ماذا ستطبخين اليوم سيدتي الجزء 7

[رآج ـية العفو]

لبنآت الغآيبآت خير ان شـآء الله
أم نوسة والفوفتآن وعشوقة وأمنيآتي ووو
يآرب المآنع خير​

 

[ŚσÚмĨÁ.Ďz]

صبا الخير كيراكم
ماتقولوليش مازلتوا راقدين غي اسماء
ولا راكم لاهيين مع المينااج ههه
انا خدمت 4 آنوأع المخبز والمخيدات والمشوك ونتاع اسماء نسيت اسمه
وراهي ماما تكمل فيهم
واش الغدا اليوم ولا مزال
​

 

[nada242008]

صبااح الخيرات :sheer::sheer:
اليوم نهار ميناج كبير .. ربي يقدرنا ان شاء الله
كوثر شكون ينساك يا لالة راكي ديما في البال :shay:
كالعادة مريم حاسي اسومة وحاملة المسك راهم مبكرين واسمهان ثاني
ربي يكون معاكم ومعانا .. الغدا راني نطلع ونهبط على حساب الوقت ونشوف واش ندير
هههه الى الاعمال الشاقة :showoff:

 

[ŚσÚмĨÁ.Ďz]

nada242008 : ربي يكون معاك اختى
​

 

[Setifienne]

صباح الخير على احلى لمة كل وحدة باسمها
توحشتكم بزاف بزاف والله ربي لعالم مي الله غالب كنت مريضة مع الراديوات و التعيارات و الحمد الله
بصحتكم كامل واش راكم اطيبو و ربي ايعونكم مع الميناج
ندى راني جربت وصفة الدنجال البارح جا رو عة ربي يعطيك الصحة و يسلكك على خير
حاملة المسك راني درت قاطو تيع المروحة جا ايدوب في الفمتبارك الله ربي يعطيك ما تتمناي
ودير 3 انواع اخرين سهلين وميكلفوش و عندي لقطايف في الكونجيلاتور مع شوية قاطو اخر ادا اعرفت انحط الصور راني انحطهم والوصفات لحابين الساهل ومايخدش الوقت واقتصادي نعطيهملكم و ربي يعينكم كامل و نهار مبارك ان شاء الله

 

[merieme hassi]

السلام عليكم
صباح الخير ام ند ي و اسومة و اسمهان ان شاء الله احوالكم بخير
اليوم ميناج كبير :scared::cra_zy:
عملت اليوم البراج اول تجربة لي حسيتهم جاوني شوية غلاظ معليش المرة الجاية اعطوني رايكم فيهم
اصحاب الاختصاص قوقلولي البراج نقدر نعملهم في الكونجيلاتور
اليوم صيام بادن الله معولة علي شوربة عدس و حوت و سلاطة بادن الله
نهاركم مبارك

 

[merieme hassi]

صباح الخير على احلى لمة كل وحدة باسمها
توحشتكم بزاف بزاف والله ربي لعالم مي الله غالب كنت مريضة مع الراديوات و التعيارات و الحمد الله
بصحتكم كامل واش راكم اطيبو و ربي ايعونكم مع الميناج
ندى راني جربت وصفة الدنجال البارح جا رو عة ربي يعطيك الصحة و يسلكك على خير
حاملة المسك راني درت قاطو تيع المروحة جا ايدوب في الفمتبارك الله ربي يعطيك ما تتمناي
ودير 3 انواع اخرين سهلين وميكلفوش و عندي لقطايف في الكونجيلاتور مع شوية قاطو اخر ادا اعرفت انحط الصور راني انحطهم والوصفات لحابين الساهل ومايخدش الوقت واقتصادي نعطيهملكم و ربي يعينكم كامل و نهار مبارك ان شاء الله

السلام عليكم
ان شاء الله ربي يشافيك طهور بادن الله
بصحتك القاطو بالهنا و الصحة

 

[narjes81]

العميل السري), ‏ام تقوى, ‏رآج ـية العفو, ‏رنيم الصمت, ‏ صباح الخير على الحلوين
حرزو رواحكم راه معنا عميل سري شكون هو............?
setifienne

 

