... راني مقلق ....... موضوع للنقاش

[Klach]

السلام عليكم و رحمة الله و بركاته
وش راهي ناس اللمة ...لاباس .. نتمني تكون بخير
عندي ياسر ما حطيتش مواضيع
مي كاينة حاجة
قلقتني و حاكمها من لاكوب دا فريك لخرة هادي
و هي الناس لي تقطع فاللاعب عبد القادر غزال
صح هو 11 مبارات ما مركاش و زيد هلكنا بالبطاقة الحمرة
مي حتى هو قدم للفريق الوطني حوايج ملاح
الهدف الثاني (هدف التقدم) ضد المنتخب المصري في البليدة
و هدف التعادل ضد روندا بعد ما كنا خاسرين 0-1
انا نحب هد الاعب و تأثرت بزاف من الناس لي قطعت و مازالت تقطع فيه سيرتو الصحافة لي قاعدة زي الحرباء تتلون بكل الالوان
و انا مع الفريق الوطني و مع كل فرد فيه بدون استثناء حتى منصوري و صايفي للزعما منبوذين
مي ناس نسات بلي لكان مش هد الاعبين ما ناش اليوم فالمونديال لانو لو غاب صايفي و او غزال عن التصفيات السابقة لحسمت هدفين على غياب كل واحد مما يعني عدم التأهل
و زيد انا متاكد ان غزال كان متحمس باه يفرحنا و يسجل مي الحماس الزايد جعله يرتكب خطأين اخرجاه بالابطاقة الحمراء
و كل واحد يخالفني الرأي
يقنعني بلي هد اللاعب ما يستاهلش يكون مع المنتخب الوطني
و في النهاية حا نقول
العربي ينكر الخير و يبقى يتفكر غي الشر تع الناس
و الحديث قياس
و السلام عليكم و رحمة الله و بركاته

​

 

[abdodido]

متقلقش روحك لي جبها ربي هديك هى خو رانا قاع متقلقين في هدا الوقت شكرا على الموضوع

 

[ήaήa~:)]

pour moi الجوور هدا راهو قاعد في باطل فليكيب ناسيونال
ملي جا شفنا منو بيت واحد و جا زهر
ليسونسيال حنا نهدروا ولا نقعدوا سعدان راسو خشين و امبوحال يفرط فيه
واخطيونا مالعاطفة هادي لي علاجالها رانا نخسروا
نورمالمو يديو العبرة من ليبي ماداش توتي و توني للمونديال بوويسك كبروا و ماعادوش يلعبوا كيما زمان

هادي هيا ياخوو ​

 

[Klach]

متقلقش روحك لي جبها ربي هديك هى خو رانا قاع متقلقين في هدا الوقت شكرا على الموضوع

شكرا اختي على المرور و ربي يجيبها فالصواب

 

[Klach]

pour moi الجوور هدا راهو قاعد في باطل فليكيب ناسيونال

ملي جا شفنا منو بيت واحد و جا زهر
ليسونسيال حنا نهدروا ولا نقعدوا سعدان راسو خشين و امبوحال يفرط فيه
واخطيونا مالعاطفة هادي لي علاجالها رانا نخسروا
نورمالمو يديو العبرة من ليبي ماداش توتي و توني للمونديال بوويسك كبروا و ماعادوش يلعبوا كيما زمان ​

هادي هيا ياخوو ​

اختي هدا رايك و انت حرة و لكن لتصحيح معلومة غزال سجل هدفين منذ مجيؤ للمنتخب الوطني و ليس هدف واحد كما قلتي هدف ضد مصر و هدف ضد روندا
و سعدان ادرى بما يفعله .... و لو كان غزال بلا قيمة لما كان له مكان في التشكيلة الوطنية و لا حتى في تشكيلة ناديه سيينا الايطالي
و شكرا للمرور

 

[lina20]

أنا معاك ، أنا في رأيي إلي يسب واحد في الفريق معناها ساب الفريق كامل ، و الدليل لما المشجعين صفرو لمنصوري عنتر يحيى تقلق بزاف . لازم نشجعهم بش ما ناخسرووهمش

 

[مفآهيمـ الخجل]

و عليكم السلام

بون هو صح عندو بزااف ما مركاش و هلكنا بالبطاقة الحمرا

مي ما ننساوش الخير لي دارو فينا

و ما حقش على اي واحد يقطع فيه

ما هوش اول واحد يغلط

...
​

 

[Amine7N]

