حمـــــــــــامـــــاتنـــــا متعــــــــــــــــــددة الخدمــــــــــــــات موضوع شـــــــــوك بلــ

[برنســ اللمة ـيسة]

حمـــــامــــاتنــــا متعــــددة الخدمـات موضوع شــوك بلــوك مع الثنائيprincesse waو sendrine

السلام عليكم و رحمـــــة الله تعالى و بركاته
واش راكم؟ بخير؟؟ أنتيك؟؟؟
الحمد لله​

أيا سيدي حبينا اليوم نشاركوكم بموضوع شباب كومدابيتuد انا وشريكتي

​

البارح قاعدة نحكي مع بنـ ṀąṖą ـت (سوندرين وبدلت اسمها :shiny و راكم تعرفو حكايات البنات علاه :shay:​

المهم نقلتلكم واش حكينا بصح مش بكل التفصيل اخخخ​

princesse wa: سردينة الزينة الحنيـــــــنة واش راكي؟​

مروة: اهلا بيـــك حبيبتي و الله لاباس الحمد لله وفـــــاء استناي دقيقة نروح نرهج حقي تع العشاء لا يطيروهولي...​

princesse wa: قوليلي ساعا واش درتو للعشا؟ سؤالى المعتاد :shiny:​

مروة:درنا الكوكا i-o:​

princesse wa: شنهي شنهي؟ كوكا؟؟:um_sh:تقصدي تعشيتو بهادي؟​

​

مروة: هههههههه خلاك يا المهبولـــة راني نحكي على هادي اللي تتباع في الحمام خخخ​

​

Princess wa:​

​

هههههههههههههههههههههههخخخخخخخخ خخخ​

مروة::um_sh: واش بيك؟؟؟ هادي ضحكاتك؟؟​

princess wa: اسمحيلي مانضحكش على الكوكا نعرفها راني نضحك على (تتباع في الحمـــــام) و تفكرت حمامتنا خخخخ​

مروة: شفتي يا وفاء و الله نورمالمون الحمامات للنظافة برك ماشي للماكلة كيما رانا نشوفواليوم​

وفاء: ولاو سطوندار يخدمو كلشي....وحد النهار من رمضان اللي فات فطرنا و خلصنا و رحنا للحمام حممنا عادي و كي خرجنا من الصال واش لقينا في ميزك؟؟
لقينا وحد المخلوقة مدورة بيها دراري صغار يشربو في القازوز و هي هازة عرااااام تاع محاجب و قاعدة ترهج تقول خرجت من غار الشر و شهيتها مفتوحة على الاخر ههه الغاشي كامل يتفرج​

مروة: ههههههههههه نتيوحدك يا وفاء​

مام حنا في الحمام تشوفي العجب حاطين الطابلات كي تخرجي تحسي روحك في السويقة هادو مواكل...اللباسات تع العجايز...الطاسات و الكياسات ههه....الحلوى...​

وفاء: كاين واحد الحمام قريب لينا بزاف مولاتو تبيع الطواجن اللي يطيبو فيهم الكسرة و تبيع الشخشوخة و التريدة بالكيلو أدلالي و الحلوى و الذبابين دايرة عليها و ماكلة منها حته ههههه​

مروة: خخخخ ماتنسايش التشيشة والماييز ههه​

وفاء: وتاني ولات في التجارة شطارة يجيبو الذهب و البلاك و يعاودو بيهم السوق و ماتحكميش عليهم قادر مسروق قادر مشري بنص سومة ...مانعرف​

مروة: هي صح خبزتهم لقاوها في الحمام بالنسبة مي ماشي لهاديك الدرجة...لوكان نروحو للحمامات تع الخارج والله ماتلقاي عبد يبيع فيه​

وفاء: صح يا مروة غيرمول لاكاس حاط ليشومبوان ومشتقاته يعني حوايج الحمام والقازوز ولا الجu سي تو ني حوايج ني تشيشة ني سيدي زكري...​

اليكم الخط عبرو كيما تحبو على حماماتكم
وماتنساوش تبزgو على هادي i-o: روسنا شابو باش خرجنا الميضوع :shay:​

