حلويات بالصور من المغرب

[عاشقة الوردة]

حلويات بالصور من المغرب
**********************

اتمنى يعجبوكم حلوياتي
نبداو انشاء الله مقادير الحلويات والطريقة المصورة
حلوة الجلبانة
المقادير بالنسبة للعجين:

500غ دقيق،2معالق كبار سكر صقيل، 3معالق كبار زبدة رطبة،بيضة، نصف كاس صغير ماء الزهر،
شوية ملح،ماء للخلط،ملون اخضر يكون عاقد ميكونش جاري اما العجين لازم تكون رطبة شوية
بالنسبة للعقدة:
500غ لوز مسلوق ومطحون مع 250غ سكر ومخلط مع 1ملعقة كبيرة زبدة رطبة ،بياض بيضة،
2معالق كبار ماء الزهر،ملون اخضر من الاحسن يكون غبرة
ونعملوا كويرات صغيرة من العقدة
دابا نخليكم مع الخطوات المصورة​

نخليوها لمدة ساعتين تقريبا ثم ندخلوها للفرن ماخصهاش تتحمر باش ماتقساحش لما نخرجوها اما ندهنوها بالناباج او العسل سخون

حلوة العرش
العجين:
كيلو دقيق
كأس زبدة
نخلطوهم ونضيفوا ليهم 4 معالق كونفتير
ماء زهر باش نجمعوا العجينة مع بعضها وتكون متماسكة
الحشو:
كيلو كاوكاو محمر ومقشر ومطحون مزيان+تخلطيه مع العسل حتى يتعلك من بعد نسرحوه فوق قطعة من البلاستيك
الطريقة بالصور

نزينوها بواسطة سكين

لما تطيب نديروها في العسل سخون او ندهنوها بالناباج
حلوة الرخامة

المقادير:
كيلوا كاوكاو محمر ومقشر ومهرمش
عسل
600غ شكلاطة أسود
100 غ شكلاطة أبيض(يفضل مايكونش مربعات صغيرة يكون مربعات كبيرة نوع جيد)
نخلطوا كاوكاو بالعسل حتى يبان لينا تعسل وحصلنا علىكورة مجموعة وخاص كاوكاو مايبقاش ناشف
من بعد نديروا ورق الالومنيوم من فوقها ومن التحت ونسرحوها بواسطة مدلك ونديروها في طاوة
نزولوا جهة من ورق الالومنيوم فرغي نصف كمية الشكلاطة اي 300غ على سطح الحلوى
نخليوه حتى ينشف ونقلبوا الجهة الاخرى ونديروا نفس الطريقة بالشكلاطة الاسود ونعملوا خطوط متوازية بالشكلاطة الابيض مذاب في جيب صغير مع فتحة صغيرة
ناخدوا سكين زين بيه على نوع شكل ميل فوي عكس الخطوط لي درتي بالشكلاطة الابيض مرري خط وعملي العكس ديالو،
اذا جمدت حلوى ادخليها فرن دافئ ومطفي غير شوية وكملي تزين الحلوى
خليها حتى تبرد ثم قطعيها حسب الرغبة

غريبة المعلكة :
كيلوا كاوكاو+750 غ سكر كلاصي+2 خميرة+8 بيضات+علبة الكونفتير+نصف كيلو الكوك
يحمر كاوكاو ويطحن بقشوره ونضيفوا 500غ سكر كلاصي،والخميرة،البيض،والكونفتير والكوك يمزج الكل حتى الحصول على عجينة
نوعا مارخوة ثم يصنع منها كويرات على شكل غريبة وندهن وجهها بماء زهر ثم تغطس في سكر كلاصي وتوضع في الفرن الساخن​

لتبدا لذيذة ومعلكة

حلوة الكادو:
10 باكيات ديال بسكوي صابلي اي كيلوا تقريبا
3 زلايف ديال الكوك مطحون
2 نستلي
للتزيين:
500غ شكلاطة اسود مداب مع ربع كأس صغير الزيت
150غ شكلاطة ابيض مداب مع ملعقة زيت في حمام مريم
عسل
نطحنوا بسكوي ونضيفوا الكوك ونستلي ونخلطوا الى ان يصبح مثل العسل
نديروا سيكارات ونقادوهم باش نقطعوهم على شكل مربعات
من بعد نغطسوهم في الشكلاطة الاسود ونحطوهم فوق ورق الحلوى او ورق الالومنيوم
ونزينوهم بواسطة ابرة بالشكلاط الابيض على شكل كادو​

حلوة على شكل بوعويدة:
كيلو الكوك سخن شوية في الفران ومطحون
650غ سكر كلاصي
6 بيضات
نسمة الاجاص الى ماكنتش متوفرة عوضيها بروح الحامض
ملون اصفر
نخلطوا الكوك مع سكر كلاصي ثم نضيفوا النسمة والبيض مطرب حتى يتجمع لينا الخليط الى بقى ناشف ضيفي البيض
من بعد ديري الملون حسب الرغبة
ديريها كويرات وخرجي ليها قميقيم حتى تولي على شكل بوعويدة
دخليها في فرن على نار هادئة
لما تخرجيها زينيها بوريقات مشكلة من عجينة اللوز وعملي قطيرة من الناباج الدافئ مخلط مع قطرة من الملون أخضر

حلوة الوردة الكل تقريبا يعرفها وهذا الرابط ديالها لأختي المشتاقة الى الجنة الله يجازيها كل خير
وكدلك حلوة لي فيها عجينة ديال اللوز بالاحمر لي في الطبسيل الثاني غادي تلقاوها في هاد الرابط
http://anaqamaghribia.com/vb/showthread.php?t=21929

