صحبتي خلعتني واش بيها

[DARINE05]

الله لا يفرحها بذرية صالحة بخصت بروحها بلاك خافت لا تغير وكشما ديريلها قولها روحي بعيد الحمد الله كي بانت على الحقيقة تاعها ام غير الجبال لي ميتلقاوش والله دور ليام وتتقابلو ورديهالها مديري والو في بالك

 

[ماكانش]

ذرك تزوج وتبرد وتعرف وش دارت

هالذيك الساعة تجيك تكسكس تطلب منك السماح
ربي يفرج عليك ختي لعزيزة ويفرج على جميع خواتاتنا ونساء المسلمين
وبربي ان شاء الله اذا منسانيش الشيطان نطلب من ربي في صلاتي يفرج عليك ويرزقك الزوج الصالح الذي تقر به عينك وعندي صاحبي امام نقولو في التراويح يدعيلك
ربي يوفقك وربي يفتحلك بيبان الخير وربي يعوضك الخير الكثير اللهم امين اللهم امين اللهم امين​

صار هكذا تدعيو بلوجوه
انا نعرفك عندي 10 سنين جامي دعيتلي ههههههههه

 

[N@riM@N]

بـــــلااك محبتش تقلك خافاتك كشما تجرحك ولا حاجا

​

 

[روعة انثى]

ذرك تزوج وتبرد وتعرف وش دارت

هالذيك الساعة تجيك تكسكس تطلب منك السماح
ربي يفرج عليك ختي لعزيزة ويفرج على جميع خواتاتنا ونساء المسلمين
وبربي ان شاء الله اذا منسانيش الشيطان نطلب من ربي في صلاتي يفرج عليك ويرزقك الزوج الصالح الذي تقر به عينك وعندي صاحبي امام نقولو في التراويح يدعيلك
ربي يوفقك وربي يفتحلك بيبان الخير وربي يعوضك الخير الكثير اللهم امين اللهم امين اللهم امين​

ربي يخليك و يعزك انت راجل وليد راجل ربي يعطيك ما تتمنا ادعيلي وقول للامام صاحبك يدعيلي فالتراويح و الله لفرحت من قلبي كي قريت واش كتبت ربي يهنيك و يبارك و يكثر من امثالك

 

[ماكانش]

ماديريش عليهم الناس هذو ياختي
زعما تبالها راح تغيري وكاشما تسحريها
عقلية وتفكير خاسر
ما يقرأ السفيه الا مافيه
والزواج مكاتيب ومازلتي صغير ربي بارك ماكبرتيش بزااااااف
بربي ان شاء الله يجيك الراجل ومكتوبك
أدعي ربي سبحانو واتضرعيلو وقولي ربي مسني الضر وأنت ارحم الراحمين ...

 

[مسلمة وافتخر باسلامى]

متضيقيش خاطرك ختى لعزيزة هادى طفلة الحمد لله اللى عرفتيها على حقيقتها
والرزق على ربى سبحانو والمؤمن دايما مبتلى
انتى ديرى الخير وربى يعطيك على قد نيتك

 

[برائة انسانة]

اها انتي يا ختي العزيزة ماتحطي حتي حاجة في بالك وماتقلقيش روحك على عبد مايسحقش باه نقلق روحي عليه صراحة اللي مايحطنيش في الحساب مانقيموش ومانديروش انا تاني في حسابي
وكل واحد في الدنيا هادي يخدم بصيلوووووووووووووووو
هي مانعرف واش كانت نيتها من هاد الحاجة
وانتي يعني واش رايحة ديريلها بالعكس
زوج حوايج في الدنيا هادي الزواج والموت هومة مكاتيب ربي
واكيد انتي رايحة تتمانيلها الخير وربي يهنيها مع راجلها
وماتقيميش اللي مايقيمكش هادي هي

 

[═♥.ЈŪšť_ màn.♥═]

♥.......♥
هاااااااديك مهبولة ما ديريش عليها
..
و انت ان شااااااء الله ربي يفتح عليك و تلقاي الي يضمك ان شاااااااء الله
ههههه
​

 

[fufa22]

ربي يسهل على كل مؤمن
​

 

[روعة انثى]

ماديريش عليهم الناس هذو ياختي
زعما تبالها راح تغيري وكاشما تسحريها
عقلية وتفكير خاسر
ما يقرأ السفيه الا مافيه
والزواج مكاتيب ومازلتي صغير ربي بارك ماكبرتيش بزااااااف
بربي ان شاء الله يجيك الراجل ومكتوبك
أدعي ربي سبحانو واتضرعيلو وقولي ربي مسني الضر وأنت ارحم الراحمين ...

و الله لحسيت كي شغل سكارا فيا و استشفات فيا حسيتها رقصت على جرحي و هي تضحك يا ربي يفرج عليا عاجلا غير اجل و الدعاء اللي قولتولي شباب تاع الصح ربي مسني الضر و انت ارحم الراحمين رايحة ندعي بيه بزاف في رمضان هاد العام زيد ادعيلي انت لخاطر الدعوة بظهر الغيب مستجابة

 

[روعة انثى]

