ماذا ستطبخين اليوم سيدتي الجزء 7

[حاملـة المسك]

انا كليتها ببوفجوخ يطرطق مخدوم جديد :like_1:​

 

[oumsif]

الله يسلمك سمورة ..هذا وين تولهت للتورت اللي درتيها بالباب فويتي جات تهبل ..واش حشيتيها

حشيتها طماطم و لحم مرحية مقليين مع المعدنوس ومن بعد كي طابو زدتلهم مغرف كرام فراش وكي حطيتها فوق لباط زدت فرماج la vache qui rie

 

[faloussa]

صحا فطوركم البنات وربي يتقبل ان شاء الله
امممممم بسومة البقلاوة والدزريات جاوك هايلن بصحتك اختى
ام ندوش خبز الدار هايل باين بنين سخفتينى وقيلة الليلة نروح نديرو
سمورة الفايتى جاتك روعة وخبز الدار والله غير درتولي الكوراج نروح نديرو
هذا عشايا اتفضلو لوبيا وكسرةرخساس

وهذا المشوك بالليمون وصفة اختى راجيىة جا اممممممممممممم ربي يخليك اسماء

 

[روز]

بسومة الدزيريات جاوك روعة الله يبارك حمستوني نخدمهم

ام ندى وسمورة والكل صحة فطوركم وربي يتقبل صيامكم ان شاءلله
فطورات تشهي والحسوة هادي ماجربتهاش كاش مرة نخدمها هيا تاني
الطبق الاول سمورة هايل كفاش درتيه

 

[أم نيفين]

صح فطوركم لبنات.. ابتسام بصحتك الدزيريات و البقلاوة جاوك عالكيف..
سمورة بصحتك الشربة و التورت.. مممم هذوين فطرت بصح شهيتيني
حبيبتي ندى بصحتك الحسوة و الشربة و هذاك الخبز جاك طالع عالكيف ..ممكن الوصفة؟؟ باش نديرو لغدوة نشاالله مازال مادرتش

 

[أم نيفين]

رغودة بصحتك القهيوة

 

[حاملـة المسك]

فطورات تشهي والحسوة هادي ماجربتهاش كاش مرة نخدمها هيا تاني

تاكليها دوخي مفعولها كتر من الشخشوخة :laugh:​

 

[حاملـة المسك]

رغودة بصحتك القهيوة

يسلمك حنونة ونت شربتيها..؟​

 

[imane27]

صح فطوركم
امممممممم ندى وسمورة وفلوسة فطوركم يشهي راكو دوختوني
انا راني ندير شربة فريك وجاج محمر بالزيتون وشمبنيون وسلاطة
ابتسام بقلاوة ودزريات جاو هايلين راني نستنا فيه نهار الثلاثاء
فلوسة مشوك جاك هايل

 

[nada242008]

انا كليتها ببوفجوخ يطرطق مخدوم جديد :like_1:​

هههه والله الفلفلة حطيتها ديكور برك.. كثرت من القارص
المعدة تهردت والحريق كل ليلة نبات في حالة منو ..راني عقاب ال gaviscon
--
الله يسلمكم يالبنات .. روز الحسوة هذي غير جربي وماتراطيش روعة روعة
--
فلوسة طابلة تشهي والمشوك جاك هايل
--
ام نيفين خبز الدار طريقة عادية جدا
كار سميد 3 م ك لحظة+ قشور ليمون + م ك خميرة خبز + م ص محسن + م ك سكر
تبسيه بفنجان زيت وتبلي بالماء الدافئ وتخليه يرتاح ربع ساعة
ومن بعد تبقاي تعجني وتضيفي الما تديريجيا وفي الاخر تضيفي الملح وماء الزهر
وتكون العجينة مرخوفة خلاص باش يجيك خفيف
تخليه يخمر ومن بعد تهني المول بالزيت وتقرصيه وتخليه يخمر
ومن بعد تدهنين بالبيض مع شوية سكر وتزينيه بالجلجلانيةولا السينوج
وتطيبه على 200 درجة مئوية

