ضيفتنا السابعة عشر في كوزينة جزائرية

[ibtesem]

بسم الله الرحمان الرحيم

***
ضيفتنا اليوم
هي الاخت الغالية والطيبة

المتفائلة_91
المتميزة بردودها ومواضيعها واطباقها
واشكر لها قبول الاستضافة
*
*
*
الاسئلة ستكون في مجال الطبخ
بمعني بطنك تحت المجهر
مائدتك الرمضانية وسينية السهرة
مع بعض الاسئلة عن حياتها الشخصية
*
*
*
سافتتح قائمة الاسئلة
بانتظار باقي البنات
ان شاء الله تكون خفيفة عليك

1- بطاقتك الشخصيةاسمك وسنك ومستواك الدراسي
2- سبب اختيارك لاسمك المستعار
3 -هواياتك
4-مثلك الاعلى
5-حكمتك في الحياة
6-صفي نفسك في كلمتين
7- طبقك المفضل


8-الاكلة التي تجيدين طبخها بشهادة الاهل او الاصدقاء
9- الاكلة التي لا تودين طبخها ابدا
10- موقف طريف في المطبخ
11-برامج الطبخ التلفزيونية المفضلة عندك
12-كم وجبة رئيسية تاكلين باليوم
13-هل تاكلين بين الوجبات
14-هل تحبين اكل البيت ام المطاعم
15-عضوة تتمنين ان تاكلين معها
16-افضل مشروب عندك
17-كم كان عمرك حين طبختي اول مرة
18-ماهو اول طبق طبختيه
19-هل انت من النوعية التي تغامر بتجريب الوصفات​

 

[بيكهام]

ربييكون في العون يا متائلة اسئلة كثيرة وصعبة
تحياتي لكم ورمضان كريم جميعا
الف الف شكر لصاحب الموضوع
​

 

[المتفائلة_91]

السلام عليكم

صح رمضانكم يا لبنات

وشكرا على الاستضافة ،،،

نبدا نجاوب على الاسئلة ،،، ومرحبا بيكم الكل الي عندها اي سؤال راني واجدة




1- بطاقتك الشخصيةاسمك وسنك ومستواك الدراسي
اسمي منــال ، عمري 20 ، طالبة جامعية
2- سبب اختيارك لاسمك المستعار
سجلت في الصيف اللي جوزت فيه الباكالوريا والنتائج مازالت ما خرجتش وكنت جد متفائلة بالنجاح لذلك اخترت اسم المتفائلة ، و 91 هو عام ازديادي طبعا
3 -هواياتك
المطالعة الطبخ النت
4-مثلك الاعلى
سيد البشر سيدنا محمد صلى الله عليه وسلم
5-حكمتك في الحياة
سألتني نفسي في حزن شديد:

لما كل هذه الطيبة لأناس لا يعرفونها..

و لما كل هذه الشهامة لأشخاص لا يستحقونها..
...
ابتسمت و قلت:يا نفسي إن لم يوجد في الأرض من يقدرها

ففي السماء من يباركها
6-صفي نفسك في كلمتين
الطيبة الطموحة
7- طبقك المفضل
محاجب ماما

8-الاكلة التي تجيدين طبخها بشهادة الاهل او الاصدقاء
بزاااف ، خاصة العجائن
9- الاكلة التي لا تودين طبخها ابدا
قلب اللوز ههههه درتو شحال من مرة وما صلحليش مالا كرهتو
10- موقف طريف في المطبخ
بما انني خفيفة الطباع ، فلدي العديد من المواقف الطريفة ،، يعني نجرب حوايج من راسي وما يصلحوش ونصبّح نطيب في عشاء جديد
11-برامج الطبخ التلفزيونية المفضلة عندك
حورية المطبخ ،، منـــال العالم
12-كم وجبة رئيسية تاكلين باليوم
في رمضان وجبة واحدة ، والسحور ما نسحرش ،، في الفطار ، وجبتين
13-هل تاكلين بين الوجبات
نادرا
14-هل تحبين اكل البيت ام المطاعم
نحبهم في زوج ههههه مكراشة ،، بصح مانعرف علاه يجيني اكل المطاعم بنين
15-عضوة تتمنين ان تاكلين معها
دنيا البسمة
16-افضل مشروب عندك
نقاوس
17-كم كان عمرك حين طبختي اول مرة
14 سنة كنت في المتوسطة
18-ماهو اول طبق طبختيه
بسكوتة
19-هل انت من النوعية التي تغامر بتجريب الوصفات

