دخلو وقلونا وشحال تفلكسو في سمانة ومعامن تكملو لكريدي نتاعكم

[MIMI 1987]

انا نفليكسي 10 الاف تبقالي شهر و ديفوا كتر
مانهدرش بزاف

 

[صمت الذكريات]

سلام انا راني كل يوم 300 مع الاصدقاء
زعمة نقول منديرش نتاع 100 حتى نلقى روحي كملتهم

 

[star boky]

في النهار 100 ندير تاع باطل ديما ونهدر مع صحباتي

 

[AdNan31]

في السمانة صحاب الدار يفليكسولي 300
لخاطرش انا طالب جامعي حازقة عليا هههههه

ونهدر مع صحابي ولافامي

ماشي مع وحدة مازال ما زادتش اللي نضيع دراهمي عليها
​

 

[بثينة23]

السلام عليكم و رحمة الله و بركاته
اولا شكرا على الموضوع ....عجبني الموضوع هادا ياسر

بالنسبة ليا .....علابالك اختي؟ انا الوالدة هي لي تفلكسيلي و تقول لي حافظي عليهم و ماتحكيش ياسر و من بعد هي لي تحكي بيهم و تظهر دارنا كامل ماعندهمش الدراهم في البورتابل و غير انا لي نفلكسي ..انا دايمن يروحولي كامل على البنات صحاباتي ...وينك و علاه ماجيتيش و ماتنسايش الكراس هاداك ولى يروحو على خاوتي ... معناها ادا كترو يبقاو 4 ايام ولى سمانة ...بالطبع 100 دج
مشكورة اختي موضوعك رائع و النقاش فيه اروع​

 

[قاهر النت]

10 الاف تشد شهر ولا أكثر شوية
​

 

[أمّ عبد الله]

السلام عليكم............
لا تيليفون ...............لا فليكساج...................
سلام..............

 

[Bob Marley]

انا عندي ابيس ابنمو ملنيوم كرهت منها في ليل الهدرا باطل مانهدرش بيها
باسكو................. وفي نهار نخدم نهدر بيها والله مليت منها لافكتير مرا هدي جات شويا طايح 4450.00
وعندي بيس 098 راني ماشي بيها

 

[ahlam dj]

انا على روحي ما عنديش بورطابل
ههههههههههههه

 

[محاربة صحراء]

هههههههه 100دنيار في ثلاث شهر

 

[سالومي10]

نكدب عليك عندي شهر مافليكسيتش ماعندي حاجة بيهم بابا كي ياكتيفي نعيط لكامل صحاباتي
شكرا على الموضوع في انتظار جديدك
​

 

[D@rk Angel]

معنديش بورتابل ..
نهدر مع صحابي برك , وصحابي كامل في السكايب ويما عندي في الدار..
​

 

[HAMZ A]

انا نفليكسي 20 الف في الشهر
ما عندي معا من نهدر
غير مع الدار