غلاء ألأكباش إلى أين ؟!! ... نحو 10 ملايين للكبش بحلول عام 2020

[Moha le sage]

السلام عليكم و رحمة الله

توجهت باكرا للسوق الاسبوعي الذي خصص حاليا للاكباش ( صوق المال ) ... لمقربة عيد الاضحى ...

حملت معي مبلغا ظننت أنه قد يكفيني ... ربما كان 2700 أو 2800 أو يزيد بعض الشيء ... و قد رافقني صديقين تخصصهما تربية الاكباش و اعادة بيعها ... و بحكم أني لم أجد ضالتي عندهم ... قررو مساعدتي باختيارهم لي أضحية العيد ....

إلى أعوام خلت ... كان مبلغ 2 ملاين سنتيم ... تستطيع ان تقتني به أفضل الاكباش و أجودها ... و يستطيع رب العائلة اختيار ما يريده و ما يحلو في عينيه ...

لكن العالم يتغير ... للأسوء حتما ... و الغلاء طال جميع القطاعات ... و لم يستثني أضحية العيد ... التي وجب على الكل اقتنائها ...

تدنى المستوى المعيشي و القدرة الشرائية بشكل ملحوظ ... و لم يصاحبه زيادات تواكبه في الاجور و لا في تخفيضات الضرائب ... كل ما نشهده يوميا هو تزايد ببطئ لثم السلع ... تزايد غير ملحوظ ...لكنه ثابت ... صار هاجسا لكل رب عائلة ... و لكل من أدرك حقيقة الوضع الكارثي التي تعانيه الجزائر بكل طبقاتها ...


تجولت رفقت صديقيا باحثا عن كبش ليس بالكبير و لا الصغير ... ( أكيد قد صواردي ) لكن يملا العين مثلما يقال ....

بصراحة ذهلت من الموقف الذي وقفت عليه ... الاكباش الجيدة و التي تستحق أن تقتنى كأضحية .. لا يقل ثمنها عن الـ 3.5 مليون .... و أغلبها قد أعطي بائعها عرضا بالجملة فيه بهذا المبلغ و لم يبعه ... فان باعها تجزئة ( فردها مثلم يقال ) لن ينزل الثمن عن 3700 أو أكثر .... و بعضها الاخر اعطوه مبلغ 4 ملايين و أكثر و لم يبع ....

لحد كتابة هته الاسطر قررت أن أنتظر بعض الايام و التروي ... لكن مصحوبا بثمن أكبر هته المرة ... مجبرا غير مخير ...

و فعلا مشكلة و أمر محزن .. أن الارتفاع هو بمعدل 3000 الى 4000 دج كل عام ... يعني بحلول الاعوام المقبلة .. يصبح ثمن الكبش هو نفسه ثمن سيارة مستعملة .. و قد يجاوز مهر المرأة ....


سؤالي لكم هل لامستم هذا الارتفاع ؟ و هل اقتنيتم بنفس السعر الذي دفعتموه العام المنصرم كبش هاذ العام ؟ هل وجدتم ما بحثتم عنه .. و هل شاركتكم اباءكم البحث عن الاضحية .. أو حتى الاستفسار عن ثمنها ؟... و اخيرا هل من عادتكم اقتناء الكبش قبل شهر أو اكثر من العيد ..أم انتظار الايام الاخيرة لينقص سعره المرتفع الفاحش ....



الى هناك .. عيدكم مبارك ... و تقبل الله منا و منكم

أخوكم محمد


​

 

[nina bonoise]

و عليك السلام
متحيرش خويا
بابا راح للسوق و رجع فارغ
قالنا هذا وش كنت هاز معايا ميجيبوش الكبش يا زح
لازم الدوبل قال نزيد نسنا شوية كشما ينقصو السومة
و الحاجة لي لاحظتها تاع الكارتي موالفين ديما يشريو قبل ب 3 سمانات
درك و الله واحد ما شرا كل مازالوا
و في الاخير ان شاء الله الناس الكل تعيد بالصحة و الهناء
+ تقييم
​

 

[أمولة]

صح خويا حنا 4 ملاين شرينا كبش ولات الحالة غالية في كلش ربي يستر برك

 

[Moha le sage]

و عليك السلام
متحيرش خويا
بابا راح للسوق و رجع فارغ
قالنا هذا وش كنت هاز معايا ميجيبوش الكبش يا زح
لازم الدوبل قال نزيد نسنا شوية كشما ينقصو السومة
و الحاجة لي لاحظتها تاع الكارتي موالفين ديما يشريو قبل ب 3 سمانات
درك و الله واحد ما شرا كل مازالوا
و في الاخير ان شاء الله الناس الكل تعيد بالصحة و الهناء
+ تقييم
​

أهلين لينة ....

