موضوع خاص بالذكور.

[zaho1994]

انا نقلكم كاين ذكور يحسو بالبنت وكاااااااااااااااااااين خرين تقدري تقولي ماعندهمش قلب
ربي يهديهم
رمضان كريم ​

 

[مرام التيبازية]

انا نقلكم كاين ذكور يحسو بالبنت وكاااااااااااااااااااين خرين تقدري تقولي ماعندهمش قلب
ربي يهديهم
رمضان كريم ​

ايه خيتو هادي هيا
وشكرا سلام

 

[lakhdar29]

صح رمضانكم وصح فطوركم

والله غير حرام عليك حنا تاني عندنا قلوب ونحبوا بصح الا سقمتوا رواحكم هههههههههههههههههه​

 

[مرام التيبازية]

هههههههههههههههههه ضحكتني
شكرا لك

 

[hamza42018]

السلام عليكم ورحمة الله تعالى وبركاته.
نتمنى من المشرف او المشرفة تقبل موضوعي ومتحقرونيش راكم توجور تحقروني ههههههههه.
المهم ندخل في الموضوع.
انا راني شايفة حاجة راهي بزاف منتشرة وسورتو في 2011 ولا نوجور مي انا منردش البال بزاف راني نشوف البنات قلبهم بزاف يطيح في الدراري وصح عندهم قلب مي الدراري الكونترار يبانوا معندهمش قلب عايشين اوازار المهم نتمنى تقراو كامل الموضوع سورتو الذكورة باه نسنى اراءكم ونشوفكم وندوا نظرة عليكم شابة ولا شينة.
مع كل احتراماتي
مرام التيبازية(امينة42)
تعرفوا الهبال والعقلية dz
بلا منطول عليكم سلام
اتهلوا في رواحكم

ههههههههههههههاااااااااااااااا
والله ضحكت بزاف يا أختي أمينة أنا كل صباح نحي قلبي و نخبيه في الثلاجة و نخرج لاباس عليا ماعندي حتى مشكل مي إن شاء الله كي نلقى واحدة نحس بلي تستاهلو نخرجو من الثلاجة و نقدمهولها و نوعدها بالوفاء و الإخلاص الأبدي
هههههههههههههه
والله عجبتني هاذيك أوازار وصف هو ......

 

[يوغرطة DZ]

في زوج عندهم القلب كي لبنات كي الدراري مي في الدراري تلقاي ديوبة قليل وين تلقاي واحد يسموه راجل ..شكرا على موضوعك

إيييييييييي الله الله، ما هذا يا بنت؟ :cra_zy: صعيب نلقاو ذوركى بنت فاميليا سيرتو مع جيزي و نجمة و موبايل :cra_zy: ، شاك بنت عندها بورتابل تولي كي الكيس المشبوه :shiny:

 

[يوغرطة DZ]

درك نقلك اختي اسمحيلي بزااااف مي نقلك

من السهل ان يضحي شاب من اجل فتاة ولكن من الصعب ان تجد الفتاة التي تستحق التضحية ...

.... ومرسي ليك على الموضوع تحياتي​

صحيت أخي و ذكرتني بواحد ضحى على واحدى ما تستاهلش حتى تشوف ليها

 

[يوغرطة DZ]

السلام عليكم ورحمة الله تعالى وبركاته.
نتمنى من المشرف او المشرفة تقبل موضوعي ومتحقرونيش راكم توجور تحقروني ههههههههه.
المهم ندخل في الموضوع.
انا راني شايفة حاجة راهي بزاف منتشرة وسورتو في 2011 ولا نوجور مي انا منردش البال بزاف راني نشوف البنات قلبهم بزاف يطيح في الدراري وصح عندهم قلب مي الدراري الكونترار يبانوا معندهمش قلب عايشين اوازار المهم نتمنى تقراو كامل الموضوع سورتو الذكورة باه نسنى اراءكم ونشوفكم وندوا نظرة عليكم شابة ولا شينة.
مع كل احتراماتي
مرام التيبازية(امينة42)
تعرفوا الهبال والعقلية dz
بلا منطول عليكم سلام
اتهلوا في رواحكم

سأجيبك بكل شفافية و بكل صدق و بكل أمانة أولا أنا من النوعية اللي يبان عليه ماعندوش قلب و عايش أوزار و نقول هذا نورمال :shiny:

ثاني شيء: كاين بزاف البنات اللي حبوني و أنا متأكد من هذا مي حرقت قلبهم نورمال سواء في الإعادادية أو الثانوية أو حتى في الجامعة يعني قادرة تقولي انا مجرم تاع النسا نورمال :shiny:

و السؤال و علاه؟

نقولك ببساطة و سأكتب بالفصحى لأني قبائلي لست متعودا على الكتابة بالدرجة : منذ كنت في الإعدادية و بأم عيني عايشت علاقات عاطفية نتائجها كلها سلب في سلب فلم أجد و لا شيء إيجابي، يعني هذه الأشياء لم تقنعني أبدا، و عندما نرى السلبيات أكثر من الإيجابيات يعني الإبتعاد و النفور عن ذلك الشيء.

في الثانوية حاولت العديد من الشابات التعرف علي لكني إخترت مبدأ التهرب منهن، و اضطررت في بعض الأحيان أن أشكل صورة سلبية عن نفسي و هي بأني متكبر، فلم أجد غير هذا الحل، فكنت لا أعطي الفرصة للشابات من اجل التعرف بي.