حلوى باللوز والكاكاو خدتها من كتاب نادية الجهري لي سبق ونسختوا وحطيتوا بالمنتدى

غريبة منقوشة:
250 غ من زبدة ماركرين تكون لينة
كأس صغير ونصف سكر سنيدة( 200غ)
كأس صغير من الزيت
125غ من الجنجلان محمر
140غ من اللوز مقطع الى قطع صغيرة (يمكن تعويض اللوز بكاوكاو)
100غ من الزبيب مقطع
بيضتان
كيس ونصف من خميرة الحلوى
دقيق حسب الخليط
سكر كلاصي للتفنيد
الطريقة:
في اناء نخلط جيدا زبدة مع السكر حتى نحصل على كريمة لينة،نضيف الزيت،الجنجلان،اللوز،الزبيب والبيض ثم نخلط مزيان
نضيفوا الخميرة والدقيق حتى نحصلوا على عجين متماسك ولين
نحضروا كويرات من العجين ثم نضغط عليها بواسطة الطابع
ندخل الحلوى الى الفرن الساخن بعد اخراجها من الفرن نخليوها تبرد شوية ثم نفندها في السكر كلاصي

حلوى بالكاوكاو:
العجين
500غ الدقيق
6معالق سكر كلاصي
4 معالق كبار زبدة مذوبة
رشة ملح
ماء زهر لجمع العجين
الحشو:
كيلوا كاوكاو محمر ومقشر ومطحون مزيان
2 معالق زبدة لينة
عسل
نطحنوا كاوكاو ونزيدو عليه الزبدة ثم نجمعوا بالعسل
من بعد نعملوا سيكارات ونبسطوهم شوية ونلفوا عليهم العجين
باقي الطريقة مع الصور

كعب الغزال:
العقدة
1 كيلو من اللوز المصلوق والمقشر
ملعقة كبيرة ونصف من سكر سنيدة
كأس صغير من الزبدة المذابة والمصفاة
نصف كيس صغير من المسكة البلدية مدقوقة
8 ملاعق كبيرة من ماء الزهر
العجينة
ملعقتان كبيرتان مملوءتان بالدقيق
8 ملاعق كبيرة من ماء الزهر
كأس صغير وربع من الزبدة المذابة والمصفاة
30 غ من سكر سنيدة
رأس ملعقة صغيرة من الملح
قليل من الماء البارد

الطريقة
العقدة
يخلط اللوز مع السكر ويطحن الكل في المطحنة الكهربائية حتى يلين ويصير مثل العجين، يخلط بالمسكة البلدية والزبدة وماء الزهر حتى الحصول على عقدة،يزاد ماء الزهر في حالة اذا لم تجمع العقدة
يدلك جيدا ويعمل على شكل أصابع صغيرة سوف نحصل تقريبا على 100 اصبع
العجينة
يخلط الطحين بالملح والسكر ثم تضاف الزبدة ويخلط الكل جيدا،يفرك الخليط بين راحة اليدين كي يتشرب الطحين المادة الدسمة
يضاف ماء الزهر وقليل من الماء الى ان تتجمع العجينة ثم تدلك جيدا حتى تصير لينة تعمل منها 6 كويرات تترك لترتاح قليلا داخل كيس من البلاستيك
تطلق كويرة العجينة فوق مائدة حتى تصير رقيقة اوتستعمل الالة الخاصة لتوريق العجينة،تؤخد الاصابع المحضرة الواحدة تلو الاخرى وتصفف متباعدة فوق العجين مع ترك العجينة زائدة كي نتمكن من طيها
تطوى العجينة فتغطي العقدة وتقوس على شكل هلال.يضغط عليه بالاصابع كي تلتصق العجينة باللوز جيدا ثم تقطع العقدة بالناعورة المسننة وتحذف الزائدة بواسطة الجرارة وهكذا الى نهاية العقدة والعجينة
تصفف الهلالات في صفيحة وتدهن الهلالات بالزبدة المذابة وتثقب بالابرة جيدا باش ماتنفخش وتترك ترتاح مدة 12 ساعة
بعد ذلك يعاد ثقبها من جديد وتدخل الفرن مدة 5 دقائق ثم تخرج وتدهن بأبيض البيض وترجع الى الفرن ليتذهب لونها

 

[نبض الحياة]

يعطيك الصحة
بارك الله فيك اختاه على الوصفات الرائعة..............

 

[عاشقة الوردة]

تشرفت بمرورك اختي

 

[mamouka]

يعطيك الصحة

 

[ninette0]

مشكور جزاك الله خيرا
merci
​

 

[zohra09]

يعطيك الصحة هيلين ويهبلوا ويشهوا

 

[عاشقة الوردة]

تشرفت بمروركم
شكرا

 

[ساسة]

 

[عاشقة الوردة]

تشرفت بمرورك اختي

 

[meryem5]

يعطيك الصحة

 

[fati 03]

يعطيك الصحة على الحلويات الراااائعة​

 

[عاشقة الوردة]

تسلمين اختي

 

[R@MA]

يعطيك الصحة​

 

[عاشقة الوردة]

تسلمين اختي
شكرا على المرور

 

[فراشة الامل]

روعة يعطيك الصحة


شكراااااااااااااااا​

 

[عاشقة الوردة]

تسلمين
شكرا على المرور