وعلاه هكدا ؟؟؟؟

[اقبال1]

ماوش متربي هادي هي السبة هاذا ماكان ماوش مربي ....​

صح معاك حق مشي متربي ..يعيشك حنونة

 

[اقبال1]

وعليكم السلام ورحمة الله
أهلا بيك أختي إقبال وسلامة راسك
الله المستعان، وش تحبي أختي قلة التربية وسوء الأخلاص أصبحت سمات هذا العصر.
هذا وش كنَّا نحكيو قبل يومين في الموضوع لي طرحتو إذا تذكري.
وحكاية الغناء هاذي لي في المحلات بلوة عمَّت.
والله العظيم يوم عن يوم نفسي تقرف من الخروج من البيت، ويوم عن يوم نحمد ربي أني صاينة نفسي في البيت ومرتاحة من الخرجة.
وبالنسبة لهذاك الشخص ينطبق عليه حديث النبِّي -صلى الله عليه وسلم-: (إِنَّ مِمَّا أَدرَكَ النَاسُ مِن كَلاَمِ النُّبُوَّةِ الأُولَى إِذا لَم تَستَحْيِ فاصْنَعْ مَا شِئتَ). إذا هو ما استحاش من ربِّ العباد فكيف رح يستحي من العباد؟؟؟؟
ربي يقدر الخير وربي يحفظك أختي وما تتخلعيش منا وجاي. كلشي عادي.

​

بارك الله في اختي ..اه تفكرت موضوعك و موضوع الاخ " ماكنش " و بزاف مواضع فاتو علي بصح عمري ما تخيلت نكون في موقف كيما هكدا ...و مشلكة الحياء هي لراهي مقلقتني و الله غي كي عشت في بلاد الكفر و كنت نلقة ناس كافرين يستحو باه يطيحو لمرا بصح في بلادي الاسلامية كلشي عادي كيما قلتي ..ربي يحفظك اختي

 

[اقبال1]

wah khti kayna manha w ch7al men mara natlaka bemawakif kima hado machi yasrawli basah yasraw kodami
tji tanshi7 ydirlak hala w mam chirat yji yansa7ha wahad dirlo hala w talsak fih

اه و الله غي عندك الصح اختي ربي يستر برك ..ربي يحفظك اختي

 

[اقبال1]

إنحطاط الأخلاق هادا هو ; و ماهوش راجل اللي يسب بالعكس تماما و اللي يشطآر مع النسا
ما تقلقيش روحك ختي حب يغطي على أفعالو و حب ييبين روحو قدام الي كانت معاه..

اه كاينة مشي راجل و كاين لي قالولي بلي حب يبين روحو قدام الطفلة لي معاه ...بزاف ريحت بردك حنونة ربي يحفظك

 

[اقبال1]

أهلا بيك إقبال
عملتي مليح كي خرجتي وصمطيه
وهكذاك ومازال ماشفتي والو ...
كيما قلتي ماناش في دولة تاع حق وقانون
في بلاصة أخرى يسب مرا لبرا يباصي
ماديريش في بالك مادامك في الجزاير
هذا قليل الأدب والإحترام والتربية
لالا ماشي قليل الأدلب، هذا عديم الأدب خلاص ماعندوش ذرة
يعطيك الصحة اقبال​

يعطيك الصح خويا و هادا هي المشكلة انو المرا و مشي غي المرا كامل حتى رجال تتسب و تتبهدل و كامل ساكتين تقول شي طبيعي ..

عجبتني بزاف تاع عديم الادب هدا هو التعبير لي كاين غايبلي ..ربي يحفظك

 

[اقبال1]

انسان لا علاقة يتخابط في الهدرة
وبلاك ميعرفش امور السوق
ربي يهديه
والحمد الله كي خرجتتي مانعة ههه
مرسي ختي
​

ما فهمتش واش معناتهم هادو خويا ؟؟؟؟؟ ربي يهديه و يهدينا كمال ..يعطيك الصحة و ربي يحفظك

 

[خالدي]

بارك الله فيك والله يكثر من امثالك​

 

[اقبال1]

هاي باينة ,هو كي دخلتو وشافكم محترمين شعل الغنا باش يليكيديكم زين زين
نورمالمو الزبون ملك
le client est roi
وكما قالتلك الاخت انسانة غالية لي ما يحشمش يعمل واش يحب
عيبنا الوحيد اننا شعب ساكت مايريكلاميش على حقو كي شافك ساكتة زاد فيها ,لو كان شم فيك رائحة القوة والعنف راهو خنس ناس تخاف وما تحشمش ,
على الاغلب هاذيك ماهيش حانوت تاعو وهو مجرد عامل بالاجرة ولهذا ما يهموش مال الغير. محل الاسترزاق يحولو الى مكان للقاءات واكيد المالك تاعو ما يعلمش
وهذا لغياب الرادع
وكاين بعض الذكور لي تجيهم الحمية والوطيس كي يشوفو بنت يرجعو عنتر تحاسبيني بربي يا لو كان انا غير نلم عليه الامة
ونحطلو سعدو تحت رجليه بدراهمك وتتهاني ؟
راني منفعلة اخر
اختي اقبال المرة الجاية العين الحمرا برك الحياء ماشي من الحق
بصحة الوالدة الحجاب

اه كاينة منها حب يكمل معانا من لول و نخرجو بلا ليه ليه ...و تاع الصح بدات تقلقني هادي انو احنا ما نهدروش على حقنا راني نهار بعد نهار نتأكد بلي احنا سباب مشاكلنا و انا كي سمع راجلي قالي ما ديري والو حتى نجي انا و نتفاهم معاه بصح انا ما جاتنيش انو نستنى شهر كامل باه نروح نقولو هدا هو لي سبني و بهدلني و....

عندك الحق مين تلمي الامة عليه لانو هو اصلا مشي من الامة و الله غي كون شفتيه في هاديك اللقطة تقولي حيوان اكرمك الله ..لحد ما علاباليش كيفاه سكت و رجعت للدار بلا ما ندير فيه جريمة

فرحت زاف بزاف بزاف بردك خرجتي كامل زعافي ربي يحفظك و يعيطك ما تتمناي اختي ..

بصح يما ما شرات الحجاب ربي ما كتبش قلتلها استناي وليدك يجي و شري جزاير كامل لانو انا حرمت نهبط للسوق وحدي ...ربي يسترك و يحفظك

 

[اقبال1]

الله المستعان كارثة والله
راهي باينة يا ختي راهو ينعت في روحو قدام الطفلة زعمة باش تقول صاحبي راجل وواعر
ختي قال تعالى والعصر ان الانسان لفي خسر الا الذين امنوا وعملوا الصالحات وتواصو بالحق وتواصو بالصبر هذا اختي جزاء الداعي للحق لازم يصبر على الاذى بعد الدعوة اليه
يعطيك الصحة ختي على شجاعتك ونهيك عن المنكر تلقايها عند ربي باذن الله
​

لي يرحني دوك كلامك هدا لازم نصبر و نظن لازم ندير الصبر عنواني اذا حبيت نكمل نعيش في جزاير ..ربي يحفظك خويا و يعزك

 

[اقبال1]

سلام
معندوش حق يشتمك ولا يسبك ،مي اختي بصراحة كنتي غير مع دخلت للمحل نتاعو وليقيتي الحالة متعجبش معناتو محل ؟؟؟؟؟ اخرجي مباشرة من حيث دخلتي ،حتى وان كانت حاجة عجباتك مي منشريهاش ونحوس في جهة خلاف،هكذا تجنبي النوع من هدو العباد الغير محترمين ،خاطر اخي بصراحة كاين ناس تاخذهم العزة بالاثم ،علابالو بلي زبونة ولك كل الاحترام مي صامطين الله غالب ناس موضوعة في غير محلها.
شكرا
​

بصح اسمحلي خويا انا كي دخلت ما كانش داير لغنا خلاص..بصح عندك الحق كون مين شفتو مع الطفلة ندير خلف دور و المحلات راهم كتر من بزاف ..