في الجامعة: الجد: إن وجدت فتاة مع طالب على علاقة عاطفية، فغالبا أن تلك الفتاة تكون جد جادة و نيتها الزواج. و أنا لست مؤهلا لهذا فأنا غارق فلماذا أغرق نفسي أكثر من هذا

حتى هذا اليوم أرفض أن أكون على علاقة عاطفية مع أي بنت، لماذا؟

السبب هو ليس لأني لا أريد، بل أريد لكن لا أستطيع، فأنا كذلك توجد بعض الفتيات كنت ربما لتزوجت بهن لو كنا في بلد لا توجد فيه بطالة، أزمة سكن، و صعوبة امتلاك ما هو ضروري...الخ

إذن: الأمر أكبر من أن يكون بأني لا أملك قلبا مع الفتيات اللواتي أعرف بأنهن ربما يكرهن تذكري، أو مقابلتي، فأنا منذ كنت في الإعدادية أرى الأمر عبارة عن تمسخير و الزمان هذا اليوم يثبت لي ذلك، لا يوجد شخصان شاب و شابة تعرفى منذ الإعدادية و واصلا إلى مرحلة الزواج بسبب بسيط هو أنهما ينتميان إلى صنف الإنس، و شخصية الإنس في تطور مستمر، فليس الشاب الذي كان في سن 15 هو ذلك الشاب في سن 20 أو ذلك الشاب في 25 أو 30، لأن ظروف حياتهما تعلمهما بإستمرار الجديد و هو ما يجعله إنسانا آخر.

السؤال: هل سيأتي اليوم الذي سأتعرف عليه على شابة من أجل الزواج؟
الجواب : أكيد
السؤال متى؟
الجواب: عندما أكون أهلا للزواج، فغير هذا يعتبر تقليدا أعمى لما هو مناف لمبادئنا الإسلامية و الأسرية، فلماذا أعد فتاة بالزواج و أنا لست قادرا عليه، لماذا أعمل عداوة مع فتاة أو مشكلة مع فتاة لنفسي، لماذا أضع نفسي في ضغط مستمر، فأنا لست عرافا أعرف ما يخبئه لي القدرو فوق كل هذا لن أتزوج إلى في ذلك اليوم الذي يشاء فيه الرحمن ذلك، و مع من يشاء هو. أتمنى أن أكون قد أفدتك :re_gards:

 

[ibrahim11]

راكي غالطة الاخت مرام كل انسان عندو قلب يتحسس بيه الطرف الاخر لكن كاين بعض الشباب كيما كاين بعض لبنات معندهمش احساس ( لي معندوش قلب يموت سمين)

 

[اسماء16]

....
<<<< الســـــــــــلام عليكم >>>>
.........
على حسااااااااب مافهمت ..... لبنات عندهم قلب يحب و الدراري لالا
....
بالاكــــ ايه و بالاكـــ لا لا ..... ما تقدريش تعرفي ياكـــ
.....
مي نقولكـــ الصح لبنات ولاو بزااااااااااااااااااف .... بالملايير
...
منا و القدام .... يغزو العالم
...
المهمــــــــ .... الرجااااااال راح اوليو معدن ثمين
....
يحب وااااااااش يحب ... الطفلة الي يحب .... يلبس و يبدل
:shay:
ميـــــرسي على الموضوع
i-o:​

يا عبدو خويا مقستهاش كااااامل هكدا ملا راح نوليوو سلعة رخيسة منا ولقدام ونتوما توليو معدن تمين مليح هدي
غدوة تشوف لالاك واش تدي اشفا عليها
​

 

[مرام التيبازية]

سلام
شكرا لكم جميعا على الردود
تحياتي

 

[بلد المليون]

أخلونــــــــــــــــي
تعمر قلبي هم زماني راه رشاني عييت أنا نخبي أيي دخلني منيش هاني
هههه
خلونـــــــــــــــــــــا
من الحب تعيشوا
وزيد نقلك عمرك 14 حنونتي متحطيش في بالك هدوا لحوايج احنا جربنا وعشنا وشفنا مراحش الحال على هدوا لحوايج
أوك
بلا ما تزعفي مني باسكو مجربة مرسي حنونة​

 

[مرام التيبازية]

سلام
شكرا لكم جميعا

 

[merouane87]

مكنش منها الهدرة هادي,, هادي مش طريقة للحوار يا الاخت

انتي راكي تقولي الذكور ومش قاع الذكور ,, كاين ذكور يحسو وناس ملاح وكاين ذكور ما عندهمش قلب

كيما الاناث بصح الحاجة هاذي موجودة في الإناث اكثر يا الأخت,, البنت ما تحسش بالشاب لي يحبها الا نادرا بصح الشاب يحس بالبنت لي تحبه ولو كان يحب وحدة اخرى وهاذي هدرة يقولهالك شاب.

المرة الجاية اعرفي كيفاه تصيغي الموضوع بارك الله فيك.

عندك الحق اخي والله عطيتلها رد لي كان يدور ف بالي
:re_gards:

 

[NABILMAN]

لي يطيح غير طفرها قي روحو.لان الحب هو عبار عن عذاب
​

 

[مرام التيبازية]

سلام
انا مجرد موضوع طرحتوا ماشي كي طرحتوا قاصدته عليا كنت باغية نشوف التفاعل والردود تع الاعضاء هدا ماكان
سلام ومرسي عليكم