اكــــيد ونادرا ما يصلحولي هههه



شكرا ليكم على الاسئلة الخفاف ، في انتظار بقية الاسئلة وبقية البنات​

 

[المتفائلة_91]

ربييكون في العون يا متائلة اسئلة كثيرة وصعبة
تحياتي لكم ورمضان كريم جميعا
الف الف شكر لصاحب الموضوع
​

الله يخليك

مرحبا بيك

 

[زهرة الندى]

أهلا وسهـــــــلا بالغالية المتفائلــة

يومــكـ في رمضـــان ؟

طبخة تحبي تكون ديما في مايدة الفطور

طبخة تكرهيها

شحال من مرة حرقتي الماكلة

اذا تحرقت الماكلة وكان باقي على الأذان 10 دقايق واش تديري


ربي يعاونك حبيبتي​

 

[المتفائلة_91]

أهلا وسهـــــــلا بالغالية المتفائلــة
اهلين وسهلين بيك اختي زهرة الندى

مرحبا بيك ، نبدا نجاوب على اسئلتك
يومــكـ في رمضـــان ؟
يوم طويل جدا ، وممتع ايضا ، يعني من الشغل الدار ، للكوزينة ،،، وطبعا العبادة وقرءة القرآن ،،
والسهرة مع العايلة والاحباب ،، تقريبا نفس اليوم يتكرر 30 مرة
طبخة تحبي تكون ديما في مايدة الفطور
بوراك

طبخة تكرهيها
والله انا ما عندي شي نكرهو ،، يعني ناكل كل شي ،، يمكن المونج تو ما نحبوش بزاف مي ناكلو لوووول
شحال من مرة حرقتي الماكلة
في رمضان برك حرقت مرة الجاري يعني شربة فريك ، ومرة نسيت البوراك في الزيت وبقيت مع المسلسل ههه رحت لقيتو راااح فيها
اذا تحرقت الماكلة وكان باقي على الأذان 10 دقايق واش تديري
لحسن الحظ في رمضان ننوعو الاطباق يعني حتى لو احترقت طبخة ، نلقاو 3 ولا 4 واجدين ،، لكن اكيد نعتذر للعايلة وخاصة ابي ، البقية ماعندهمش مشكل ، تحبي ما تطيبيش حطي غير التمر نورمااااال ، مي الرجال اكي عارفة


ربي يعاونك حبيبتي


الله يخليك ،، منورة


ومرحبا بيك مرة اخرى​

 

[ourida17]

سلام عليكم منولة ان شاء لله تكوني بخير ورمضان مغلبكش
نبدا على بركة الله اسئلتي المتواضعة هههه
ادا راكي مقيمة في الجامعة واش موالفة تطبخي ؟
كيفية تعاملك مع الطعام ،، تفضليه من حيث الطعم، او فوائد صحية او اسباب اخرى ؟؟؟
واش هيا فاكهتك المفضلة؟
موالف طيبي في الايام العادية؟
ايا بزاااف عليك ههههههههههه منعييكش بزاف

 

[ايمان التلمسانية]

اهلا وسهلا بالاخت المتفائلة :
راكي منورة الكوزينة اليوم
انا ما نطولش عليك
*الطبخ بالنسبة ليك مزاج ولا هواية تحبي تمارسيها ؟
كيتكوني فالكوزينة تحبي يعاونوك ولا تفضلي ديري كل شئ وحدك ؟
في وقت الدراسة تدخلي للكوزينة كيما راكي دروك ؟
هادا ما كان ان شاء الله يكونوا خفاف
تفطروا بالصحة
​

 

[المتفائلة_91]

