ماصري فيا ليلتها

مبروك الي جابوه وانا العام الجاي نحكيلكم ان شاء الله كي نعقب الباك
 
انا ما زال ما جربتش اما راني كي قريت الموضوع لحمي شوك في الجملة تع نضنا نبكيو .......ربي يستر
 
انا ان شاء الله العام الجاي و لعقوبة لي ما داوهش العام الجاي و الف مبروك للناجحين
 
طلبوا ليا ربي العام الجاي
 
مبروووك عليك وقاع لي جابوه أنا قبل كنت متوترة بزاف و خايفه
بصح ظرك راني كرهتوا وكرهت حياتي مناكش مالقيت واش نسجل كلش صامت
 
اولا مبروك عليك:yahoo: ولعقوبة للي مازالهم بالنسبة لي اناكانت ال9ايلة ودارنا راقدين وانا ماقدرتش نرقد من القلق حتى طبطب الباب ونصيب جدي الله يرحمو جايب باتيسري ولافامي ودخلو بالزغاريت فهاديك الدقيقة لرض ما رفدتنيش من الفرحة و الخلعة وما صدقتش باسكو راجل عمتي كان يصحح هو جابلنا الخبر ماشي درك كلش اوتوماتيك ويا فرحة ما تمت ما خلانيش بابا نكمل كان الارهاب وتزوجت عام ممبعد:laugh::sheer:.
 
مبروك عليك
انا اختي كي دات الباك كنا فالطريق انا وهيا زعما كنا رايحين للعرس و كانوا معانا بنات خالي عيطولها قالولها او خرج الباك و بدات هيا ترجف و انا معاها و من بعد بعثت ميساج قاتلي او وصل و من بعد2 دقايق قاتلي ياه ام رجعولي ياه ديت وثما بدات تبكي وحنا فالطريق من الفرحة قريب رحت حضنت وحد الطفل وهوا هارب ههههههههههههه
 
يعطيك الصحة عالموضوع
انا اختي اللي جوزت ماشي انا
المهم بعتث النيميرو و نسات الرقم الاخير
بعثولها نيميرو ايروني
و خويا طلعلها السكر و هو يقولها واقيلا ما راكيش مسجلة عندهم و الطفلة ولات صفرا
و مبعد نحيتلها التيريفون و عاودت
و امبعد جات النتيجة سوطيت من بلاصتي
و قلتلهم اصبروا اصبروا
حكمتني الخلعة و الحمد لله ربحت
و امبعد ياما لهبتها بالزغاريد و راكي عارفة
سلام​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top