 

[oumsif]

بسومة الدزيريات جاوك روعة الله يبارك حمستوني نخدمهم

ام ندى وسمورة والكل صحة فطوركم وربي يتقبل صيامكم ان شاءلله
فطورات تشهي والحسوة هادي ماجربتهاش كاش مرة نخدمها هيا تاني
الطبق الاول سمورة هايل كفاش درتيه

لباط فيثي تطرح الاولة ومن بعد تحط الحشوة هي كعبة طماطم مرحية مع لحم مرحية تقليهم فوق النار مع المعدنوس ملح و فلفل اكحل كي يتقلوا حطيت مغرف كرام فراش وطفيت النار كي بردت نقبت لباط فيثي بالفرشيطة وحطيت الحشوة وزدت فرماج la vache qui rit وغطيتها بالطبقة الثانية انتاع لباط فيثي وتدهنها بالبيض و تقصها بالموس غير من الفوق وتحطها الطيب feuilleté

 

[oumsif]

ام نفين فلوسة صح فطوركم و الله يسلمكم

 

[dahbito]

السلام عليكم وصح فطوركم
ربي يتقبل منا ومنكم ان شاء الله
اليوم فطورنا حريرة+طاجين الزيتون+سلاطة +رخساس
الله غالب اليوم الصوارة راهي غايبة
والله يبارك عليكم كامل اكلاتكم تشهي ​

 

[ibtesem]

حرام عليكم ياندى ورغود راني نعجن
وتزيدي تقولي البوفجوخ حرام راعو غربتي على الاقل ههههههههههههههه

 

[ibtesem]

يالبنات صح فطركم لي لحقو الان

46 (21 عضو و 25 ضيف) ‏ibtesem, ‏أم نيفين+, ‏ام منصف, ‏ام تقوى, ‏ام صلاح, ‏امة الرحمن, ‏اميرة 1984, ‏اسال الله الفردوس, ‏DARINE05, ‏بلادي نبغيك, ‏faloussa, ‏hanane alg, ‏حاملـة المسك+, ‏NaNouS, ‏nassima88, ‏noorislam, ‏رآج ـية العفو+, ‏oumniati, ‏ضوء الخيال, ‏samora68, ‏smiliani1
دهبيتي ربي ابارك في خروفكم
انا راحتلي ماصورتوش

 

[أم نيفين]

صح فطورك فلوسة مواكل يشهيو

 

[nada242008]

حرام عليكم ياندى ورغود راني نعجن
وتزيدي تقولي البوفجوخ حرام راعو غربتي على الاقل ههههههههههههههه

ههههههههههه الشيعة ديتيها انت وحنا كل في الهوا سوا // رانا كل مانخلوش في قلوبنا
بصح ضرك تموتي بالتعب بقلاوة ودزيريا وحسوة ربي يكون في العون
الحالة 14 في دورة ام منصف للضغوط النفسية هههههههههههههههههههههه

 

[ام منصف]

صحى فطوركم كامل كل وحدة باسمها
اليوم ذبحنا اول كبش والغدوة ان شاء الله الثاني:shiny:
راني تعبت خلاص مع الميناج والفطور وزيد درت خبز الدار
طيبت شربة فارميسال وقلينا لحم وكبدة
:sheer:تقدروا تقولوا عيدنا قبل الغاشي:sheer:
​

 

[merieme hassi]

السلام عليكم
صح فطوركم ان شاء الله ربي يتقبل
يعطيكم الصحة واش طيبتو بالصحة و الهنا ام نيفين ام ندي روز ابتسام رغودة فلوسة سمورة دهبيتو ايمان و السوال علي الغايبات
تعيدو بالصحة بادن الله
كل عام وانتم بخير

 

[أم نيفين]

رغودة أنا خلاص شربتها لازم بعد الفطور قدد
شكرا حبيبتي عفاف ربي يسهلك أمورك