ضيفتنا الخامسة في كوزينة جزائرية

[nada242008]

ام نسنوسة راكي موجدة روحك مليح اليوم ههه على هذيك رايحة نتهلى فيك:showoff:
كم عمر ايناس ومن سماها
كم هو فرق السن بينك وبين زوجك
وين راكي واصلة في الحمل
هل اتعبك الوحم وعلاواش توحمتي
ما هو اطرف موقف صرالك في فترة الحمل
ماهي اخر هدية حصلتي عليها
وماهو اخر ميساج وصلم وممن
نروحو للمطبخ
هل طيبتي حاجة مالحة ياسر في يوم من الايام
وواش هي ردة فعل زوجك
هل يبدي اعجابه بطبخك ام يكتفي بلحس الصحن هههه//اعتذر عن الفصحى المعوجة
اذا لم يعجبه ماذا يتصرف
هل تشعرين بالوحدة مع اني لا اظن //تظلي تشايخي مع جاراتك
كم كان سنك حين تزوجتي وهل ندمتي على الزواج المبكر
ماهو حلمك الذي لم تحققيه بعد

نزيد شوية ونرجعلك :showoff:

 

[imane27]

مساء الخير ام ايناس واش راكى اهلا بيك فالكرسي
كم تستغرقين الوقت فالمطبخ؟
هل تحبين العمل ام الجلوس فالبيت؟
كى تروحى فاكونس داركم وطولى شكون ليطيب لراجلك؟
ماهي اكلة المفظلة عند زوجك ويحب تطبخهالو ؟
وسلامى الحار وصح فطورك

 

[ام ايناس]

ام نسنوسة راكي موجدة روحك مليح اليوم ههه على هذيك رايحة نتهلى فيك:showoff:
اليوم راني موجدة روحي كليت بزاف البارح الحلو ورقدت مليح ههههه
كم عمر ايناس ومن سماها
عمرها عام وتسعة اشهر وانا لي سميتها
كم هو فرق السن بينك وبين زوجك
5 سنين
وين راكي واصلة في الحمل
راني قريب 3 شهر
هل اتعبك الوحم وعلاواش توحمتي
هادي المرة لاباس توحمت على شخشوخة الظفر اممممم البارح قتلتيني بيها
ما هو اطرف موقف صرالك في فترة الحمل
رقدت خطرة على 6 تاع العشية
ماهي اخر هدية حصلتي عليها
الورد
وماهو اخر ميساج وصلم وممن
تاع موبيليس
نروحو للمطبخ
راني معاك
هل طيبتي حاجة مالحة ياسر في يوم من الايام
طيبت طاجين الخوخ المرقة جات تقتل مالملح
وواش هي ردة فعل زوجك
كلا شوية وقالي شبعت هههههه
هل يبدي اعجابه بطبخك ام يكتفي بلحس الصحن هههه//اعتذر عن الفصحى المعوجة
حساب الميزاج تاعو
اذا لم يعجبه ماذا يتصرف
يقولي شبعت
هل تشعرين بالوحدة مع اني لا اظن //تظلي تشايخي مع جاراتك
كم كان سنك حين تزوجتي وهل ندمتي على الزواج المبكر
ماهو حلمك الذي لم تحققيه بعد
معاكم في النهار وفي الليل مع جاراتي والله راني مونسة تاع الصح
كان عمري 21 كي زوجت لالا ما ندمتش
راني حابة نتعلم الخياطة انشا الله

نزيد شوية ونرجعلك :showoff:
انشا الله

 

[زهرة الجنوب9]

السلام عليكم واش راكي ام ايناس هل انت عصبية صح فطورك

 

[ام ايناس]

مساء الخير ام ايناس واش راكى اهلا بيك فالكرسي
وبيك حبيبتي ايمان منورة انتي والكتكوتة لي في الصورة
كم تستغرقين الوقت فالمطبخ؟
حسب كل اكلة يعني قريب 3 سوايع
هل تحبين العمل ام الجلوس فالبيت؟
نحب القعدة في البيت
كى تروحى فاكونس داركم وطولى شكون ليطيب لراجلك؟
ياكل برا ولا يطيب وحدو
ماهي اكلة المفظلة عند زوجك ويحب تطبخهالو ؟
الكباب يحبو بزاف
وسلامى الحار وصح فطورك