المشكلة الحابسين راهم يتفلسفو في البالون
دروك راه عندنا في دزاير 36 مليون محلل ومدرب في أن واحد
سعدان هو المدرب
وهو المسؤول الأول عن التشكيلة ماشي الشعب
ومذابينا نتعلمو من الارلنديين
في الماتش اللي لعبناه معاهم
اللاعب نتاعهم اللي يخرج يصفقو عليه
ماشي كي نكارين الخير نتاوعنا
الله يهديهم

 

[Klach]

أنا معاك ، أنا في رأيي إلي يسب واحد في الفريق معناها ساب الفريق كامل ، و الدليل لما المشجعين صفرو لمنصوري عنتر يحيى تقلق بزاف . لازم نشجعهم بش ما ناخسرووهمش

وي عندك حق ... و كيما قلتي بلي لي يقيس واحد من الفريق كانو قاس فريق كامل
شكرا على المرور و بالتوفيق نشالله للفريق الوطني امام منتخب انجلترا

 

[Klach]

و عليكم السلام ​

بون هو صح عندو بزااف ما مركاش و هلكنا بالبطاقة الحمرا ​

مي ما ننساوش الخير لي دارو فينا ​

و ما حقش على اي واحد يقطع فيه ​

ما هوش اول واحد يغلط ​

...​

نعم اخي عندك حق و شكرا للمرور
1 2 3 viva l algerie

 

[Klach]

المشكلة الحابسين راهم يتفلسفو في البالون
دروك راه عندنا في دزاير 36 مليون محلل ومدرب في أن واحد
سعدان هو المدرب
وهو المسؤول الأول عن التشكيلة ماشي الشعب
ومذابينا نتعلمو من الارلنديين
في الماتش اللي لعبناه معاهم
اللاعب نتاعهم اللي يخرج يصفقو عليه
ماشي كي نكارين الخير نتاوعنا
الله يهديهم

بارك الله فيك اخي
للاسف شي ادا يديروا فيه ناس و يحقوش لكرة القدم
و لي ولا يتفلسف على هواه
و زيد غزال انسان ككل البشر مش معصوم من الاخطاء
و زيد ماشي غير حنا لي خسرنا هاهي اسبانيا المرشحة الاولى لنيل كاس العالم و حاملة اللقب خسرت امام سويسرا
و شكرا اخي للمرور

 

[الملاك المميز]

عندك الحق ، راني معاك ... و غزال صرح في نشرة الثامنة وقال بلي من كثرة انو كان متحمس باش يسجل ارتكب خطئين
مشكووور على الموضوع
​

 

[Klach]

عندك الحق ، راني معاك ... و غزال صرح في نشرة الثامنة وقال بلي من كثرة انو كان متحمس باش يسجل ارتكب خطئين

مشكووور على الموضوع ​

مشكوووورة على المرور
و نتمناو يكونو اكثر تركيز و يتعلموا من اخطائهم السابقة
:mellow::wink:​

 

[sam11]

كلنا مقلقين يمكن غزال برك جاء في وجه المدفع كيما يقولو

مي كيما قلت مالازمش ننساو وش عمل وش قدم للفريق الوطني

مش من غلطة ننساو انو لاعب مميز شكرا على الموضوع واللي فيه الخير ربي يجيبو

 

[Klach]

كلنا مقلقين يمكن غزال برك جاء في وجه المدفع كيما يقولو

مي كيما قلت مالازمش ننساو وش عمل وش قدم للفريق الوطني

مش من غلطة ننساو انو لاعب مميز شكرا على الموضوع واللي فيه الخير ربي يجيبو

امين يا رب العالمين
مشكورر على المرور الرائع​

 

[Mr.Tahar]

ان شاء الله ما يكون غير لي في بالي
وفي بالك
وفي بال كل الجزائرين
تحيا الجزائر​

 

[hasna.m]

عندك الحق خويا

غزال لاعب كبير مالgري غلط

انا وحدة ضد ما قيل عن غزال

ويبقى ديما غزال مهاجم واسد

​

 

[Klach]

ان شاء الله ما يكون غير لي في بالي
وفي بالك
وفي بال كل الجزائرين

تحيا الجزائر​

ان شاء الله
مشكور على المرور​

 

[Klach]

عندك الحق خويا ​

غزال لاعب كبير مالgري غلط ​

انا وحدة ضد ما قيل عن غزال ​

ويبقى ديما غزال مهاجم واسد ​

مشكووووووووووووووووورة على المرور
​

 

[سنابل]

هدي المبارات من نوع خاص سوف يكون لها طعم غير بعد نهايتها في كل دول العالم
يبرز فيها بودبوز ويبدااا وعلى ما اظن يبدا يسجل وبدبوز يضيع هدف من ذهب لكن في الاخير مانيش عارف واش يصير لانو يتخلط الملعب يولي ملان جمهور واتدكرو كلامي هداااا