انا من حال باباك ...معول من السبت ان شاء الله نبدا نشوف ... اذا قدرت نجبو بقل جبتو ..سي نون نشري بـ 3 و نص .. الله غالب حنا في عايلة ..ما تصلحش نجيبلهم قط ...

انا جيهتنا واحد ما شرا ... كامل راهم يسناو ...

عوام فاتو بزاف الناس لي تربي لكباش للعيد ... كنا قبل ما يجي العيد بشهرين ديجا نكونو متفاهمين معاهم يوصلوهولنا نهار عرفة ... بصح الشي غلا و ما لقاوش راسهم ناس بزاف كانو يخدمو سيزونيي ..يعني موسم العيد برك ...ذرك راهم باقيين فيها غير الموالة و نسبة قليلة من بعض اللي يربو كباش العيد برك ... و زيديها من فوق الغلا ... تحطي يدك تشعل فيها النار ...مالا الاحسن الانسان ما يزربش روحو .. و ربي يقدرنا ان شاء الله و يقدر كل واحد مومن حاب يعيد

سلامي ليك لينة
​

 

[عبيدة82]

هذا شيء عادي
كل واحد راه مسيطر على ميدان راه يدير فيه واش يحب
العام الي فات الاورو شحال كان يدير و درك شحال راه
الله يجيب الخير غير الزوالي مسكين الي ضايع و هذوك اصحاب الاضرابات هم الي غلاو المعيشة على الناس
​

 

[تالة]

لاتستغرب أخي أنت في الجزائر !! حيث لا وجود لمراقبة الاسعار ولا لردع التجار
المواطن الزوالي مطفر فيه غير هو مسكين
ونزيدك مشكلة اخرى عدنا في منطقتنا أن مراكز البريد مش في اي وقت تلقى فيها سيولة
لذا فالمواطن عليه اولا أن يخرج من داروا قبل ما تزرق الشمس ويروح اشد لا شين في البوسطا
ومن ثم لعل وعسى يسمحوله بان يخرج أكثر من زوز ملاين
ولما يقول خلاص يفرحتي خرجت حلالي .. كي يروح لسوق يلقى الحالة الي قاعد تكي عليها
والله مهزلة ،، بلد البترول والغاز والسهول والهضاب 2500 سواحل يجرى فيها هذا !!

 

[السلطانة]

وعليكم السلام
نعم غلاء فاحش وكل عام يرتفع السعر
اكثر واكثر
يعود الراجل يخبي الدراهم طول العام باه هكا يلحق
بابا شرالنا واحد ب 3 ملاين
مي ماوش حاجة
يعني عادي
حنا عايلة صغيرة ويكفينا
ان شاء الله تلقى البعبوع لي يناسبكم ياموح
وتعيدو وتزيدو ان شا ءالله
كنت هنا تحياتي

​

 

[الخيزران]

كون حطيتو في السياسي نفتيلك فيه ههههه نضحك برك
في كل ربوع الوطن الماشية غالية هذا العام
خلي السوق الاخير واشري ثم تهبط الاسعار يهبطوها المربون بالسيف على خاطر ماكانش واش تاكل من بعد (الكلا والعلف )
روح لزريبة الواد الله يبارك سمان وموافقين
صح عيدكم تعيدو وتزيدو
​

 

[لاجودان شاف]

السلام عليكم
انا شريت وخليتو في الفيرمة

اليوم عيطلي مول الفيرمة قالي راهو مات هههههه نطحو كبش آخر
ياخي زهر ياخي
بارك الله فيك خويا​

 

[عالي الحمدي]

شكرا لك الاخ محمد ..

حينما يغيب الراعي ..

تعلم يقينا ماذا يفعل الذئب بالرعية ..

والان بعضا من الرعاة هم في صورة ذئاب ..

ولهذا ننتظر التضحية بالرعية .. وعيش الراعي في قصوره .. وموت الرعية في جحورها ..

