله يكثر منهم ويزيدك..:wink:

السيد: آمين آمين آمين ياربي .....من فمك لربي ....تعيشي

أنا: واش ناوي تدير بيهم؟؟؟؟

السيد: نستثمرهم ونجيب بيهم دراهم

أنا: ايه ومنبعد؟؟؟

السيد: منين يزيدو ندير مشروع أكبر ونجيب بيهم دراهم

أنا: ايه ياسيدي ومنبعد؟؟؟..:confused1:

السيد: نعاود نستثمر وندي.........

أنا: تتقلق عليهم؟؟؟..:sneaky2:

السيد: ايه نخاف يخونوهملي!!!.......(يسرقوهم)

//تعيش يا الفقير هاني....ماكاين لادراهم لا تخاف يسرقوهم//

خرجت بمغزى من الشركة....:001_rolleyes:

**اللي عندو دراهم ماشي هاني**

أيا صايي لحق المغرب ......لازم نرجعو .....وقصة التشومير
وباقي قصة الشوماج في الجزء الثاني ..:thumbup:

مي راني نحوس على مراسلين من ولايات أخرى ...باش يعاونوني شوية و نقدرو نجمعو أكبر عدد ممكن من الأراء...:blush:

ياالله احكولنا على الشوماج والتشومير...:w00t:

أسئلتنا:

عرف الشوماج ....(البطالة)

بصفتك شومار ...ماهي نظرتك للمستقبل؟؟؟؟

أنت خدام؟؟؟ واش تشوف في الشباب البطال؟؟؟

أنت زوالي وفحل؟؟؟؟ وين هي الفحولية؟؟..كاش قصة...انعش مسامعنا

التشومير.....(الفقر)....واش رايك فيه؟؟؟

مجتمعنا فيه المشومرين؟؟؟......**بمجتمعنا يوجد فقراء؟؟

ماهي حلول الفقر برأيك؟؟؟؟

ريpوندي علينا يا قارئ .....ياك gراتوي الهضرة...:laugh:


​

**مجانية الكلام والشكاوي**​

مع تحيات....صحفية اللمة الجزائرية..:001_wub:

​

​

 

[dana1993]

الموضوع للزوالية برك؟ ههههه
ربي يكون في العون

 

[~ مستشـآرهـ طـرزآنـ ~]

لالا اختي مش هكداك...يتسمى انا زوالية كي درت الموضوع هذا؟؟ ههههههههه
على كلٍ...شكرااا على المرور​

 

[dou1]

ههههههههههههههههههه الحال ما يسرش

 

[~ مستشـآرهـ طـرزآنـ ~]

ههههههههههههههههههه الحال ما يسرش

هههههههههههههههه
واش تحب هذي هي بلادي:angel_not:
شكراااا على ردك​

 

[dana1993]

ههههههه آبون اسمحيلي حسبتك زاوالية ههههه مي ماجاتنيش في راسي بلي الزوالي معندوش النت ههههههههههههههههههههههههههه​

 

[الظل الطويل]

الموضوع للزوالية برك؟ ههههه
ربي يكون في العون

للزاولية ولي ماعندهمش الزهر
بصح انتي تباني زوالية وانا لي ماعنديش الزهر ههههههههه​

 

[dana1993]

للزاولية ولي ماعندهمش الزهر


بصح انتي تباني زوالية وانا لي ماعنديش الزهر ههههههههه​

لله يا محسنين شوف نتفاهو انا نطلب دراهم ونتا اطلب زهر ههه ومبعد نسلفلك شوي دراهم وتسلفلي شوي زهر هههه

 

[~ مستشـآرهـ طـرزآنـ ~]

ههههههه آبون اسمحيلي حسبتك زاوالية ههههه مي ماجاتنيش في راسي بلي الزوالي معندوش النت ههههههههههههههههههههههههههه​

ههههههههههههههههههه
حتى ادا كنت زوالية..فيها عيب؟؟؟:confused1:​

 

[dana1993]

مافيها حتى عيب قتلك انا هكدا؟هه

 

[الظل الطويل]

لله يا محسنين شوف نتفاهو انا نطلب دراهم ونتا اطلب زهر ههه ومبعد نسلفلك شوي دراهم وتسلفلي شوي زهر هههه

والله ضك نشوفو ليامات هدي السوق راقد مي نوعدك ندرس الفكرة اختيـــ فضيلة​

 

[dana1993]

وووو مول الظل الطويل وووووو

 

[dana1993]

والله ضك نشوفو ليامات هدي السوق راقد مي نوعدك ندرس الفكرة اختيـــ فضيلة​

هههه السوق؟ لالا نروحو للمارشي وين نلقاو الغاشي
ايا راني نستناك تدرسها ميكانيكمو هههههه خويا رابح

 

[الظل الطويل]

هههه السوق؟ لالا نروحو للمارشي وين نلقاو الغاشي
ايا راني نستناك تدرسها ميكانيكمو هههههه خويا رابح

اختيـــ انتي راح تحل على مبدأ الدفع المسبق وانا نحكيلك على ظاهرة التصحر
ثبتي روحكـــ:glare:​

 

[dana1993]

اختيـــ انتي راح تحل على مبدأ الدفع المسبق وانا نحكيلك على ظاهرة التصحر


ثبتي روحكـــ:glare:​

غيبتهالي ايه ظاهرة الجفاف ولا التنشاف ههه ؟ فهم رووحك سي فرحات ههه

 

[فؤاد الورقلي]

السلام عليكم
احم احم
واش نقولو
هذه هي الجزائر
قالك فيها ربعين مليون بني ادم
مليون خدام والاخرى شوماج ...تشومير... تهميش ...تميزير
وولو كان تنقرض هذا الظواهر من بلادنا نعطيك الرسمي راح تصرى حاجة في بلادنا
اما تنتهي الحياة
او
..................
ولكن في ظل هذه السلطة لراهي حاكمة
تع البطون المنتفخة بالمليايير تع الشعب
عيش يالزوالي
الله غالب
قالك الفقير يدخل الجنة قبل الغني
ايا من كيفك
والحمدلله ياربي
.............
ربي يجيب الخير

ومتنسيش
لا يمكن تعريف هذه الظواهر ههه


شكرا اختي
ربي يوفقك ويكون معاك
ويصلح هذا البلاد ويبعد عليها اصحاب البطون المنتفخة بملايير الشعب

شكرا

السلام عليكم​

 

[sasito]

منقول
تحياتي

 

[Bob Marley]

معندناش وماخصناش والحمدلي الله
بلادي ماعطاتني ولو لاخدما لا دراهم
غير لا كارت جون
مي ربي عيشلي ذراعي بيه نخدم بيه نزه و وزالي ماتغبلوش​

 

[nour93]

آآآآآآآآآآآآآآه منك يا شوماج راك هبلت خاوتنا


مي انا اني نقرا وفالصيف كون ما نخدمش نجيب مصروف


في ريسطورون ولا قهوة ولا حانوت نشوف روحي شومور


هههههههههههههههه عندي حق ولا لا​

 

[fufa22]

ع السلامة يا القمرة
مانيش بطال كي نكون بطال نجم نقر موضوعك
lol
​