ماذا ستطبخين اليوم سيدتي

[momoude]

سلام للغاليات كل وحدة ومعزتها في قلبي
عفوفتي عيد ميلاد سعيد وربي يطول في عمرك ويحققلك كل امانيك ياحبي:shay:
راجية الف الف شكر على سؤالك يا غالية وربي يخليك لوالديك ولي يحبوك وراني نستنى حلويات بشغف كبير لانهم حاجة فووووووور:showoff:
تحية لكل لحباب انا ليوم ماطليتش لانو جاتني صديقة عمري الغالية الحبوبة الطيوبة وشرفتني بزيارتها لبيتي لاول مرة ملي تزوجت وفوت معاها امسية من اروع مايكون رجعنا فيها لذكريات الجامعة وشغب الشباب ووووووووووو والله ماتتصورو فرحتي بيها ليوم وراني حكيتلها عليكم وقلتهلها انكم حباباتي ثاني ووعدتني تنضم لينا اول مادير انترنت في بيتها لانها عروس جديدة :sheer:
وراني صورتكم قهوتنا تاع العشية ضرك نحط الصور

ربي يتمملك فرحتك وتتلقاي مع جميع حباباتك :sheer:
بصحتك لالجيرواز جاك الطبق هايل :showoff:

 

[l'algeroise]

الله يسلمك momoud
راجية العفو رانا نستناو فالوصفات ​

 

[بنت الجسور المعلقة]

واش بيهآآآآ ابتسام غاب حسها
وأم ندوش لعزيزة وين رحتو يا لغوآآلــــــــــــي

أأأأأأأأأأنــــــــى اليوم تكيت فيها بشخشوخة مسيلية على كيف كيفكم بلا ماننسى عفاف لي مدتلي وصفتها نهار لعيد لي فات ماشي تاع لعام هدا والله لدرك نطيبها وناكل فيها ونقعد حاطا عفاف في البال و الحق ماما هي لدارتلي لفاتات (الرقائق) والمرقة نصبتها انا بلجاج وطريفات لحم وجات بنتها ممممممممممم أيا عفوفة اعطيني رايك فيها والعضوات كامل ؟؟
صحا عشاكم واش طيبتو ​

 

[روعة2005]

اممممممممممممم الله يبارك الجيغواز الطاجين جاك حطة بصحتك
رقية الشخشوخة المسيلية واش نقول جاتكم هايلة ربي يخليلكم الوالدة وبصحتكم
مومود حبيبتي ربي يحفضك على الدعوة ياطيبة
لبنات شرفوني في البيت الجديد ضرك ندي الشخشوخة لهيه
https://www.4algeria.com/vb/showthread.php?p=3698570#post3698570

 

[tasnim55]

عيد ميلاد سعيد اختي عفاف وعقبال 100 سنة يارب
لالجيرواز عشاك يشهيييييي بصحتكم حنونة
سمورة اممممم محاجب هايلين مع السلاطة تفتح النفس
فوووووووفة وشراكي يالغالية وبصحتك القعدة ربي يهنيك ويهني صديقتك
بنت الجسور شخشوخة هاااااااااااااايلة مشاء الله ويعطيك الصحة شاطرة الله يبارك 10 على10
ام سيف وام فاروق وايناس مومود بسومة ايمانو
ام ندوش ام نيسو كوثرالوهرانية....صح عشواتكم
راجية العفو صح فطورك حبيبتي
​

 

[كوثر الوهرانية]

بصحتك طجين الكفت اختي لالجيرواز جاك روعة بصحتكم
فوفة ربي يدوم محبتكم و يكثر افرحكم و يخليكم لبعض راكي قمتي بالواجب و زيادة الله يقوي الخير
رقية يا رقية شخشوخة مسلسة من ايدين قسنطينية واش نقول و واش نخلي غير الله يعطيك الصحة اختي بصحتكم جاتك روعة سخفتيني فيها راني نستنى في عفاف تحط الوصفة باش نعاود نطيبها خطركش راحتلي الوصفة
اسومتي صح فطورك و في انتضار اطباقك الرمضانية و وصفات الحلويات
رغودة عيدك مبروك راكي تهنيتي من الصيام الله يقبلو بصحتك العشاء
تسنيم كيراكي اختي وبصحت عشاك
بسومتي و ام ندى مابانوش اليوم ان شاء الله خير ما عطلهم علينا
عفاف ربي يخليلك خوتاتك و يحفضهم و عقبال ميات سنة ان شاء الله
باقي البنات تحية عطرة للجميع من القلب اللى القلب
اليوم العشاء كان جواز بالدجاج و الفريت

 

[imane27]

لجرواز بصحتكم كفتا
رقية راكي ولتي مسلية جات هايلة شخشوخة
فوفة الله يدوم محبتكم انتي وصحبتك
صح عشاكم لباقية
كوثر مشاء الله علي ولادك الله يخلهملك

 

[كوثر الوهرانية]

صباح الخير يا وجوه الخير
كي صبحتوا خوتاتي