صباح الخير على شباب و شبات اللمة بغيت نقولكم اليوم دخلت للخدمة بعدما درت كونجي ملادي يومين يعني نهار دخلت هي درت انا كونجي ملادي و خرجت خليتلها الوقت باش تحكي على عرسها وواش دارت ما قدرتش و الله قلبي درني الله يهنيها بصح مشي هي تفرح و الناس تحرقهم حتى يولوا يشكوا في رواحهم .
المهم كي دخلت سلمت عليها و باركت لها و سبحان الله كامل اللي يخدمو معايا عند بالهم صح كونت مريضة الكل شقا ليا و سقساني كي راني و ايلا ريحت و الله لفرحت و حسيت روحي غالية و عزيزة بزاف و هي نسيتها كامل لخاطر حكمت كوان و سكتت كلي دايرة حاجة و انا ما هدرت معاها ما وجهتلها كلام و هي ما هدرت ما قالت والو و كانت مرة على مرة تحط راسها على البيرو ما على باليش واش بيها عيانة و لا نعسانة و لا ما علاباليش المهم انا من قبل كنت نسقسيها واش بيها و نحكم عليها خدمتها باش تقدر تخرج بصح دروك مشي حقد و الله ما قدرت نهدر معاها و لا نسقسيها و لا همتني واش بيها بالرغم انها في قلبي غاضتني لخاطر حسيتها حابة تهدر معايا و حاسة روحها برانية مي انا فوتها نورمال .
و كيما قال خويا فقير صغير تزوجت و بردت و فهمت واش دارت .
مازلت نستنا فيكم شباب و شابات اللمة تدعولي ربي يرزقني الزوج الصالح عاجلا غيراجل يا رب خاصة في هدا الشهر الكريم و الدعوة بظهر الغيب مستجابة سورتو اللي عندو و لا عندها جداها الله يبارك تعرف تدعي و لا رايحة للعمرة ربي يخليكم .

 

[اميرة دوت كوم]

واش تحبي نقلك حنونتي............ربي يهدي وي جيب الخير هدا ماكان

 

[l'espoire.h]

ربي يجيب الخير ان شاء الله و يفتح عليك بيبان الخير الواسعة يا ربي، و ما ديري حتى حاجة في بالك ، و نسيها، ربي يفرج عليك و يفرحك حبيبتي

 

[hannsg]

الصداقة في وقتنا نادرة
على كل حال اختي صح الجاست هذا يغيض لكن حاولي ما تقلقيش روحك بيها
و ربي يرزقك بولد حلال ان شاء الله و تعيشي هانية معاه
سلام اختي

 

[JAWHARA25]

نورمال ختي ,هدا العباد لي هكا ماتعمريش راسك بيهم , سراتلي زيك , كنا ٤ صحابات تاع صح نتقاصمو كلشي مع بعضانا كيما يقولو علالحلوة والمرة كي خلص العام الدراسي . وجاء الصيف ,تلمينا ورحنا نسقسيو على وحدة فينا لقيناها زوجت وراحت للخارج ..... خافت نروحو معاها بلاك هههههههه. راسك يحبس ...اسمحيلي طولت عليك ... ربي يرزقك بوليد لحلال ... وتفرحي وعرضينا ههههه نتمسخر برك.

 

[روعة انثى]

نورمال ختي ,هدا العباد لي هكا ماتعمريش راسك بيهم , سراتلي زيك , كنا ٤ صحابات تاع صح نتقاصمو كلشي مع بعضانا كيما يقولو علالحلوة والمرة كي خلص العام الدراسي . وجاء الصيف ,تلمينا ورحنا نسقسيو على وحدة فينا لقيناها زوجت وراحت للخارج ..... خافت نروحو معاها بلاك هههههههه. راسك يحبس ...اسمحيلي طولت عليك ... ربي يرزقك بوليد لحلال ... وتفرحي وعرضينا ههههه نتمسخر برك.

ربي يهنيك يا عمري و يهنيني و الله لفرحت كي حكيتيلي قصتك مع صحبتك ونستيني ربي يخليك

 

[iméne09]

تاع الصح تنخلعي سيرتو كي تكوني دارها حبيبتك دير جاست كيما هدا تتكوداي تحيري فيهم كيفاش يخممو سير خافت منك تسحريها ولا تغيري منها مي وكلي عليها ربي ماعندها ماتربح ادا كانت صحبة هكدا ينعل بوها كيما يقول لمتل لي يحبك رماح يبنيلك قصر ولي يكرهك مراح يبنيلك قبر تزيدها في عمرهاعرضة ياخي عقلية خليك منها لي ماهو ليك غير يعييك ياك يبقاو غير وجوه​

 

[روعة انثى]

ربي يجيب الخير ان شاء الله و يفتح عليك بيبان الخير الواسعة يا ربي، و ما ديري حتى حاجة في بالك ، و نسيها، ربي يفرج عليك و يفرحك حبيبتي

الله يسلمك يا عمري ربي يخليك

 

[روعة انثى]

تاع الصح تنخلعي سيرتو كي تكوني دارها حبيبتك دير جاست كيما هدا تتكوداي تحيري فيهم كيفاش يخممو سير خافت منك تسحريها ولا تغيري منها مي وكلي عليها ربي ماعندها ماتربح ادا كانت صحبة هكدا ينعل بوها كيما يقول لمتل لي يحبك رماح يبنيلك قصر ولي يكرهك مراح يبنيلك قبر تزيدها في عمرهاعرضة ياخي عقلية خليك منها لي ماهو ليك غير يعييك ياك يبقاو غير وجوه​

يبقى غير العيب راسي حبس شكيت في روحي و لا كاشما سمعت عليا بصح الحمدلله انا سمعتي كيما اللويز و كاملين فالخدمة يبغوني و يحترموني و الله الحب نشوفو في عينيهم الحمدلله اللي بانت على حقيقتها و صحيتي اختي على ردك يا عمري ربي يهنيك

 

[MA§§!N!§§A]

إن شاء الله ربي يفتح عليك و تزوجي ولد الحلال

أنا يبالي بلي خافتك لا تخطفيهولها ولا إدا يشوفك معاها يبدل رايو
و منعرف الحوايج تاع النسا هادوما صعاب شوية
​