صالون نهال مطلوب بنات-خاص باستفساراتكن ومساعداتكن-صالون حلاقة خاص ببنات اللمة الجزائرية

[hanane alg]

ممكن تعطيوني كريمات و مرهم للبشرة الجافة بشرتي و لات حرشا و حاسة فيها باللي مجعدة معليش تنعتولي وش من ماركة و لا نوع يرجعها لطبيعتها

السلام عليكم اختي ندى
هاذا الموضوع ليس للبشرة انما هو للشعر فقط
هاذا موضوع خاص للبشرة ضعي استفسارك هنا
https://www.4algeria.com/vb/showthread.php?t=277477
​

 

[hanin 84]

السلام عليكم لبنات و صح عيدكم كل عام و انتم بخير
عندي مشكل تقصف الشعر و راني باغية ندير كولار لشعري مي معرفتش كينديره ساعدوني عندي بشره ماجاية سمرا ماجاي بيضا و عيني مارو
وماهي افضل صبغة؟

 

[hanane alg]

راني نشوف بلي الموضوع مات
وحبيت نعاود نحييه
راح نعاود نولي نحط الاسئلة واجوبتها
للعلم الاسئلة والاجوبة منقوولة
وهاذ الاجوبة مضمونة لانو صيديلية وخبيرة هي اللي تجاوب عليها
اتمنى الاستفادة للجميع
..
​

 

[hanane alg]

انا الاولى الي راح نرحب بيك
حبيت بحكم مجالك تفيديني في تساقط الشعر بغزارة و انا تحت العلاج بسلسلة نوتريكاب

شوفى يا اختى انا راح نعطيك الخلاصة
كانت تجى عندى للصيدلية امراة فى 30 شعرها المسكينة كان يتساقط ويتركلها بقع فارغة جدا وملحوظة المهم المسكينة ماتركت اى دواء صيدلى الا ودارته
او كنت نصحتها باش دير ماسك السدر كالحناء و لكن النتيجة نتاعه طويلة
المهم بعد 15 يوم تقريبا بعد اخر مرة شفتها جات عندى و واااااااااووووووووووووو ما شاء الله
شعرها نبت من جديد
نقولك واش دارت وهى بحد داتها طلبت منى ننصح الغير

حكت المكان اللى كان فيه التساقط ودقت الحلبة ومزجتها مع القطران و ربطاته على المكان
هدى نتيجة شفتها بعينى
ممكن تجربيها و قعدى على علاج nutricap
يوم ديرى الخلطة ويوم لالا

 

[hanane alg]

السلام عليكم اختي العزيزة
انا عندي في اخر الجبهة من الجهة اليمنى ويسرى فراغات ليست كثيرة اي منطقة يكون فيها شعر ضعيف او يبان فارغ كي نحكم شعري واش تنصحيني ندير لها كوصفة اي شيئ ... باش يقوى الشعر في هدوك المناطق باسكوو راني نتحسس

الحلبة مطحونة+ قطران تحكى المكان جيدا و ديريها يوم و يوم لالا
ضف متزيريش شعرك للوراء يطرطق

 

[hanane alg]

السلام عليك اختي المهم انا شعري طويل ولكنه املس وخفيف وضعيف وكاين لي قالولي قصيه بصح انا نحب الشعر الطويل والله غير راني حايرة وش ندير راني نفكر ندير البترول لانني سمعت بزاف لي جربوه ولقاوه مليح بصح عندي حساسه في التنفس والعينين ونخاف يضرني امالا ربي يحفظك شوفيلي كش وصفة مليحة راني تاعبة بزاف

شوفى اختى شعرك خليه كيما راه طويل مكانش علاقة بين الكثافة و الطول
جربى وصفة القطران و الحلبة سبقت و شرحتها + ممكن تدهنى بزيت الخروع
​

 

[آمِيْرَتُه]

أهلا بنات

بغيت نقولكم اذا تقدروا تساعدوني أنا شعري طويل حتى لتحت مي ماشي قاوي خفيف بزاف و اختي اخصائية تجميلية و قالتلي لازم تقصيه حتى يقوى مي منقدرش نقصه راه طويل و يغيضني المهم شكون عنذها كاش وصفة مليحة لتقوية شعر تحطهالي

 

[الشقيّة]

حابة نسقسي على رغوة الشعر لي يستعملوها في تجعيد الشعر باش ترجعيه كيرلي

واش اسمها عندنا في الجزائر ؟؟

 

[السلطانة]

حابة نسقسي على رغوة الشعر لي يستعملوها في تجعيد الشعر باش ترجعيه كيرلي

واش اسمها عندنا في الجزائر ؟؟

قصدك ماسك للشعر؟؟
منعرف انا موالفة نشري ماسك صانسيلك لي يبوكلي الشعر ب 10 الاف

 