الف شكر نورتي حبيبتي

 

[ام ايناس]

السلام عليكم واش راكي ام ايناس هل انت عصبية صح فطورك

وعليكم السلام حبيبتي زهرة الجنوب ماشي بزاف انا في طبعي هادئة ونرد لقلبي نورتي وصح فطورك

 

[ام ايناس]

راني رايحة نصلي ونقرا شوية قران ونرجع ليكم بااااي

 

[faloussa]

سلام ام ايناس راني رجعت وجبتلك شوية اسئلة :sheer:
ان شاء الله يكونو خفاف عليك :shay:
من اي ولاية انت ... ؟

واش هي اللاكلة الي يحبها زوجك وانت تكرهي تطيبيها ... ؟

واش هى الاكلة انتى تحبيها وزوجك ما يحبهاش ... ؟

ماهى الحلوى او القاطو الى حابة تجربيه ما زلتى ما جربتيهش ... ؟


-كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟

ماهي العبرة التى اخذتيها من الحياة ... ؟
​

وصحا فطورك حبيبتى بيزوووو ​

 

[أم دودو]

أهلا بيك أم إيناس معانا
اليوم دالتك هههههه
هيا نبدو بسم الله
- كي يجيك صحن تاع ماكلة من واحدة من جيرانك أو معاريفك تاكلي نورمال و إلا تاكلي تاع ناس معينة يعني ما تحبيش تاكلي تاع الناس الكل ؟
- كي تعجبك وصفة شفتيها عند كاش واحدة تتجرئي تطلبي الطريقة و إلا تحشمي ؟
- بما إنك حريرتك عجبت كل اللي كلاها عندك أعطينا طريقتك في طيابها
و صح فطورك
​

 

[ام ايناس]

سلام ام ايناس راني رجعت وجبتلك شوية اسئلة :sheer:
ان شاء الله يكونو خفاف عليك :shay:
مرحبا بيك والله من عندكم كل حاجة خفيفة على القلب
من اي ولاية انت ... ؟
انا من ولاية تيسمسيلت وسكني الاصلي بتلمسان

واش هي اللاكلة الي يحبها زوجك وانت تكرهي تطيبيها ... ؟
الدوارة

واش هى الاكلة انتى تحبيها وزوجك ما يحبهاش ... ؟
الحريرة

ماهى الحلوى او القاطو الى حابة تجربيه ما زلتى ما جربتيهش ... ؟
حلوى النيسلي


-كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى
اننا نتلاقاو كامل في دار وحدة

الأمنية اللي تتمناها ... ؟
نشوفكم

ماهي العبرة التى اخذتيها من الحياة ... ؟
انك ما تفقديش الامل من حاجة حابة ديريها وصلحتلكش
​

وصحا فطورك حبيبتى بيزوووو
الله يسلمك حبيبتي وبيزووو وصح فطورك انتي تاني
​

 

[ام ايناس]

أهلا بيك أم إيناس معانا
اليوم دالتك هههههه
وبيك حبيبتي ام دودو
هيا نبدو بسم الله
بسم الله
- كي يجيك صحن تاع ماكلة من واحدة من جيرانك أو معاريفك تاكلي نورمال و إلا تاكلي تاع ناس معينة يعني ما تحبيش تاكلي تاع الناس الكل ؟
بكل صراحة انا عندي 3 جيران ديما نتبادلو الماكلة وناكل ماكلتهم
- كي تعجبك وصفة شفتيها عند كاش واحدة تتجرئي تطلبي الطريقة و إلا تحشمي ؟
من عند بعض ماشي قاع الناس نحشم
- بما إنك حريرتك عجبت كل اللي كلاها عندك أعطينا طريقتك في طيابها
انشا الله في اقرب وقت
و صح فطورك

الله يسلمك حبيبتي وانتي كدلك
​

 

[أم فاروق]