الخزائن مملؤءة .. والعقول المتحكمة فارغة .. منتفعة بالريع .. والرعية في الجحيم ..

ننتظر اخر اللحظات ..الى غاية هدوء ثورة الجشعين .. وحينها نضحي او يضحى بنا ..

في رعاية الله ..

 

[مابقاش بزاف.Dz]

machia w tzid teghla souma lazem koul wahed ywadjed ro7ou a la vance beh ysib malou wajed w li ma3andouch rabi isahel 3lih
nchallah ga3 t3aydeu b saha

 

[nina bonoise]

أهلين لينة ....

انا من حال باباك ...معول من السبت ان شاء الله نبدا نشوف ... اذا قدرت نجبو بقل جبتو ..سي نون نشري بـ 3 و نص .. الله غالب حنا في عايلة ..ما تصلحش نجيبلهم قط ...

انا جيهتنا واحد ما شرا ... كامل راهم يسناو ...

عوام فاتو بزاف الناس لي تربي لكباش للعيد ... كنا قبل ما يجي العيد بشهرين ديجا نكونو متفاهمين معاهم يوصلوهولنا نهار عرفة ... بصح الشي غلا و ما لقاوش راسهم ناس بزاف كانو يخدمو سيزونيي ..يعني موسم العيد برك ...ذرك راهم باقيين فيها غير الموالة و نسبة قليلة من بعض اللي يربو كباش العيد برك ... و زيديها من فوق الغلا ... تحطي يدك تشعل فيها النار ...مالا الاحسن الانسان ما يزربش روحو .. و ربي يقدرنا ان شاء الله و يقدر كل واحد مومن حاب يعيد

سلامي ليك لينة
​

ههههه كاينة منها تاع تحط يدك تشعل فيها النار
سي فري العبد يشوف بعقلوا خير خاطر لكباش ام كاين مش هاربين
و اشري على قد صوارد ا خويا و على قد لي عندك
و سلام محمد
​

 

[احلى لمة]

لكباش راهم غالين على لوطى شهوى دى

 

[روز]

الاسعار تختلف من منطقة لاخرى في الجزائر عامة
الاكيد أنه أغلى في الجزائر العاصمة إذ يصل لـ5ملايين و6 ملايين على حسب علمي
ويقل كلما اتجهنا للجنوب

لمن يهمه الامر جولة لجنوب الجزائر أو بوابتها فقط
وسيقتـني كبشا يملي العين ويحفظ الجيب

كل سنة وانت بخير اخي محمد
وشكرا على الموضوع
​

 

[ensam]

كما ذكرت الأخت الأسعار تختلف من منطقة لأخرى
و تحديدا الغلاء يكون في العاصمة بسبب عملية اعادة البيع يعني اللي يبيعو في لكباش ماهمش مربيين بل تجار مناسبات و عادي يشريه و يقلبو و اتخيل أما المربي رايح يبيعلك بسعر عادي
​

 

[Moha le sage]

صح خويا حنا 4 ملاين شرينا كبش ولات الحالة غالية في كلش ربي يستر برك

الله يبارك ...

اللي في ايدو كل يوم عيدو ... انا 4 ما نقدرلهاش ...بلاك نقدر حتى ل3 و نص ... كي يكون يستاهل طبعا ... و لو اني حاليا نحوس على واحد في جوايه 3 و ما لقيتش

ربي يستر كيما قلتي

​

 

[Moha le sage]

هذا شيء عادي
كل واحد راه مسيطر على ميدان راه يدير فيه واش يحب
العام الي فات الاورو شحال كان يدير و درك شحال راه
الله يجيب الخير غير الزوالي مسكين الي ضايع و هذوك اصحاب الاضرابات هم الي غلاو المعيشة على الناس
​

كل واحد مسيطر على السوق الخاصة به ...في غياب من يراقب و يحدد الاسعار ....

و حتما الزوالي ضايع و رايح يزيد يضيع ....

مفهمت قصدك باصحاب الاضرابات ... يعني بعلاقاتهم بالاكباش ...

مشكور على رايك الصريح
​

 

[حياة سعيدة]

الكباش راهم غاليي بزاف حا شرينا واش دير المعيشة غلات

تاعا 2600 وكي دير ما تشريش

 

[Innocence]

صدقت

تشكرات

 

[براءة مسروقة]

علاش مش نولو نعيدو على الجاج ههههههههههههههههههههه