اه مكانش مشكل عيطيلي نخدم معاك
باه نتهنا مالدار برك :sheer:
آيا مالا خلاص
درك نوجد كويغطآت الماقازين ونبعثلك خبر
وجدي روحك لينة
ووجدي ليستوما تاعك للكاسكروطات ههههه :shiny:
هاو اني جارتك برك في ::فرجيوة:: هههه
ايه واش نحكي و واش نخلي
عندنا البنات يقاشحوا مليار ياو هو ينقصلها 60 ألف تقولوا او اخويا اي مازالت غالية
و ضرك واش عادوا يديروا رجعوا يمدوا نومرواتهم لمالين لحوانت و يحكيو معاهم غير علاجال باش ينقصولهم بزاااااااااف
ياو أنا يحطولي الموس في رقبتي ويقولولي قاشحي ماقاشحت المبلغ الي يطلبوا نمدولوا و نجي خارجة مانرخسش روحي و ندبل عيوني و نقولوا خويا بلييز عاوني هههه
ايا سلاموا و مرسي على الموضوع الباهي
أهلاااااااااااااااااااا بناس فرجيوة لعزاز :sheer:
هذي غيبة أسيدي من نهار راحت صاحبتنا هذيك الفرجيوية مازدناش شفناكم فاللمة
ايا سيدي الباراكة فيك هانا نورتينا
والله على بالي تاعنا هنا يقاشحو بزاف آكي عارفة العقلية هههه مي تاع النوامر هذي جديدة ومارقة :cra_zy:
واش كانش جديد في فرجيوة ولا والو كي حالتنا هههه
salut tata assouma
هاطاطا توحشناك اسيدي زرينا في السنة مرة
سمسومتي التقاشيح هذا درك ولى كي شغل ركن من الأركان القارة فالشوبينغ
بالصح انا الله غالب اللي يقولها هذيك هي
مرسي سماسم على الموضوع
واتهلاي في روحك حبوبة
وسلميلي عالجماعة أكل
زرينا في السنة مرة
ولاتنسينا بالمرة ....
وين راح السجاد الأحمر نفرشوه للالة اللي تكرمت وطلت علينا:scared:
واش من عاصفة جابتك أنا قلت نسيتينا طول_o:
نضحك برك هجووووووووووورة
مام انا توحشتك عمري ولجماعة كامل يسلمو عليك وتوحشوك والله
هههه انت والتقاشيح اوووو والله مسكين مول الحانوت وحدو يقولك وهذي 50 ناقصة في خاطرك تالمو ماتقاشحيش خلاص
مرسي هجوور والله فرحت كي شفت ردك حبوبة
وقريب نديرو قصرة ياخي؟:shay:
حنا نقولو نشاحنو ولا بالعربية :نيgوسيو
تعرفي انا كي ندخل نشري حاجة نفتح قبل الصاك ونبين للبائعة ولا البائع بيل راهم عندي دراهم
ومن بعد نبدا نشاحن الكلمة الاولى يقولي لالا نجي خارجة والله ما يدي فرنك
ساعات باعة اخرين يقولولي ارجعي اديها حتى باطل
انا امبراطورة التقاشيح
يعطيك الصحة
الله يبارك
علميني هاختي نتيا إمبراطورة التقاشيح وانا نولي اميرة التقاشيح ماعليهش هههه
ربي يخليك أختي قوت القلوب
والله منورة الموضوع بردك
يعطيك الصحة شكرا
انا مانعرف نقاشح مانحب نقاشح
عجبتني العفسة و عندي دراهم نشريها ماعجبتنيش نخليها...
هكاك وفكي عليك ندوشة:shiny:
شكرا ليك ختي منورة الموضوع بطلتك وبردك شكرا
مام حنا عندنا ....
ونسميوها هنا المقارشة
شكرا لك اختي ..تعيشي
ربي يخليك خويا raile تعيش
المنقاشرة والمقاشحة براسك كيف كيف
شكرا خويا منور الموضوع
ههههه يا ختي الضاهرة هادي فكل بلاصة و انا وحدة نديرها مانقدرش نشري حاجة بسومتها باسكو واحد مايبيعها بسومتها حنا عندنا فالعاصمة نقولولها "ينيgوسي" ههه
لازم هكا و ياربي تجيبي حقك في بلاد السرقة ميرسي ليك ختي
سلام
ينيقوسي
ويقاشح
ويقاشر
ويحارج
راني لميت مصطلحات ماشاء الله ههههه
ربي يخليك ختي القلب الأبيض
والله نورتي ميضوعي
شكراااااااااااا
بصح علابالي هذا العفسة كاينة بزاف في النساء
شكرا
عندك حق كاينة بزاف فالنساء
مي كاينين رجال وفيهم العفسة هذي
بالصح ماش بزاف
شكرا ليك اختي فاطمة الزهراء
والله شرفتينا بتواجدك شكرا
ههه مغيااااااااااااااااااااااااارررر ههههه