مساء الخير ام انوسة اولا نقلك صحة رمضانك وربي يقدرك عالصيام وعالحمل انشاء الله ويرزقك وليد بار بيك وبوالده
شحال تعجيبيني رزينة وعاقلة ماشاء الله
سؤالي
وش رايك في قالمة وشي اكثر مكان تحبي تروحيلوا في قالمة
كيفاش ديري كون جيتي تعيشي وحدك مع زوجك وماعندك لاجار واهلك بعاد وماتعرفي حتى واحد
ماهي الاوقات الي تقراي فيهم القرآن
شحال بقيتي حملتي بإيناس ربي يخليهالك
اكتفي بهذه الاسئلة بصح نرجع نشاء الله ربي يخليكي

 

[ام ايناس]

مساء الخير ام انوسة اولا نقلك صحة رمضانك وربي يقدرك عالصيام وعالحمل انشاء الله ويرزقك وليد بار بيك وبوالده

امساء الانوار حبيبتي والله يسلمك انشاء الله يرزقني ويرزق الجميع يارب
شحال تعجيبيني رزينة وعاقلة ماشاء الله
الله يسلمك
سؤالي
وش رايك في قالمة وشي اكثر مكان تحبي تروحيلوا في قالمة
قالمة ما عندي ما نقول فيها نحب نتمشى في البولفار لعشية ونحب تاني الحمامات لي فيها روووعة
كيفاش ديري كون جيتي تعيشي وحدك مع زوجك وماعندك لاجار واهلك بعاد وماتعرفي حتى واحد
الحال صعيب بزاف نقعد نبكي كي نتفكر بلي راني وحدي
ماهي الاوقات الي تقراي فيهم القرآن
مور صلاة الصبح والظهر
شحال بقيتي حملتي بإيناس ربي يخليهالك
7 اشهر
اكتفي بهذه الاسئلة بصح نرجع نشاء الله ربي يخليكي
الف شكر حبيبتي في انتظارك

 

[روز]

رحت وجيت لقيت الاسئلة كملت الله يبارك

أسئلتي..

وش حابة يكون المولود بنت ولا ولد وماتقوليش لي جابها ربي هاذيك معروفة^^ احكينا على الرغبة نتاعك

احكينا على احساسك والموقف نتاعك ونتاع اهلك وزوجك كي وليتي حامل للمرة الاولى

وش راكي متمنية يكونو اولادك كي يكبرو

وش الصفة الي مش عاجباتك في شخصيتك وحابة تبدليها

لو اعطاوك الاشراف اي منتدى تحبي تشرفي عليه عدا منتدى الطبخ طبعا...

شكون العضوات الاقرب ليك في المنتدى وحابة تتعمق علاقتك بيهم طبعا ماتقوليش كلهم اختاري ههه

كمليهم وراجعة

 

[إشراقة حب]

السلام عليكم ورحمة الله تعالى وبركاته

مرحبا بك الأخت ام ايناس نتمنى تكوني بخير وبنتك بخير فالحقيقة دخلت باه نقرعج مكونتش معولة نسأل وعدت نفسي مانزيد نقلق حت واحد بأسئلتي لكن فتحتي شهيتي للأسئلة وشفتك انسانة طيبة الله يبارك
المهم نبداو

صلي على النبيى *صلى الله عليه وسلم *
1 -عندما تزوجتي كنت متمرنة ملييح على الطبخ ولا شوية شوية ؟
2- أول مرة طبخت بعد زواجك واش طبختي ؟ كيف كانت الطبخة ؟ واش تعليق زوجك عليها ؟
3- في أول زواجك واجهتك بعض الصعاب في شغل البيت وانت ساكنة وحدك ؟ ماهي ؟
4-عادة كم من طبق تطبخين في رمضان ؟
5- انت بدينة ام نحيلة ؟ وهل يشتكي زوجك من وزنك ؟ اااه كيما تعرفي ليزالجيريا ولاو يحبوا لي دايرا لاطاي فين خخخخخخخ
6- انا عندي بعض المشكلات كي نود نطيب ..نخاف من الملح . واحيانا نغلط في طريقة الطبخ وماتجيش الماكلة مليحة سورتوا في الجواز ...على هذاك تلقايني مدمرة وزعفانة ومحطمة بالبزااف .. واش هي نصيحتك ليا ؟ لأنه حسب نظري لو كنت مانعرفش نطيب ماكلاه نتزوج لأنه الرجل مملكته هي بطنه خخخخخخ
اذا عرفتي طيبي رايح يحبك ويحطك فوق راسو واذا كنت ماتعرفيش وجدي روحك للكلام الزين
7- لما توصل ال 10 ايام الاخيرة نتاع رمضان واش ديري فيهم ؟ تتفرغي للعبادة ولا تلتهاي بالحلوة ؟
8- الان وانت حامل في شهر 3 * ربي يحفظهولك * قادرة تكملي تصومي ولا لا ؟
9- ولادة ايناس هل كانت سهلة أم انها كانت صعبة ؟
10-ماذا تقولين لإشراقة الحساسة جداااا والخوافة والمرتبكة ..خاصة فيما يخص الكوزينة ..وسورتوا كي يجوك ضياااف كارثة ؟ خخخخ
11- واش طيبتي اليوم ؟

