باك بكري والباك تاع درك

[امينة لبرايجية]

 

[PH14YAHIA]

لالا أختي راكي غالطة نورمالمون تقولي الباك تاع لعوام لي فاتو وهدايا وزارة التربية الاخيرة

 

[w@hiba2010]

الباك تع بكري باقيمتو
مي الباك تع دوك الي يجوزو يجيبو
وراكم تشوفو الى اين وصل المستوى الطالب الجزائري ومازال يهبط
البارح قال لبابا لخويا هو تاني جاب الباك
قالو الباك هادا تع السنة كيما واحد جاب السيزيام
وصح واحد طول العام مايقرا وفي الخر يجيبو بااعلى معدل
اما تع بكري تجبد اليل ونها وياربي ايجيب هاديك 13
ميرسي الموضوع
والف مبروووووووووووك لكا ناجح وناجحة

 

[نقاء الروح]

مشكورين على الردود ومبروك عليكم الباك بصحتكم .المشكل ماشي فيكم .المشكل في بن بوزيد حاب ينجح النظام . الباك تاع العام هادا ساهل وزيد حدولكم الدروس يعني حتى الي يقرى السمانة الاخرة ويديه واحد ما يقدر يغطي الشمس بالغربال .... هكا يعود الاضراب عندو جانب ايجابي ماشي سلبي

 

[نقاء الروح]

]انا المهم فرحت تاع الدار
13.37 جبتها بذراعي لا زووووم و لا تنقال و لا هم يحزنون

احنا ما قلناش الناس كل .بصح المعدلات مبالغ فيها بزااف .مبروك عليك الباك ]

 

[نقاء الروح]

]

واش خصو باك ضرك؟
الله يبارك عليه ربي يحفظو من العين
ما خصوا والو ....... اعلى نسبة حققتوها
​

 

[miriama]

المشكل ان نسبة النجاح تحددت قبل اجراء الامتحان
قالها بن بوزيد لازم توصل النسبة الى 61 بالمئة
وفعلا كيما قالها حصلت
مابقات قرايا مابقى باك
يتخرجوا من الجامعات
مايعرفوش يكتبوا طلب
هذه سياسة بن بوزيد
باش يقولوا الاصلاح ناجح
وهو فاشل 100%​

ربي يستر​

 

[bibaa]

أنا ما فهمت والوا كنا بكري نسمعوا واحد ولا 2 فالحومة نجحوا

هذا العام كامل نجحوا
لي تسقسيه يقولك
ديت 16
أنا راني حايرة

عموما يبان كلش فالجامعة

 

[sisou023]

عندكم الصح مخليتوليش واش نهدر كفيتو و وفيتو ههههههههههه

 

[نقاء الروح]

[المشكل ان نسبة النجاح تحددت قبل اجراء الامتحان

قالها بن بوزيد لازم توصل النسبة الى 61 بالمئة
وفعلا كيما قالها حصلت
مابقات قرايا مابقى باك
يتخرجوا من الجامعات
مايعرفوش يكتبوا طلب
هذه سياسة بن بوزيد
باش يقولوا الاصلاح ناجح
وهو فاشل 100%​

ربي يستر​

[عندك الحق ختي احنا كل سمعناه حدد النسبة قبل ما يخرج الباك .بلاد ميكي

 

[moh 34]

السلام عليكم
والله العظيم مابقات قرايا فهاذ البلاد يحوسو ينجحو النظام الجديد بالسيف وزيد اغلبية الناجحين شعبة أدب 80 % تنقال واستناي 2015 نسبة 100% هاذي هي بلاد ميكي وسي بن بوزيد بكري كان الباك بقيمتو وذك غمض عينيك وروح تلقى روحك جبتو ب12 ولا13 انا لاكريز حكمتني ولي نجحو مبروك عليهم.

 

[racha.]

ما قراو والو راهم غير في العطل والاضرابات وبالسيف يسهلوهلهم

 

[Lonely Girl]

باك بكري بعرقو مي ضك جيبلو السيجي لتم وهو غير يكتب مي بيستوات

 

[Lonely Girl]

باك بكري بعرقو مي ضك جيبلو السيجي لتم وهو غير يكتب مي بيستوات:heh:

 

[nina bonoise]

]انا المهم فرحت تاع الدار
13.37 جبتها بذراعي لا زووووم و لا تنقال و لا هم يحزنون

احنا ما قلناش الناس كل .بصح المعدلات مبالغ فيها بزااف .مبروك عليك الباك ]

يبارك فيك ..

 

[رقيقة المشاعر]

انا ثاني مافهمت والو
سيرتو هذا العام
حطمت الجزائر الرقم القياسي فالباك

 

[مرام17]

ياو قراو نصف البرنامج برك،ويزيدو يحددولهم من فوق، اكيد راح ينجحو كامل،

صح هذا هو السر اكيد قاريين نصف البرنامج و زيد عليها تحديد الدروس
كيفاه متنجحش امبوسيبل حتى نحن العام الجاي نشالله كي كان بقا الباك هكا هانا
ندوه ب 15 او 16 و علاه لالا بلاك :wink:18 خلاص و تلقونا مع بوتفليقة في نشرة تاع
8:00 كل شي ممكن:music_whistling::yahoo:
بصح واش من فايدة؟؟ نجيبوه بالوعارة خيير باه كي تهدر تقول
ديت الباك تهدر و راسك مرفوووع خلي كل شي بالحساب عند ربي و نظام القديم خير من تاع درك واين واين
العام جاي نشالله:heh::heh:
:tears::tears::tears:

سلامي للجميع:busted_red:​

 

[جزائرية كوول]

انا جبت 10 وراني حايرة واش ندير وقيلا يقولولنل تاع 10 ميقراوش
ههههههههه راني خايفة
​

 

[وهج الصحراء]

واله غير هذا لعام لي مداش باك خلاص مش ريح يديه تقول كانوا يصدقوه عليهم حنا في السيس عندنا شحال من كلاسة كاملهم داو باك يعني 100/100
وكان قسم اللغات الاجنبية 3 لي داو فيه لباك
عقبال ليا العام الجاي ندير بمعدل مليح باه نفرح ونفرحنا كامل ناس لي يحبوني

ومبروك عليكم انتم لي ديتوا الباك رغم انا غضني وحد الشخص وكنت متمنيتوا يديه بصح الله غالب المكتوب مكتبش

 

[♥SaMoù Là MoDèsTe♥]

البــآك رآحتــ قيمتو بكري رغم البرنآمج القديم وكلشي إلآ أن الطلبة كآنو يتعبوا ويقرآو تآع الصح
كآن اللي عندو كتآب خـــآرجي وآلة حآسبة غير وليد المدير​

لكــــن الآن بقى غير عنوآن الدرس اللي مآ مدوهلهمش قبل البآك
الكتوبآ بلآ حسآب
الأنترنت
الآالة الحآسبة البيــآنية
وغيرهـــآ
هآذو الوسآئل كون كآنو كآينين عند طلبة زمآن
كون دآرو آفآر لدزآير
كون التآلي فيهم رآه في كوكب زحــل يدور​

عجـــبآ ....أنآ شفت من لي بدآ هذآ الذي يسمى بالإصلآح
والنآس تقول اللي مآجآبش البآك هذآ العآم مآ يشقآش يجيبو العآم الجآي
حتى للآن...بحيث قالوا اللي مآجآبش البآك مآ يشقآش يجيبو
والعآم الجآي يقولوهآ
والعآم اللي مورآهآ يقولوهآ
وهي رآيحة
.
.
.​