ســـــــــــلام الله عليـــــــكم
واش راكم يا جمـــــأعة و الله توحشــــتكم بزاااااااااااااف
و توحشت القعدة و القصرة في هاد القسم
عندي بزاف ماكتبتش موضوع علابالكم بيـــا و تعرفوني فنيــــــــانة :shiny:
و اليوم واحد الموضوع كلالي راسي و دوخني و جابني في الارض و اللي هو
الجيل الجديد
عندنا انسان في الدار عفوااااا
عفريـــــت
وليـــــد خالــــي عبد الرحمـــــان
كي تحكي معاه راسك يحبس مايخليلكش الدالة و راه مولا 3 سنين و نص
بون نحكيلكم على مغامراتو معانا و طوايشو و لسانو اللي كون يلحق عليك يحشلك راسك
نبداكم في الشتوية يا دلالـــــــــي في جانفي البرد و الهوا و الثلج و العواصف و ماماه هاداك وين جات من الحمام أسيـــــيدي غداتو و غسلت الماعن و سيقت ديـــــارها و زادت خرجت للبالكون تنشر في القش أسيــــيدي و هو ماما خليني نخرج برا و يعيط
ماحبتش تخليــــه
واش يدير؟؟
يسكر عليها الباب و يخليها تتجمد في البالكون و هي تبكي في هاداك البرد يا الخاوة :cra_zy:
و هو يقوللها باش ماتزيديش تقوليلي ماتخرجش_o: ماهانــــــــي نخرج
حتى طلبت المساعدة من عند الجيــــران بعد جهد جهيــــد و بعد عناء كبيـــــر من محاولاتها
ma3lich darteha ana taaaaaaaaani mais kan 3andi 2ans bark
و خرجت ضرباتو أاأأأأأو لازم فيـــها فيــــها تهديد كي يجي بابا يقتلك و يطيشك في الزبالة
بون واحد النهار تاني قاعد جا عندنا [يجي غير ينحي على خاطرو باللــعب]
باباه قاعد يشايخ و هو سرقلو المفتاح تاع الطوموبيـــل مافقناش حتى نسمعو في الطوموبيـــل راح تديماري
مانعرف نغير منو ولا من فياقتو؟؟؟؟
بون الايامات هادو جات ماماه و باباه يباركو لخويا كي جاب السيزيام كي كنا نقولولو بكري
مع دخل قال لماما عمتووووو أعطيني التفاح قالتلو ماما ماكانش التفاح كاين العنب و عين بقرة و الخوخ و أنت خيــــــر
قاللها روحي و الله كاين افتحي ليساشي دركك تلقاي أي جابتلكم ماما
أمو تبهدلت :shay:
علابالكم كي يشوف التفاح يولي مايعرفش صلاحو
يولي يحكي معاك بالاشارات
ياو لاكان هدرة بيـــن ماماه و باباه العرش كامل يسمع بيــها اللي يقلقاه يقولو هاو بابا واش قال لماما
و لا اشري حاجة جديدة و الله يفرج عليك أمة محمد و الله يا كون يخرج معاك اللي يتلاقاه يقولو شوف واش شرينا
أنا كي نروح عند بيت جدي و نخرج مانحبش نخرج وحدي لازم ندي وحدة معايا و كي مانلقاش نديـــه هو ساعات ما يحبش
نقولو هيــــــا نروحو باش نتلاقاو وائل
منـــــــيـــــن نديماريو و هو نروحو عند مائل نروحو عند مائل ....
مانعرف يعجبو اسمو مانعرف كيفاه؟ مع العلم أنو ماشافوش و ما يعرفوش بالاك مرة وحدة برك من بعيــــــــد و في الطوموبيـــل
و سيــــــــي و مسو و لا اضربو و لا قولو كشما حاجة ياو يردلك عشرة منها
يدووووووووووووووووووووووووووووووووووخ يحـــــــــــــــــيـــــــــــــــــــــر
و الله هاد الجيل مجلجل و مخو مخلخل و فمو فلفل كي نتفكرو لساني يتسلسل
هيا قولولي
واش رايكم في هاد الجيل و الله على قد ما حيرني و عقدني على قد ما يعجبني في شطارتو و فحلالتو و فياقتو
ولا واش رايكم؟؟؟:re_gards:
كانت معكم princesse wa
من قدام الميــــكرو تاعنا