[الشقيّة]

قصدك ماسك للشعر؟؟
منعرف انا موالفة نشري ماسك صانسيلك لي يبوكلي الشعر ب 10 الاف

و الله معلبالي

انا موالفة نقراها في المنتديات الخليجية و معرفتش واش هي عندنا في الجزائر

و صانسيلك تقوليله اعطيني الماسك لي يبوكلي الشعر ؟؟ هاكا ؟؟ :showoff:

يعطيك الصحة اختي

 

[السلطانة]

و الله معلبالي

انا موالفة نقراها في المنتديات الخليجية و معرفتش واش هي عندنا في الجزائر

و صانسيلك تقوليله اعطيني الماسك لي يبوكلي الشعر ؟؟ هاكا ؟؟ :showoff:

يعطيك الصحة اختي

ايه اختي قوليلو يمدلك الماسك تاع الشعر لي يبوكليه تاع صانسيلك راه ب10 الاف
لوكان جاني الوقت راني صورتلك القرعة تاعو
:re_gards:

 

[hanane alg]

أهلا بنات

بغيت نقولكم اذا تقدروا تساعدوني أنا شعري طويل حتى لتحت مي ماشي قاوي خفيف بزاف و اختي اخصائية تجميلية و قالتلي لازم تقصيه حتى يقوى مي منقدرش نقصه راه طويل و يغيضني المهم شكون عنذها كاش وصفة مليحة لتقوية شعر تحطهالي

السلام عليكم اختي
بالنسبة لسؤالك انصحك باستخدام زيت الخروع
عندو فوائد بزآف ماشي غير يقوي الشعر
هو تاني مضاد للقشرة ومليح للشعر الجاف
اي استفسار انا موجودة
:shiny:

​

 

[hanane alg]

حابة نسقسي على رغوة الشعر لي يستعملوها في تجعيد الشعر باش ترجعيه كيرلي

واش اسمها عندنا في الجزائر ؟؟

راهي جاوباتك الاخت سندريلا
:re_gards:
​

 

[nawal 88]

انا نحب الحلاقة لدرجة كبيرة مي الاهل ماحبونيش نروح نتعلمها الله غالب​

 

[nawal 88]

أنا مداير نفس القصة ونفس الصبغة هذي مي حابة نسقسي هل نقدر ندير خصلات شقر على اللون هذا ولا لا​

<A href="http://market.7mry.com/?url=aHR0cDovL2ZvcnVtLmhvb3JpYXQuY29tL3Q1MDk4My5odG1s" rel=nofollow target=_blank>​

 

[M!ss D!or]

نوال ان شاء الله يجاوبوك لاخوات
انا ماعنديش فكرة كبيرة في الالوان
​

 

[السلطانة]

​

 

[هآجر]

سلام عليكم

بعد الحيوة الي اللمةالله يبارك لبنات راكم قامين بالحالة


انا شعري جاف مشي بزاف مي مشكلتوا كما نغسولا ويشيح اولي مجعد ومليح بصح كرهت منوا نسخف على شعر ارطب خلاه

ااي لقيت حل للمشكلة هذي وحبيت نفيدكم بها

قبل غسل الشعر بساعة
حطي زيت الزيتون راهو قمة خلالالالالالالالالاه مي كفاش تحطيه ؟
شخصيا نحكم القعة نحطها في ماء ساخن لمدة 20 دقيقة ومن بعد نقسم شعري على ربعة ونحط فيه الزيت ونحكموا
بعدها بحوالي الساعة نغسل شعري بالشمبوا انا يوولمني سانسلك الازرق روعة نتع الصح

من بعد نشفوا بالمنشفةتكون رطبة نخلها فيه غير 5 دقايق برك ومنبعد نحط فيه سيروم البرتقالي غير شويا + كريمة القمح

عمبالكم النتجية روعة خلالالالالالالالالالالالالالالالاه انا مولتش نعرف شعري

بالتوفيق لبنااااااااااات

وعليكم السلام​

 

[جزائرية كوول]

بارك الله فيك اختي حنان
​

 

[ندى الورود]

السلام عليكم
عندي مشكلة في شعري اتمنى تساعدوني
انا شعري رطب بزاف وشعرته رقيقة ويتساقط
و ما يبانش كثيف
اللي تعرف كاش خلطة ولا مستحضر يكثف الشعر ويخليه عندو حجم
ويوقف التساقط تدلني عليها
وعندي مشكلة في تسريحات الاعراس ما تصلح حتى تسريحة على شعري
كيما هاذي التسريحة ما تصلحش في شعري خلاص
مع يوصل الليل يهبط شعري كامل اللي عندها الحل تقولي عليه

​