ما شاء الله رائع كنت نبحث عليه وفقط من فترة بسيطة خبرتني عليه الأخت ميميشة ربي يحفضها وهي تصفيه في القماش وتعمله بالتمر المعجون أختي عفاف حبيت نسقسيك أنتي تطيبيه بالعلفة ولا بلا علفة وهل ممكن نطيبه ومن بعد نطحنه في مطحنة الخضر؟ وهذي طريقة الاخت ميميشة
كمية من التمر حسب الكمية لبغيتها انا درت 2 كلغ تمر مبعد تشوفوا شحال قطعتلي
بكري كانوا يحطوه في قدرة يطول يطيب دركا جبدت حيلة بسرعة يطيب
تحطيه في كوكوطة وتعوميه بالماء
وتغلقي عليه وتحطيه على النار لمدة 30الى 40د ثم تفتحي الكوكوطة يولي لون بهذا الشكل
الصور شوية مشي واضحة من البخار وخليه يبرد باش تقدري تعصريه لانو يكون ساخن بزاف
مبعد تحضري قطعة من القماش نظيفة
وتبداي تحطي كمية من التمر في قطعة القماش
وتعصري هذاك التمر بهذي الطريقة
حتى يخرج كامل عصير التمر وتبقى غير القشور والنواة
طبعا ترميهم لان اخذنا الفائدة وهي عصير التمر
هذا العصير لتحصلنا عليه نحطوه في طنجرة ثقيلة ونحطوه على نار قليلة ونراقبوه هذه المرحلة مهمة والا يتحرق تقعدي تراقبي فيه حتى يعقد
ويقدم مع الزبدة او سمن الحر اي تخلطي الرب والسمن او زبدة وتطليه في الخبز لفطور الصباح او بكري كانوا يغمسوه بالمطلوع
سخون
هنا خلطت مع سمن الحر تاع البقرات وكليتوا بالمطلوع