كنتم مع Princess wa و بنـ ṀąṖą ـت
معالجات ظواهر و قضايا المجتمع الجزائري
:showoff:
تحيآآ’’تنا​

:re_gards:​

 

[نسيم الربيع]

كلشي ممكن فبلادنا........
انا الحمامات منروحلهمش بصح كي ولات هكا نروح كاش نهار نتفرج
مارسي عليكم لبنات​

 

[ماكانش]

ههههههههههههههه
يعطيكم الصحة على الموضوع الباهي
راني ضحكت بزااااااااااف
هذوك عندكم النسا حنا الرجال نخرجو من الحمام نلقاو واحد كحلوش وموستاش ورجليه مقشرين وقد الباب ومشنف ومغطي روحو بمنشفة برك يستنى كاشما واحد يدوموندي كياس يروح يفلعصو هههههههه​

 

[ماكانش]

ملاحظة:
الحمامات مانروحلهمش
بلاك مرة في 6 شهر كي يقلي صاحبي نروحو نديرو تحميمة باهية ...​

 

[meriem150491]

انا الحمامات من كبرت مرحتش ومعندي مندير بيهم



خلي كي نروح كاش نهار ونجي نعلقلك ههههههه
​

 

[الطفلة البريئة]

ههههههههههههه الحمد لله عمري ما رحت للحمام
تاع سطيف و قالمة ما شفتش فيهم هاذ الظاهرة
تبانو تروحو لبيتزيريا ماشي حمام هههههه
@m!m^^​

 

[المتفائلة_91]

هههههههه تاع الصح متعدد الخدمات ،،،
انا رحت للحمام مرة وحدة في عرس بنت عمي ، (ومالي الدار عياو مشنفين) هههههه
المهم ماشفت والو من اللي تحكو عليه ، كاين غير حوايج الحمام والقازوز ،،،
ايا العباد مساكن مالقاو خبزتهم في في الحمام ، ربي يفتح عليهم ،،،

يعطيكم الصحة
​

 

[برنســ اللمة ـيسة]

جمـــــــــاعة انا نروح درك
جاني أمر طارئ
هههه
لازم نخرج و كي نجي راني نردلـــــــكـــــــم
فردا فردا​

 

[sahiko hamza]

ههههههههههههههه
وانتوما تروحو تتحمو ولا تروحو ترهجو ههههههههههههه
​

 

[برنســ اللمة ـيسة]

كلشي ممكن فبلادنا........

انا الحمامات منروحلهمش بصح كي ولات هكا نروح كاش نهار نتفرج

مارسي عليكم لبنات​

أرواحي عندنا
علابالي الظاهرة هادي ماتلقايهاش في أي بلاصة
و لا روحي عند بيت سوندرين في خميس مليانة هههه:sheer:​

 

[برنســ اللمة ـيسة]

ههههههههههههههه

يعطيكم الصحة على الموضوع الباهي
راني ضحكت بزااااااااااف

هذوك عندكم النسا حنا الرجال نخرجو من الحمام نلقاو واحد كحلوش وموستاش ورجليه مقشرين وقد الباب ومشنف ومغطي روحو بمنشفة برك يستنى كاشما واحد يدوموندي كياس يروح يفلعصو هههههههه​

الله يسلمك
و بشويا على صحتك من الضحك بزاف اخخخخ
ماتقدرش تفوتلي هدا الكحلوش؟؟:shiny:
ههههه
ايـــــــه فكرتني مام عندنا كاينة كياسة باش ماتفوخش علينا
:sheer::sheer::sheer:​

 

[برنســ اللمة ـيسة]

انا الحمامات من كبرت مرحتش ومعندي مندير بيهم ​

خلي كي نروح كاش نهار ونجي نعلقلك ههههههه ​

أبابااااااااا
مالا نستناوك منا على 10 سنين كي تروحي رديلنا بالخبر
مرسي خيتو نورتي
​

ههههههههههههه الحمد لله عمري ما رحت للحمام

تاع سطيف و قالمة ما شفتش فيهم هاذ الظاهرة
تبانو تروحو لبيتزيريا ماشي حمام هههههه

@m!m^^
​

​

ايــــــــــــــه واش جات الشوك لحب الملوك
مام حنا عندنا حمامات طبيعية 100ب100
و مافيهمش الظاهرة هادي
هادو اللي نحكيو عليهم حمامات ساااامبل
أرواحي عندنا تشوفي العجب و نسلكلك محجوبة من اللي كلاتها المرا هادي :sheer::sheer:​