[ŚσÚмĨÁ.Ďz]

صباح النور مريم حاسي اختى البراج جاوك شابين من الصورة يبانو نورمآل ماهمش غلاض بزاف
ان شاءالله تعوضيها مرة اخرى وصحا صيامك ربي يقبل
https://www.4algeria.com/vb/member.php?u=90514setifienne : اهلا وسهلا بيك معنا يتوحشك الخير اختى وبصحتك القاطو
نرجس : ههه العميل السري مانعرف علمى علمك
​

 

[Setifienne]

وعليكم السلام حبيباتي
مريم حاسي لبراج جاوك ملاح مي كونجيلاتور مجربتش ان شاء الله يفيدوك لمجربين
نرجس يادرا البولبو طيبتيه
لكبريائي رواية حبيبتي ايزيد فضلك وين تسكني في وهران

 

[ŚσÚмĨÁ.Ďz]

setifienne : انا نسكن في les zandlous
لكان تعرفيها ليزاندلس وباش مايصعبش عليك اسمى هو اسمهان
وانتى؟

 

[Setifienne]

حبيبتي اسمهان ليزاندلوس نعرفها انا راني نسكن ثاني في وهران في centre ville

 

[narjes81]

ايوا راني نشوف غير الوهرانيات مرحبا مرحبا انا تاني من وهران بصح حبيبتي كبريائي راكي عند البحر سعداتك كل يوم تشوفيه

 

[ŚσÚмĨÁ.Ďz]

setifienne واه راكي ماشي بعيدة علينا
نرجس اهلا بيك واه رانى قرب البحر برك
تشرفت بمعرفتكم
​

 

[narjes81]

نشكرك بزاف اختي setifienne,على وصفات البولبو طيبته وجا روعة والمذاق يدوب فالفم ونشكر تاني حبيبتي بسومة على استوس نتاع الطياب ههههههههه

 

[ibtesem]

صباح الخير عليكم يالبنات
نهاركم مبروك
اكثرو من الدعاء رانا في ايام مباركة
ربي يتقبل الصيامكم يارب
ندى ربي معاك في الميناج
مريم الله ابارك على البراج كون حمرتيه شوية زيادة تالي شكلو مليح تقدري تخبيه في المجمد
‏setifienne واش راكي ياختي ربي اشافيك يارب
‏nassima88,مرحبا اختي وعلاش متشاركيناش راكي اخت ام شيماء

: 28 (10 عضو و 18 ضيف) ‏ibtesem, ‏لڪْبريآئيْ روْآيہَ, ‏ندى الأيام, ‏ام تقوى, ‏ام صلاح, ‏nassima88, ‏رآج ـية العفو+, ‏setifienne, ‏smiliani1, ‏فايزة1207
مرحبا بالمتواجدات والضيوفنا الكيرام :sheer:

 

[M!ss D!or]

صبااااح الفل على احلى ناس \اكيد ناس اللمة \
ان شاء الله راكم بخيير و عافية يعطيكم الصحة على طياباتكم كاااامل يشهييييو
حبيباتي شكون لي تعرف و صفة سلطة البادنجان هاديك لي تجي كيما purée​

 

[ibtesem]

صافو لقولو عليها المتبل راها عملتها ام كوثر تلقايها في المدونة تاع رمضان
واش راكي لاباس

 

[ibtesem]

هدا واش عملت اول مبارح
لوبية حمرا

عشايا كان
تلتلي

بصحتكم غداوتكم لراكم فاطرين

 

[ibtesem]

صبااااح الفل على احلى ناس \اكيد ناس اللمة \

ان شاء الله راكم بخيير و عافية يعطيكم الصحة على طياباتكم كاااامل يشهييييو

حبيباتي شكون لي تعرف و صفة سلطة البادنجان هاديك لي تجي كيما purée​

صافو تفضلي الوصفة
كوثر الوهرانية

المتبل هو وصفة لاخت ياسمين فيها دنجال مشوي و منقي تحطيه فالروبوا ديري معاه ربعة حبت فرماج و سنة ثوم و ملح و تخلطي مليح فاروبوا و كي تحطيه فالصحن دري عليه زيت الزيتون و فلفلة حمرة