- إنضم
- 6 ماي 2010
- المشاركات
- 1,802
- نقاط التفاعل
- 58
- النقاط
- 37
- العمر
- 35
,’
صبآحْ / مسآءْ آلـ
وش احوالكم؟؟ ان شا الله الكل بخير
علابالي رح تستغربو من العنوان ،، بالاك جماعة قليلة لي يعرفوا وش معناه
i-o:الهجرس = أنثى الذئبة اي بالمعنى الأصح "الذئبة البشرية"
قال رسول الله صلى الله عليه وسلم: (ما تركت بعدي فتنة أشد على الرجال من النساء) أخرجه البخاري ومسلم
ضركا بديتو تفهمو شوية وش نقصد :shiny:
ورح تستغربوا ثاني كيفاه جا هاذ الموضوع من طفلة
_o:غاضوني الشباب ديما نظلموا فيهم مع انهم كاين حالات هوما الي يتظلموا ،،
بزايد مقدمات ندخل في المفيد :shiny:
يخي علابالكم ديما نسمعوا بالذئاب البشرية،، شباب يلعبوا على بنات
وفي مجتمعاتنا ديما نقولو الطفلة لي مظلومة،،
ومرات كي يصرا وش يصرا يقولك الراجل ماهو خاسر والو وهذا الشي لي يخليه في الطرف الظالم دايما،،
نسمعوا بطفلة يقولك تعرفت على شاب ،، هي الله غالب عليها محرومة من الحنان وعندها فراغ عاطفي ،، فراغ روحي ،، فراغات بزاف :cra_zy: والشاب يقولو عليه ماهوش وليد فاميلية ،، يلعب ببنات الناس،، مش متربي ... الخ الخ الخ
علاه ما يقولوش عليه هو ثاني فاقد للحنان!!!
من رأيي انو مايصرا للبنت والو لولا موافقتها
رح نحكيلكم حكايات هنا ،، حكايات من النت ،، وحكايات سمعتهم ،، وحكايات شفتهم في مقر الصدمات "الحاج لخضر ههه" :scared:
القصة الأولى:
نبدا بأقرب انسان،، اخي من امي وابي :sad:
كان مع وحدة ،، ناويها للدار،، حكالنا عليها وقال للوالدة بلي في اقرب وقت لازم نروحو لدارهم باش نفرحو بيهم
ويا فرحة ماتمت :tears:
الطفلة ظهرت تلعب على جيهتين وهوما لاخبر
خويا وصاحبو،، :scared:
والمصيبة الأكبر انهم كانوا يخدموا في نفس المكان،،
نهار كي سمع صاحب خويا بلي رح يخطبها،، وقالوا اسمها ماعرف كيفاه قال ثاني لقبها
ظهرت نفس المخلوقة لي يحكيو عليها ههههه
تشوكاو ودارو معركة شهدوا عليها اهالي الشركة لي يخدموا فيها:sad:
خويا حاوزوه من الخدمة قعد شهورا ف الدار لاخدمة لا زدمة،، قتلوا التخمام ،، ولينا نعيطولو سيد مشوكي
والست الهانم تزوجت واحد ثالث ،، يسما ماتزوجت لا هذا ولا ذاك
يسما قلبها ولا شغل كاراج الي يجي يدخل
_o::bored:القصة الثانية:
هذي قريتها في النت
واحد اجوتاتو طفلة مانقولكم في السكايب ولا في الأمسن ولا في الياهو ههه
قالتلو بلي عمرها 20 سنة
حبت تدخل معاه في علاقات لاسلكية مالا المخلوق رفض
كي شافاتو مامنوش فايدة
اعترفتلوا بلي عمرها 40 ماشي 20 وزيد عندها اولاد بالاك في عمرو :scared::surrender:
ايماجينيو لوكان طاح معاها واحد نية ،، وش رح يصرا؟؟؟ :du_nno:
القصة الثالثة:
وحدة قرات معايا العام لي فات
هي مقيمة،، حاشا المقيمات العفيفات
قالتلي في لاشومبر تاعهم ساكنين 4 بنات
كي مايلقاوش وش يديرو
يكومبوزيو نوامر من ريوسهم في الموبيل،، بشرط انو الرقم يبدا بـ0770 او 0661 او 0550 ................
وراكم علابالكم وش كاين من بعد بلا مانحكي :crying:
القصة الرابعة
انتم لي رح تحكيو حكايات سمعتو بيهم ولا شفتوهم
الحاصوول: وصلنا لزمان ولينا نخافو عالطفل كيما الطفلة واكثر،،
كاين بزاف اسباب من بينهم : نقص الوازع الديني،، وتأثير الثقافة الغربية
ربي يهدي ماخلق
اذا سمعتو حكايات عن الهجرس البشرية ماذابينا تقولوهم هنا
ووش هي الاسباب في نظركم ؟؟؟؟؟؟؟؟؟؟