تاع الصح عند الحق في كل كلمة ..ربي يحفظك و يكتر خيرك

 

[اقبال1]

شكراااااااااااااااا
والله يا اقبال جيييت نكتب موضوع حطيييتطو في موضوعك كرد هههههههههه
المهم ماتقلقيش رووحك الجبور كيما هذا راهم يطايشو
لقدام برك​

شحال كنت حابة نشوف المووضوع لي كتبتو في بلاص الرد حتى نضحك شوية....... يطايشو صح بصح يقلقو و الله غي يقلقو خويا ..ربي يسترك و يحفظك

 

[اقبال1]

ياختي واش نقولك قلة الاخلاق والتربية واذا جاءك الذم من ناقص شهادة لك بانك كامل .
خيتوا متعمري راسك ماوالوا هذا انسان حابس مام ولوكان رجعتيلوا مرحش تسلكي معاه اذن من الافضل تسكتي وتخليه يغلي وحدو كالماء في القدرة برافوا عليك قتلتيه غير بالقدر والنار كيمتلقاش واش تاكل بيان سير تاكل روحها .اتهلاي في روحك حنونة ودايما ديري في بالك بلي كلام الغالي يسهرك الليالي وكلام الرخيس مايقيس.

كلامك جواهر و اله كامل امثال بزاف بزاف فور يعيطك الصحة اختي ..عجبتني تاع قتليه غي بالقدر و عندك الحق لانو رخيس كلامو ما يقيس ..فرحت بزاف بردك تعيشي اختي ربي يحفظك

 

[اقبال1]

يقول المثل:
إذا لم تستح فافعل ما شئت

وهذا ارجل أكيد لا يحمل ذرة من الحياء، وهو بعيد عن الأخلاق كل البعد، ربي يهدي ماخلق.

عندك الحق اختي ما عندو اخلاق و لا حياء و ما نظش يعرف كامل و اش معنى اننا مسلمين

و كيما قالت الاخت " انسانة " مشي مثل و انما حديث نبوي شريف ..ربي يحفظك

 

[اقبال1]

والله غير ناس عجب والله يهديه مشي حق عليه باه يسبك ولا يعايرك
ختي كان لازم تفهمي روحك بلي ديرونجيتيه شوية
ماتتخلعيش و ماتقلقيش روحك

ناس عجب تاع الصح ...يعيطك الصحة اختي ربي يحفظك

 

[اقبال1]

لا إله إلا الله محمد رسول الله
​

اكيد اخر دعواناا و كلامنا ان لا اله الا الله محمد رسول الله صلى الله عليه و سلم

 

[ام سيرا]

واش راح نقولو اختي العزيزة
كيما قالو لقبلي ان لم تستحي ففعل ماشئت
وعبد كيما هذا الرد عليهخسارة فيه
يعني راكي عملتي الصح انك خرجتي وصمطتيه
ماديري في بالك والو حنونة ومتقلقيش روحك
هادي تصرا كل يوم
خاصة مع بنات الفميلا لكيفك
كون جات وحدة خلاف كانت ردت عليه وبهدلاتو

 

[zahira92]

عديم التربية واش راح نديرو
موضوع قيم شكرا

​

 

[Soumia_Sétifienne]

ya khti madirich 3la wahd kima hada mich mrabi asslen
koun ja mrabi yehtarm rnefssou 9bal mayhtarm ness wmayhderch m3ak bhadik tari9a
met9al9i mawlou
mrc​

 

[soussou27]

سلام اختي مي الغلطة نتاعك انتي سكتيلوا لوكن انا لوكان سمعته و اش لازم يسمع بسكو كيتسكتي هذاك وين يزد فيهم الدم ​