سلام عليكم منولة ان شاء لله تكوني بخير ورمضان مغلبكش
وعليكم السلام والله راني مليييييحة الحمد لله ، رمضان انا غالباتو
نبدا على بركة الله اسئلتي المتواضعة هههه
بسم الله
ادا راكي مقيمة في الجامعة واش موالفة تطبخي ؟
لا مانيش مقيمة ، نقرا في جامعة ولايتي
كيفية تعاملك مع الطعام ،، تفضليه من حيث الطعم، او فوائد صحية او اسباب اخرى ؟؟؟
اذا بالنسبة للرستو تاع الجامعة ،،، مع كل احتراماتي ليكم ، موسخ ، وياكلو غير المضطر مثل المقيمين ربي يعينهم عليه
واش هيا فاكهتك المفضلة؟
بصراحة مانكلش الفاكهة ، غير مغصوبة لما يغصبني عليها بابا ولا ماما ،
موالف طيبي في الايام العادية؟
بصراحة ، انا في الايام العادية ما ندخلش للمطبخ بزاف ،، نطيب في شهر رمضان ونوّع
ايا بزاااف عليك ههههههههههه منعييكش بزاف
ماهم بزاف ماوالو ، راهم خفاف ظراف كيفك ،،،

اهلا اهلا اختي وريدة ،، صح رمضانك راكي منورة

كش اسئلة اخرى راني هنا
​

 

[المتفائلة_91]

اهلا وسهلا بالاخت المتفائلة :
اهلا بيك امونة
راكي منورة الكوزينة اليوم
نورك ولوو ،،
انا ما نطولش عليك
*الطبخ بالنسبة ليك مزاج ولا هواية تحبي تمارسيها ؟
الصراحة راحة : مزاج ، كي نعود لاباس نطيب وكي نكون العكس ما ندورش بالكوزينة
كيتكوني فالكوزينة تحبي يعاونوك ولا تفضلي ديري كل شئ وحدك ؟
لا نفضل نكون وحدي ، نقلق كي يكون واحد معايا
في وقت الدراسة تدخلي للكوزينة كيما راكي دروك ؟
لالا ، وقت الدراسة ماما ماتخلينيش
هادا ما كان ان شاء الله يكونوا خفاف
راهم خفااااف كيما انتي ربي يخليك
تفطروا بالصحة
وانتي ثاني
​

راكي منورة

صح رمضانك


شكرا

 

[ISMA.dz]

ربي يعاونك أختي المتفائلة

وربي ينجحك في دراستك

سلاااااام​

 

[زهرة الجنوب9]

صح فطورك متفائلة حبيت نسالك سؤال واحد فقط ماهي امنيتك في هذه حياة

 

[المتفائلة_91]

ربي يعاونك أختي المتفائلة

وربي ينجحك في دراستك

سلاااااام​

الله يخليك اختي


امييييين اجمعين
شكرا


صح رمضانك​

 

[المتفائلة_91]

صح فطورك متفائلة حبيت نسالك سؤال واحد فقط ماهي امنيتك في هذه حياة

الله يسلمك اختي

صح فطورك انتي ثاني
امنيتي في هذه الحياة ان احقق جميع امانيّ


صعبة شوي ^_^

شكرا ليك

 

[ourida17]

اهلا اهلا اختي وريدة ،، صح رمضانك راكي منورة

كش اسئلة اخرى راني هنا
​

منورة بيك حنونتي ولو هدا من واجبنا
لالا مكاش
برك اسكو نت راهي قليلة عندك ولا غير عندي رايحه تهبلني

 

[المتفائلة_91]

منورة بيك حنونتي ولو هدا من واجبنا
لالا مكاش
برك اسكو نت راهي قليلة عندك ولا غير عندي رايحه تهبلني

الله يخليك مرسي عزيزتي



لا النت راهي صافا الحمد لله

 

[ibtesem]

نشكر الاخت المتفائلة على تلبية الدعوة لنا
نشكر كل من استضافها
لكي من ارقى تحية وسلام
ربي انجحك في دراستكي
نتمنى لكي مستقبل زاهر
نقدم لكي هدي هدية المتزاضعة من طاقم المطبخ

​