لوكان كنتو في بلاصتي واش أديرو؟؟......

[ابتسامة أمل]

اهلا اختي
أهلييين حنونة نورتي القعدة ....قصدي النقاش.....
لولة انا فيا عقلية منشتيش الهدرة في الظهر ونشتي فيا ديفو يجيو يقولوه ومتغيضنيش كي يجيو يقولو في الوجه في وجهي كثر ما كي يحكيوها في الظهر
و الله كيما قلتي nn seulement يديو الذنوب و يزيد واحد ما يدير فيهم لامان pask اليوم منشرت على واحدة غدوا بالاك تجي دالتي ما تدري.....
و كيما قلتي ماكانش خير م الصراحة و الواحد يعرف كيفاه يهدر ....يكون صريح بلا ما يجرح ...هو يكون قال اللي في قلبو و الطرف التاني يدير بالهدرة ديالو.....

والحاجة الثانية صباع اليدين مش كيف كيف

oui c sur......i​

سيبالابان نحكمو على ولاية من عبد شفناه ولا كيعاد في الدنيا هدي دار ربي المليح والقبيح
هاذي باينة مي كاين وين صح تكون فيهم مي ماشي défaut مثلا ناس محافظين .....كاين ناس "متحررة" تشوف بلي معقدين و مغلقين ....أنا راهي عاجبتني روحي تقول واش حبت ....هي راهي تشوفها défaut mé moi nn au contraire راني نشوفها qualité ........ و فرات .....
ايا مرسي على الموضوع الزين تحياتي

بلا مزية حنونة و ميرسي على الرد الزوين
تحياتي

 

[ابتسامة أمل]

انا والله ما نحب التميز مرسيييييييييييي

و لا حتى واحد فينا مي اللي فيه هاذي العقلية ربي يهديه .....
ميرسي عليك حنونة
تحياتي

 

[ابتسامة أمل]

انتى مليحة انك ما اديتيهاش فيها وشغل باللى ما اثرتش فيك...
وعلاش حتى تأثر فيا ......الحمد لله نعرف روحي .....لوكان فيا واش قالت بلاك تقيسني شوي ...
شخصية فور اختى ربي يوفقك ويهدى الناس اللى ما يعرفوش يشدو لسانهم

يعيشك حنونة ربي يحفظك.......
و هاذو اللي عندهم آفة اللسان و ما يقدروش يحكموه .....ربي يهديهم ان شاء الله....
أسعدني تواجدك حبيبتي ....
تحياتي....

 

[mer10]

:shay:stata ou madir sar hkamtha

 

[nina bonoise]

سلام اختي
عجبتني شخصيتك و قلبك الكبير
صراحة نكره العبد لي بالدوبل فاص
يبانلي ضعيف الشخصية
​

 

[ابتسامة أمل]

Merci bcp khti ana puiske nesken fi tiaret bzf nas ygoulouli ya 7afid tiaret mahnach w besaf hadra mechi mli7a ... ana tjr ngoul kayen w kayen mechi ga3 el nass kif kif

Merci 3la el mawdo3

ya pa de koi hannona ^_^

أهلا بيك ختيتو
تيارت تشرفنا خيار الناس و قاع ولاد و بنات الدزاير
هاذوك الناس ما ديريش عليهم.....ربي يهديهم ....
راها تيارت شابة غير اللي ما يعرفلهاش .....
صحيتي ختيتو نور على مرورك الكريم ....
دمتي بود....
تحيآتي...
​

 

[ابتسامة أمل]

يقولك العشرة فتاشة ... وعمرك ماتحكم على انسان حتى تعاشرو وفي كل بلاصة كاين المليح والقبيح مشي انا رايحة نحكم على واحد على منطقة كاملة ... مي الله غالب احنا نفهمو كل شئ بالمعكوس وتشراك الفم

صح فينا شوية العقلية العيانة تاع نجمعو و نداعاو فاهمين و نعرفو

انا واحد المرة مريحة مع بنات وفيهم واحدة تعرفني من وين انايا وبدات تقيس فالكلام اكسبري وباللي هدرت هذيك المنطقة ماتعجبهاش عملت شغل ماهيش تهدر عليا وقلتلها باللي غير قليل الأصل اللي ينكر أصلو ويتبدل
هههه شفتي العقلية العيانة ......مي هاذي وجهها صحيح .....
تقولك ديركت و خلاص وعلاه زعما ماشي بلعاني ما تقصدش....
و صح واحد ما يحشم من أصلو الحمد لله ....