اشكرك اختي ايناس على قبولك الاستضافة وانك تكوني معانا هنا وتنورينا
صح انا مانعرفكش لكن حسيت روحي حبيتك بسرعة
صح لأنك طيبة وحنونة ...ليست مجاملة لكن والله هي الحقيقة
دخلتي قلبي مباشرة لأنك طيبة بزاااف ولأن قلبي مافيهش حراس خخخخخ

اتهلاي مليييح مليييح ملييييح في روحك وزوجك وبنتك وربي يعطيك وقفة ساهلة
وربي يرزقك باللي تتمناي ويرزقك بالذرية الصالحة

حنونة انا راه عجبني كلامك وراني نشوف راكي بارعة فالطبخ كشما احتجت راني نجيك
ياك مكاش مشكل

اتهلاي مليح في روحك
​

 

[nada242008]

يعطيكم الصحة زيدوها :sheer::sheer:
هههه والله يا اسئلتك يا روز مش غير تنشف الريق :schmoll: واشراقة حب خلي وخلي
نعود نبعثلك تعاونيني في الضيافة :shay:

 

[ام ايناس]

رحت وجيت لقيت الاسئلة كملت الله يبارك

أسئلتي..
اهلا بيك حبيبتي روز

وش حابة يكون المولود بنت ولا ولد وماتقوليش لي جابها ربي هاذيك معروفة^^ احكينا على الرغبة نتاعك
لي جابها ربي والله غير عندي كيفكيف

احكينا على احساسك والموقف نتاعك ونتاع اهلك وزوجك كي وليتي حامل للمرة الاولى
ماشي غير فرحة كبيرة :sheer::sheer:

وش راكي متمنية يكونو اولادك كي يكبرو
نتمنالهم يكبرو بخير وينجحو في قرايتهم و ما ينساوش دينهم وووالديهم
وش الصفة الي مش عاجباتك في شخصيتك وحابة تبدليها
الحشمة

لو اعطاوك الاشراف اي منتدى تحبي تشرفي عليه عدا منتدى الطبخ طبعا...
اكييييييييييييد

شكون العضوات الاقرب ليك في المنتدى وحابة تتعمق علاقتك بيهم طبعا ماتقوليش كلهم اختاري ههه
كاااااااامل هههههههههههههه

كمليهم وراجعة

كملت حبيبتي روز راني نسنى

 

[روز]

ماجاوبتينيش يا ام ايناس ههههه عاودي جاوبي

ايه يا ام ندى اذا اسحقيتيني راني هنا :shiny:
واشراقة حب مانحكيلكش عليها تقتل تقتل
انا صحيح نخاف من أسئلتهاi-o:

 

[Iman89]

السلام عليكم
مرحبا بيك اختي الغالية انا مااعنديش اسئلة الاخوات كفاوو ووفاو ربي يبارك فيهم
على الرغم من اني مانعرفكش مليح بصح من ردودك تبانيلي عاقلة رزينة و حنينة ربي يبارك فيك وربي يخليلك ايناس ويهنيك ...صح فطركم وربي يقبل عليكم​

 

[ام ايناس]