 

[برنســ اللمة ـيسة]

هههههههه تاع الصح متعدد الخدمات ،،،

انا رحت للحمام مرة وحدة في عرس بنت عمي ، (ومالي الدار عياو مشنفين) هههههه
المهم ماشفت والو من اللي تحكو عليه ، كاين غير حوايج الحمام والقازوز ،،،
ايا العباد مساكن مالقاو خبزتهم في في الحمام ، ربي يفتح عليهم ،،،​

يعطيكم الصحة​

الله يسلمك خيتو نورتينا باطلالتك :shiny:
و زيدي درك اضربي طلة على الحمام تلقايه تطور:sheer:​

 

[إيمان قلب]

ههههههه شابة هذه مام عندنا هنا كاينة بالصح ماشافتش العين الناس تحكي
بالصح كي حكيتي هاك غير خليها عين لاشافت قلب لايوجع
عمري مارحت للحمام وبربي عمري مانروحلو
يعطيكم الصحة بنات​

 

[الطفلة البريئة]

ايــــــــــــــه واش جات الشوك لحب الملوك
مام حنا عندنا حمامات طبيعية 100ب100
و مافيهمش الظاهرة هادي
هادو اللي نحكيو عليهم حمامات ساااامبل

أرواحي عندنا تشوفي العجب و نسلكلك محجوبة من اللي كلاتها المرا هادي :sheer::sheer:​

ايه نجيك قوليلي برك وينك تلقايني عندك ههههههههههه بصح ما نروحوش للحمام :shiny:
و ما بغيتش محجوبة بغيت البيتزا تاع البارح i-o:​

 

[بنـ MaPa ـت]

ياااا خرج الميضوع؟؟؟

غدوة نشالله رانا نردو عليكم نروحو نشخرو دوك

تصبحو بخير
​

 

[N@riM@N]

وعليكم السلاام انا منروحش للحمام نخاف منو لنجيف ههههههه
سمانه لي فاتت راحت ماما
جاتني مسلعه نقلها نتي دوك رحتي للمارشي ولا تتحمي تقلي في زوج اروحي تشوفي واش جبت يازح كلش تجيبو
اخرها جابتلي سندالا مجاتش قدي قتلها ارجعي لحمام رجعيهالها يالاله هههههه
والله عجب عايشين فيه بصح حتا عند رجال عندهم هاد لعفسه يبيعو لي بيسات تاع الطونوبيلاات متقوليش غير حنا برك هههههه
ايا يعطيكم الصحه ع الميضوع تستاهلو تقيم لزوج بصح سندرين قالولي سمعات بببببف

 

[Houda Chaouienne DZ]

انا مانروحش للحمامات
شفيت مرة كي كنت صغيرة رحت مع نانا
شرات حاجة ماشفيتش واشي هي
واقيلة حاجة تاع فضة

ربي يهدي ما خلق
مارسي ع الموضع يا زينونات
مروة و وفاء
​

 

[07 _H@yThm]

بصح حتا عند رجال عندهم هاد لعفسه يبيعو لي بيسات تاع الطونوبيلاات متقوليش غير حنا برك هههههه

هههههههههههههه
هههههههههههههههههههه
هههههههههههههههه
ياجدك قتلتيني ضحك
مــــــــــــارسي ع الموضوع:re_gards:
​

 

[لاجودان شاف]

ههههههههههههههه

يعطيكم الصحة على الموضوع الباهي
راني ضحكت بزااااااااااف

هذوك عندكم النسا حنا الرجال نخرجو من الحمام نلقاو واحد كحلوش وموستاش ورجليه مقشرين وقد الباب ومشنف ومغطي روحو بمنشفة برك يستنى كاشما واحد يدوموندي كياس يروح يفلعصو هههههههه​

هههههههههههه وداير يشما
ومقلق بزاف يكسرلك عظامك كيعاد المولودية طاحت​