و المهم كيفاش رانا مع ربي حكايات أصلي و أصلك ما يزيدو ما ينقصو

شكرا اختي على الموضوع
تحياتي​

العفو أختي الكريمة
و الشكر ليكي على تنويرك للموضوع
تحيآآتي....
​

 

[ابتسامة أمل]

سلام عليكم
و عليكم السلام و الرحمة و الاكراااام
هادي السبة للي خلاتنا التوالا...التمنشير والتقطاع بلا فايدة في الظهر..ربي يهدينا ويصلح بالنا
صح ختي عندك الحق
آآآميييين يا رب العالمين
على كل اختي نعم رد الفعل للي قمتي بيه..
ميرسي ختيتو
.بينتيلها اكثر بلللي منطقتكم ناس ملااااااااااااااااااااااح
:re_gards:يعطيييك الصحة......يعيشك حنونة:shay:
ربي يحفظكم
​

أمين ياااا رب و يحفظ قاااع وليدات الدزاير
أشكرك حبيبتي على كرم تواصلك و جميل ردك....
دمتي بود
تحيآآتي....
​

 

[ابتسامة أمل]

والله عجبني ردك علاها خيتو لان الانسان الناقص هو الي يدير حساب لهاد الامور ولو كنتمكانك لتصرفت مثلك00

يعيشك خويا ...... تسما هكا راني فالصواب ^_^
​

اي بلاصة واي مكان فيه الصالح والطالح اختي الكريمة
صح .....
واحد مايغلطك في هادي والناس ولا الانسان الي يمنشر على بلاصة تاع واحد اخر ويطيح في ناسها غير يتوله بروحوا برك

​

كون جينا عايشين لرواحنا مايصراناش كيفهك غير الحرزة والغيبة والنميمة وكيما يقولوا الجمل يضحك على كربة خوه وهو ناسي كربتوا....

وي هدرة زوييينة.... بارك الله فيك
​

وكيما قالها الرسول عليه الصلاة والسلام ..لافرق بين اعربي واعجمي الا بالتقوى ماشي بالغيبة والنميمة والحرزة والتقطاع واللبسة والمشاكل هادوك وانا خير منك ولا ولد بلاد عليك هادوك كلهم عباد ناقصين وبيريمي

لوكان جينا نفهمو .....ربي يهدينا....
​

تقول عليهم عايشين هما في لاسفيغاس ولاتورنتوا رانا عايشين الكل في الجزائر والحمد لله اننا نعرفوا بعظانا صوا مادينا الزوخ والفوخ والعشاء قرنينة .....واحد مايهفك راني نقولك
كون جينا في بلاصة الحرزة والتمنشير نتولهوا بدنيتنا لكان احسن لينا خير والي يمنشر والي يقطع هاداك نقولوا روح اخويا نظف برك تحت باب دارك وروح نحي الزبلة من قدامكم ولا هز شطابية ونحي الحشيش راو كلاكم احسن ليك الحوايج الي تنفعنا مانديروهاش وبالمقابل في اللسان والتمنشير حنا الاولين ولاكن من غير فائدة

كلام موزون و منطقي جدااا يعطيك الصحة لوكان نديرو بيه اييييه وين لحقو ....ما نكونوش فالغرقة كيما ظرك .....
​

علاديك الاوروبيين والمستشرقين والغربيين يحتقرونا والله
للأسف ..... قالو وجدنا الاسلام و لم نجد المسلمين . كي زارو البلاد العربية.... الدين ورثناه وراثة و ضيعنا نصو ....
والله يااختي قلبي معمر وكون نقعد هنا نعبي باجة
ايا السلام عليكم

و عليكم السلام ....

يعطيك الصحة خويا ....... المهم راك فرغت شوية.....


بارك الله فيك أخي الكريم على الرد القيم......
كل التقدير و الاحترام
تحياتي......
​

 

[ابتسامة أمل]

سلام اختي
و عليكم السلام و الرحمة و الاكرام
عجبتني شخصيتك و قلبك الكبير
يعيشك حنونة :shay:
صراحة نكره العبد لي بالدوبل فاص
يبانلي ضعيف الشخصية
صح كاينة..... لوكان جات عندو شخصية قوية يواجه.....ماشي ملتحت للتحت.....
ربي يهدينا هذا ما كان.....
كل واحد راه بعيوبو ......نتلهاو برواحتينا قبل....
​

يعطيك الصحة ختيتو على المرور العطر
دمتي بحفظ الرحمن
تحيآآتي....
​

 

[ابتسامة أمل]

:shay:stata ou madir sar hkamtha

نكذب عليك أختي الا قلتلك بلي فهمت كلمة ملي كتبتيهم :sad:......
معليش المهم نورتي الموضوع....
تحيآآتي.....
​

 

[عبدو28]

المشكل ماهوش لي كرهنا محفرنا قبر ولي حبنا بنالنا قصر
1- انت كنتي تحكي معاها نورمال . يعني وحدها ماشي قدام صحباتكم.
2- وكي تعريف السبة لاه تكرهم او لا ماتشتيكمش ثما تحكمي عليها وتفهميها بشوية .
3- بلاك راها ماتعرفش وش تحكي لانه كل بلاسة فيها لمليح ولقبيح وهي عممت السوء على الخير بلاك قاسوها ناس من عندكم.
- المهم خليها تحب بلادك بيك انتي يعني نتي لي تعطيها صورة على البلاسة لي كانت تكرها.

​

 

[Rosa2]

السلآمـ عليكمـ ..~
//
هآد المـوضوع يفـكرني بموضوعكـ " تآع مين زرتي وهرآن "
اولآ خيتو انتي مآ كنتي سبة فـ حتى شيء
ثآنيآا صرى سوء تفآاهمـ بسيط ,, هههـ و هآدي تصرى بزآف
ثآلــثآا حنآ هبلنآك و اسمحيلنـآ

اما عن الموضوع هذآ
لو كنت في بلآصتك كنت حوست نعرف و علآش البنت هآدي تكره " منطقتنآ "
و علآش ga3 هـآاد الجهوية
نسقسيهآ و نعرف " السبب " و ايلآ كآنت غآلطة نصحح لهـآا
و حنآ رآكي عآرفة " كي دآيرين "
نهدرو و نمنشرو
و مآ نشبعوش
مآ خلينآ نآس مآ خلينآ بلآيص مآ خلينآ وآلو ..~
الله يهــدي الجميع ..~

//
شكـرآ لك
يع’ـطيك الصح’ـه ..~
​

 

[الحق سلاحي]

من وين انتي اختي ماقلتيلناش ........ وماتخليش هدرت الناس تقيسك .. وثانيا هدا موضوع gاع مايحتاجش تخمام درتي اللي عليك ونص خلاص ارميه وراك
​

 

[TAHAR4U]

تعرفي لازم على الوآحد يرزآن و يعقآل و ميهزش من الكلمة اللولة

 

[ابتسامة أمل]

