- إنضم
- 6 ماي 2010
- المشاركات
- 1,802
- نقاط التفاعل
- 58
- النقاط
- 37
- العمر
- 35
,’
/.. آلسّلآم عليكمْ وَ رحْمَة آلله وَ بركآإتهـ ../
كيف حالكم ؟؟
انا تعبانة وحزينة من حالة اختي هبة ،، ادعولها معايا حبيباتي ،، ان شا الله ربي يخفف عليها ويشفيها ويردهالنا كيما زمان ياارب
قبل مانبدا هاكو شوفو هاذ الموضوع بالاك تقدروا تساعدونا
كيف حالكم ؟؟
انا تعبانة وحزينة من حالة اختي هبة ،، ادعولها معايا حبيباتي ،، ان شا الله ربي يخفف عليها ويشفيها ويردهالنا كيما زمان ياارب
قبل مانبدا هاكو شوفو هاذ الموضوع بالاك تقدروا تساعدونا
درك نبدا موضوعي
بسم الله
جبتلكم اليوم وصفة الـ panini
جربتهم اليوم جاو هايلييييين احلى من لي يتباعو
المقادير :
1 العجينة:
- كأسين من الماء الدافي
- 6كؤوس من الفرينة
- ملعقة ونصف ملح
- ملعقة كبيرة سكر
- ملعقة صغيرة خميرة
- ملعقتان كبيرتان حليب بودرة(لحظة)
- 1خميرة قاطو
- نصف كأس زيت
2- الحشو
- فيونداشي او دجاج حسب رغبتك
- بصلة مفرومة
- رأس ثوم مفروم
- فلفل اسود
- ملح
- جبن
- بطاطا مقلية
التحضيير:
1-تحضير العجينة
اخلطي كأسين من الطحين+ملعقة صغيرة ونصف ملح+ملعقة كبيرة سكر+ملعقة صغيرة خميرة كسرة+ملعقتان من حليب البودرة+ 1خميرة قاطو
ضيفي للخليط كأسين من الماء واخلطي جيدا
غطي الخليط واتركيه يتخمر لمدة 10 دقائق
من جهة اخرى خلطي 3 كؤوس فرينة مع نصف كأس زيت وضيفي ليهم الخليط الأول
واعجني مليح وكلما تشوفيها سائلة زيدي شوية فرينة ومبعد كي تشوفيها تلمت زيديلها شوية زيت واخدميها مليح كيما عجينة الشخشوخة ، حتان تولي العجينة هكذا
بعدها لفي العجينة في كيس لكي نزيد في سرعة التخمر
خليها نصف ساعة تتخمر
بعدها شكلي كويرات واعجنيها بالشكل التالي
واثقبيها بشوكة
وخليها حتان كي يتضاعف حجمها
نلوحوها في الفرن
نطيبوها نص طياب مالازمش تتحمر لازمها تبقى بيضا
نجيبو شبكة او شواية باش نعملو بيها شكل للبانيني
هكذا
بعدها نقسموها ونحطو الحشو
ملاحظة: الحشو كل وحدة وكيفاه تحب تحطو ،، حسب الرغبة وحسب الامكانيات ايضا
انا قليت الفيونداشي (بقايا العيد هههه)، وزدت عليه التتبيلة الي هي البصلة المرحية والثوم والفلفل الأسود والملح وقليتهم مليح
+ بطاطا مقلية
+ فرماج (مهم جدا)
وكاين لي يزيدو الكاشير والزيتون الأخضر والحمص والمعدنوس وغيرها ...
ومبعد نردوهم للفرن حتان يطيبو
هاو ليكم الشكل النهائي
شهية طيبة
+لاتنسوا الدعاء لحبيبتي هبة :sad:
