قائمة الاصدقاء

[♥SaMoù Là MoDèsTe♥]

السلآم ع'ــليكم

موضوعكــ عجبني مي
×السخـآنة×
مـآرآهيش مخليتني نرد

بصحـْ / أنـآ نرد كونطرآ ع'ــليهـــآ
وفي خـآطركـْ يـآ خ ــويــآ

المهمـ ::
عنـ قـآئمة أصدقـآئي أنــآ مـآعنديشـ بزآفـ
وأظنـ أنهـــآ فيـ تزآيد ...
وكلـ مــآ يجيني طلبـ صدآقــة نوآفقـ ،،
لأنو حشومة نرفض الطلبـ دونـ سببـ وجيهـْ

معـ علمي أنـ القـآئمة فيـ الغـآلبـ تكونـ شكلية
لكنـ هذآ لآ يعني أني أرفضـ
إحترآمــآآ للعضو الطـآلب للصدآقـة من ج'ـهــة
و / من جهـة أخرى /عنصر التوآضع
لأنهـ قد يقـآلـ / متكبرة إذآ رفضتـ

إذنــ : مـآدآمني دآيرة الثقة فيـ نفسي
نقبل أي طلبـ




​

 

[زهرة الندى]

صبـــاح الخييير

والله الصح عندك الحق القائمة معمرة و لي مكانش لي تعرفهم
انا نعرف وحد ال من ال

خليتهم فارغين نروح نحسب ونجي :laugh:

بصح واش تدير كي تلقى طلب الصداقة ها لازم عليك تقبل

ها صحييييييييييييييت حسام على الميضوع

بصح توقيعـــــــك فووووووور اعتراف ع المباشر ههههه
​

 

[الخجولة]

انت على حق ولكن انا عندي بس واحدة

 

[sam_houssem]

شوف يا خوي راني خوك بشلاغمو ولحيتو ... رد بالك :santa_1::santa_1::santa_1:

ههههههههههههههههههههه

شوف راه حتى الصداقة في النت شكلية هوائية فضائية ...:showoff:من الوزن الخفيف

تقدر تقاطع الاسم امتاع الرمزي وتسجل بواحد اجديد ......وكل يوم ، وكل يوم دراسة

عفوا صداقة ...........هيا انخليك ابخير وعافية وسلامة :re_gards::re_gards:

هههههههههههههه
ماديريش على خوك يا العزيز
راني كنت دايخ برك
وراك راجل وسيد الرجال
ما تشكيش بيا برك
راني روشارشي
وعندك حق في وش قلت
هيا مرسي عليك يا العزيز واتهلى في روحك​

 

[sam_houssem]

السلام عليكم

وعليكم السلام​

قائمة الاصدقاء قد تكون شكلية عند البعض لكنها مهمة للبعض الاخر

ايه عندك حق وفي الاختلاف رحمة​

قائمة اصدقائي كبيرة والحمد لله وانا اعتبر ان كل المنتدى اصدقائي لان الصداقة عندي اخوة

ربي يبارك ويزيد وربي يدوم المحبة​

صحيح مقصرة في حق الكثير ومع الوقت اصبحت لااعرف الكثير عنهم لكن امنح لنفسي ولهم الفرصة للتعارف على الاقل من حيث المواضيع والردود
لاتتصور اخي حسام حين افتح نافذة الاتصال واتفرس في الاسماء من حضر ومن غاب وبمجرد ان اجد البعض احس ان المنتدى مليء عن اخره
قد يكون الكثير موجود لكن ان لم اجد بعضا من اصدقائي افتقد وجودهم واسجل الخروج بسرعة
اسم منتدانا لمة واللمة كبيرة وقلوبها عامرة وتسع من الاحبة الكثير

رايك ونحتارمو
مي ياسمين اختي انا ماش نحكي على الاصدقاء
لي تعرفيهم وتتعاملي معاهم
انا نحكي على لي تشوفيه يوم واحد نهار يلحق منو طلب صداقة ومن ثم ماعادش تشوفيه خلاص
لا في الردود ولا في الموضيع
خاطر انا من وجهة نظري نشوفها حاجة ماعندهاش معنى بالنسبة ليا ونركز على كلمة بالنسبة ليا
خاطر كل واحد عندو راي ونحتارمو
المهم مرسي اختي العزيزة وشكرا على المرور
وربي يكثرلك من الاصدقاء​

 

[sam_houssem]

السلآم ع'ــليكم ​

موضوعكــ عجبني مي
×السخـآنة×
مـآرآهيش مخليتني نرد ​

بصحـْ / أنـآ نرد كونطرآ ع'ــليهـــآ
وفي خـآطركـْ يـآ خ ــويــآ
وعليكم السلام
شكيت على السخانة لقيتك انت صاري فيك اكثرمني
ماعليش برك
شوفي باسينة نيلو كبير وعمريها ماء بارد وجي فيها وكونكتي كي حالتي​

المهمـ ::
عنـ قـآئمة أصدقـآئي أنــآ مـآعنديشـ بزآفـ
وأظنـ أنهـــآ فيـ تزآيد ...
وكلـ مــآ يجيني طلبـ صدآقــة نوآفقـ ،،
لأنو حشومة نرفض الطلبـ دونـ سببـ وجيهـْ​

معـ علمي أنـ القـآئمة فيـ الغـآلبـ تكونـ شكلية
لكنـ هذآ لآ يعني أني أرفضـ
إحترآمــآآ للعضو الطـآلب للصدآقـة من ج'ـهــة
و / من جهـة أخرى /عنصر التوآضع
لأنهـ قد يقـآلـ / متكبرة إذآ رفضتـ ​

إذنــ : مـآدآمني دآيرة الثقة فيـ نفسي
نقبل أي طلبـ ​

يا اختي انا مانيش نحكي على الرفض
خاطر انا ما رفضت حتى طلب صداقة لليوم
وماش راح نرفض
انا قلت ومن بعد الطلب هذاك كيفاه
يعني يكون اسم برك نزين بيه صفحتي ولا صديق بمعى الكلمة نعرفو ويعرفني وتكون معاملة بيناتنا
انا عن نفسي ما نحبش يكون غير اسم مكتوب لثم
وهذا رايي
ورايك راه في الحفظ والصون
مرسي اختي على المرور والرد الزين
وسامحيني تعبتك سخانة سخانة​

 

[sam_houssem]

صبـــاح الخييير

صباح الفل والياسمين على مولات العقل والزين
والله الصح عندك الحق القائمة معمرة و لي مكانش لي تعرفهم
انا نعرف وحد ال من ال ​

خليتهم فارغين نروح نحسب ونجي :laugh:​

بصح واش تدير كي تلقى طلب الصداقة ها لازم عليك تقبل ​

ها صحييييييييييييييت حسام على الميضوع ​

بصح توقيعـــــــك فووووووور اعتراف ع المباشر ههههه​

ايا مليح كي لقيت واد يايدني
وحتى انا نقبل كي يلحقني طلب صداقة
مي نخلي مدة تاع سمانة ولا 10 ايام
ما عرفت عليه والو ونشوف بلي رايح يكون اسم برك في قائمة الاصدقاء تاعي
راح نحيه نورمال
ولا حياء في الدين
مرسي اختي العزيزة على رايك ومرورك
واتهلاي في روحك
والا حبيتي نمدلك توقيعي تتصوري بيه ورجعيهلي
​

 

[sam_houssem]

انت على حق ولكن انا عندي بس واحدة

ربي يخليهالك
ويدوم المحبة بينكم
ويخييقولو كثر الصحاب يفسد الخيار
يعني صاحب واحد بمعى الكلمة قادر يعوض 100صديق
مرسي اختي العزيزة على مرورك
تقبلي تحياتي الخالصة​

 

[برنســ اللمة ـيسة]

iiiiiiiiiiw
اني جيت حابة نغلق الموضوع
ههه
يا حسام شوف و الله انا قائمة الالصدقاء تاعي بزااف ماعلاباليش واشحال حتى درك نضرب طلة عليها و نقولك
و نعرفهم كااامل و نعرف اللي ماهمش اصدقاء ادلالي
معاك انسة البلدية هنا
نعرفهم كااااااملين​

 

[mohgladiator]

صح خويا و الله عندك الحق
بصح لي ماقدرتش نديرها انا
لي هي نفاصي
و الله ماقدرت
نحسها عيب ولا مانعرف
بصح و الله تحير يجيك طلب الصداقة و من بعد يعود مولاه يتقلش عليك و مايردلكش
و مرة بعثتلي وحدة طلب
و بعد نهارات
بعثت صباح الخير
هادا ماكان
قاتلي اسمحلي خويا مانحبش نهدر مع الولاد
تعرف راسي قلبتهولي
الواحد يقول ربي يهدي ما خلق
سلاااااااااااام خويا​