السلام عليكم ورحمة الله تعالى وبركاته

مرحبا بك الأخت ام ايناس نتمنى تكوني بخير وبنتك بخير فالحقيقة دخلت باه نقرعج مكونتش معولة نسأل وعدت نفسي مانزيد نقلق حت واحد بأسئلتي لكن فتحتي شهيتي للأسئلة وشفتك انسانة طيبة الله يبارك
المهم نبداو
اهلين حبيبتي راني الحمد لله

صلي على النبيى *صلى الله عليه وسلم *
عليه الصلاة والسلام
1 -عندما تزوجتي كنت متمرنة ملييح على الطبخ ولا شوية شوية ؟
بالتاكيد شئ ظروري
2- أول مرة طبخت بعد زواجك واش طبختي ؟ كيف كانت الطبخة ؟ واش تعليق زوجك عليها ؟
اول مرة عملت المتوم وسلايط ولحلو كان تعليقو 10/10
3- في أول زواجك واجهتك بعض الصعاب في شغل البيت وانت ساكنة وحدك ؟
ماهي ؟
لا بالعكس
4-عادة كم من طبق تطبخين في رمضان ؟
نطبح شربة فريك والطبق التاني والبوراك
5- انت بدينة ام نحيلة ؟ وهل يشتكي زوجك من وزنك ؟ اااه كيما تعرفي ليزالجيريا ولاو يحبوا لي دايرا لاطاي فين خخخخخخخ
انا الحمد لله ما عنديش مشكل مع لاطاي نحيلة
6- انا عندي بعض المشكلات كي نود نطيب ..نخاف من الملح . واحيانا نغلط في طريقة الطبخ وماتجيش الماكلة مليحة سورتوا في الجواز ...على هذاك تلقايني مدمرة وزعفانة ومحطمة بالبزااف .. واش هي نصيحتك ليا ؟ لأنه حسب نظري لو كنت مانعرفش نطيب ماكلاه نتزوج لأنه الرجل مملكته هي بطنه خخخخخخ
اذا عرفتي طيبي رايح يحبك ويحطك فوق راسو واذا كنت ماتعرفيش وجدي روحك للكلام الزين
حبيبتي اشراقة حب الطبخ لازملو بزاف حوايج الملح ما تكتريش منبعد وشوفي لانو كل ما تنشف المرقة رايحة تزيد الملوحية في الماكلة وكاينة حاجة تاني الماء ما تكتريش تاني باش تمرقي لانو راح يسمطلك الماكلة
7- لما توصل ال 10 ايام الاخيرة نتاع رمضان واش ديري فيهم ؟ تتفرغي للعبادة ولا تلتهاي بالحلوة ؟
كل حاجة في وقتها الحلوة نحب نعملها في السهرة
8- الان وانت حامل في شهر 3 * ربي يحفظهولك * قادرة تكملي تصومي ولا لا ؟
الحمد لله ربي قدرني قادرة نكملو
9- ولادة ايناس هل كانت سهلة أم انها كانت صعبة ؟
هادا في رسالة خاصة
10-ماذا تقولين لإشراقة الحساسة جداااا والخوافة والمرتبكة ..خاصة فيما يخص الكوزينة ..وسورتوا كي يجوك ضياااف كارثة ؟ خخخخ
الضياف ملاح مي لازملهم طولت بال
11- واش طيبتي اليوم ؟
شربة فريك وقراتان بطاطا باللحم مرحي وبوراك وخبز الدار تاع الفرينة

اشكرك اختي ايناس على قبولك الاستضافة وانك تكوني معانا هنا وتنورينا
صح انا مانعرفكش لكن حسيت روحي حبيتك بسرعة
صح لأنك طيبة وحنونة ...ليست مجاملة لكن والله هي الحقيقة
دخلتي قلبي مباشرة لأنك طيبة بزاااف ولأن قلبي مافيهش حراس خخخخخ

اتهلاي مليييح مليييح ملييييح في روحك وزوجك وبنتك وربي يعطيك وقفة ساهلة
وربي يرزقك باللي تتمناي ويرزقك بالذرية الصالحة

حنونة انا راه عجبني كلامك وراني نشوف راكي بارعة فالطبخ كشما احتجت راني نجيك
ياك مكاش مشكل

اتهلاي مليح في روحك
الف الف شكر ليك حبيبتي اشراقة حب نورتي
​