المشكل ماهوش لي كرهنا محفرنا قبر ولي حبنا بنالنا قصر
السلام عليكم
هاذي يا أخي قصدنا بيها اللي يزعفو و ديقلهم كي يقوللهم واحد نكره منطقتكم......
و عليها اللي كتبت الموضوع كامل ....
لحكاية كانت موقف باش نفهم بيها هاذي لجماعة .....
1- انت كنتي تحكي معاها نورمال . يعني وحدها ماشي قدام صحباتكم.
؟؟؟؟ للأسف ما فهمتش قصدك...
2- وكي تعرفي السبة لاه تكرهكم او لا ماتشتيكمش ثما تحكمي عليها وتفهميها بشوية .
مي كاين ناس كي يشوفو لمليح يقولو بلي هو الاستثناء ماشي لقباح .....
3- بلاك راها ماتعرفش وش تحكي لانه كل بلاسة فيها لمليح ولقبيح وهي عممت السوء على الخير بلاك قاسوها ناس من عندكم.
راني معاك و أكيد عندك الحق .... هي كاين وين عممت السوء و كاين وين صح فينا هي تشوفها defaut par contre ana nchoufha qualité.....يعني نحكي منا للعام الجاي ما راحش يلحقلها msg .....كل واحد و التفكير ديالو العقلية ديالو....
- المهم خليها تحب بلادك بيك انتي يعني نتي لي تعطيها صورة على البلاسة لي كانت تكرها.
بالنسبة لهاذي الطفلة ما قعدتش معاها بيما فيه الكفاية باش نحكيلها و نفهمها .. و نحببها.... و هي الطريقة اللي جابتها بيها لازم عااام باش تغيرلها وجهة نظرها .... و نفهمها .....مي صادفت ناس كيف كيف ....ولينا صحابات و ظرك راهم يحسدوني :shiny:
Façon d parlé b1 sur.... عرفتهم ببلادي عن قرب ..... ولاو يحبوها و يتمناو يزوروها......
​

راني قلتها فالموضوع نلومو الناس اللي عاشرتهم و ما كانوش ملاح ما نلومهاش هي .....مي تصدق خويا هاذي عقلية فينا الدزيرين .... كل منطقة نجبدولها عيب و نعمموه عليهم و تتشهر هاذيك المنطقة بيه........ درك نمد مثال على معسكر راهي فخر لينا.....الأمير عبد القادر أصلو من تم ......
و المشكل ماهوش في أنو نعرفها بمنطقتي ...هذا حل جزئي و مؤقت للمشكلة .......مي لازم الواحد ما يحكمش حتى يشوف...... و نحييييو هذي العقلية ........ رانا قاااع ولاد و بنات الدزاير
يعطيك الصحة خويا على الرد و المرور
تحيآآتي....

 

[ابتسامة أمل]

السلآمـ عليكمـ ..~
//
وعليكم السلامو الرحمة و الاكرام
هآد المـوضوع يفـكرني بموضوعكـ " تآع مين زرتي وهرآن "
علاجالو اللي درت هذا الموضوع ^_^
اولآ خيتو انتي مآ كنتي سبة فـ حتى شيء
ريحتيني ^_^
ثآنيآا صرى سوء تفآاهمـ بسيط ,, هههـ و هآدي تصرى بزآف
هههه واش تحبي ....مازال ما والفتش الأجواء تاع هاذو الأقسام مي بدين نتعرف ....
ثآلــثآا حنآ هبلنآك و اسمحيلنـآ
ههههههه لالا و الله والو مي كتشفت بلي حنا نزعفو تمتم و النيف و لخسارة ...و عندنا دايما أحكام مسبقة و معممة على الناس .....
اما عن الموضوع هذآ
لو كنت في بلآصتك كنت حوست نعرف و علآش البنت هآدي تكره " منطقتنآ "
و علآش ga3 هـآاد الجهوية
نسقسيهآ و نعرف " السبب " و ايلآ كآنت غآلطة نصحح لهـآا
فاتتني هاذي...... مي من خلال واش فهمت من هدرتها .....هي جاية شوية كوووول و حنا محافظين...... هي تشوفنا مزيرين و تكره عقليتنا .....
ما لمتهاش بزااف pask فهمتها شوي ...... كان لازم نسقسيها باش نعرق قاع الأسباب .....عندك الحق في هاذي...
و للأسف ما زدناش بزاف كيفكيف باش نلحق نفهمها وجهة نظري.....
و حنآ رآكي عآرفة " كي دآيرين "
نهدرو و نمنشرو
و مآ نشبعوش
صح مشكل كبيييير فينا
مآ خلينآ نآس مآ خلينآ بلآيص مآ خلينآ وآلو ..~
الله يهــدي الجميع ..~
آمين يااااا رب
//
شكـرآ لك
يع’ـطيك الصح’ـه ..~
​

العفوووو حنونة .....يعيشك
و نقولك ميرسي بزااااف على مرورك الكريم وردك القيم ......
دمتي بود تحياتي....
​

 

[Gynecologue]

peut être bien
​