 

[Jeune Sghir Mc]

أنا عندي 14 فالقائمة
مي عندي صديق واحد فقط youcef29
​

 

[AWDIESL]

عندك الحق .......
و عندو الحق ماكانش كي ماشي داير قائمة اصدقاء ههه
واش من فايدة؟

انا عليا نبعث للناس اللي نكون حابة نتعرف عليهم و اللي يكونو حاصرين فالمنتدى و طلب الصداقة هو اول خطوة لهاد الشي
و مع الوقت تتوطد العلاقة و تقوى اواصر المحبة و الاخوة و تتلاشى الكراهية ........والخ كمل التعبير من عندك هههه

انا الحاجة اللي مانقدرش نديرها نرفض طلب صداقة ولا نفاسي كاش واحد ....مالقري هاداك الانسان مانعرفوش و راه عضو جديد ناجوتيه هههه

انا نشوف بلي قائمة الاصدقاء هي اول خطوة للتعارف
و انا في رايي حتى ادا كانت هاد القائمة شكلية و ماكانش كونتاكت بين الاصدقاء
يكون عندها فايدة يا لوكان صغيرة في انها تعرف بعضو بالاك ماراكش قاع سامع بيه نت .....بالتالي تولي تلتفت ليه -رأي شخصي-

ميرسي عليك
​

 

[نسيم الربيع]

صحيت خويا
والله مامانا حرت فيها وحطيت مره موضوع وماتقبلش
هذي لاحظتها فاللول وكنت حاطه جماعه فلاليست ولقيتهم يبعثو دوموند وميهدروش
وضرك نحيت جدهم كامل ووليت منقبلش الطلبات حتى نعرف صحابهم
يعطيك الصحه خويا عالموضوع الباهي​

 

[دعاء19]

عندك الحق اخي خير دليل قائمة الاصدقاء ديالي عامرة ولي يشوفها اقول راني محبوبة في اللمة ولكن العكس

 

[zahra09]

سلاااموو​

انا تاني تقدر تقول قريب كامل منعرفهمش مي لي يبعت دوموند منردوش راهي قراتوي ​

شكرااا على الموضوع :sheer:​

​

 

[ĂÝǾΰb]

وش نقلك أنا تجيني طلبات الصداقة نحشم باه نرفضها

الله غالب
و انا نقلك قائمة الصداقة حاجة رمزية برك

شكرا لكـ
,,
​

اذا كنت أنا من الناس لي طلبت صداقتك كان كلامك يجرحني بزاف

أنا عندي غير صديقين نعرفهم عندي بزاااااااف في أماكن أخرى بصح لي حب يكون صديق مرحبا بكامل بنات و ولاد بلادي
صداقتهتم تشرفني وتفرحني
​

 

[غزة لنا]

والله اخيbibars125 معك الحق 100\100
وانا لا يوجد عندي أصلا اصدقاء في القائمة وهكذا أحسن اخي لان الفائدة ليست هنالك فيوجد اعضاء ليست اماكنهم هنالك بل في أماكن اخرى أفضل بكثير من هذا المكان الرمزي
شكرا على الطرح اخي

 

[مسامعية]

قائمة الاصدقاء في نظري شكلية
انا قائمة اصدقائي ممتلئة وواحد فيهم مانعرفو يجوني طلبات نقبلهم
واصدقائي الحقيقيين لي تربطني معاهم علاقة قوية مكاشهم في la liste
tout simplement

 

[ĂÝǾΰb]

والله اخيbibars125 معك الحق 100\100
وانا لا يوجد عندي أصلا اصدقاء في القائمة وهكذا أحسن اخي لان الفائدة ليست هنالك فيوجد اعضاء ليست اماكنهم هنالك بل في أماكن اخرى أفضل بكثير من هذا المكان الرمزي
شكرا على الطرح اخي

لا شكر على واجب اختي الكريمة
كلامك كلو جواهر والله أكيد يوجد اماكن
أفضل من ذلك المكان الرمزي شكرا لك على الاضافة
تحياتي
​

 

[غزة لنا]

لا شكر على واجب اختي الكريمة
كلامك كلو جواهر والله أكيد يوجد اماكن
أفضل من ذلك المكان الرمزي شكرا لك على الاضافة
تحياتي
​

العفوا اخي ويعطيك الف عافية على هذا الكلام الرائع شكرااااااااااااا