ولاد الفاميليا vs بنات الفاميليا

[مرام التيبازية]

علاش اغلبية لبنات يحبو هاذوك لي يحلبهم ولي يتبلاهم ولي يطيحلهم ولي يرخسهم ؟
لا جامي ولوكان كتبت هذا الموضوع العام ليفات كنت رايحة نعارضك بشدة خصوصا كلمة الأغلبية ...بصح هذا العام شفت ظواهر بزااااف على البنات وماخفي أعظم البعض ماتوقعتهاش منهم على الاطلاق خصوصا منهم من يحفظن كتاب الله وتتفاجأ فيهم من الأخير ...المهم تعلمت منشوفش على المظهر ...وكون متأكد بلي راني موفقاتك في رأيك
ووليد الفاميليا لي يقادرهم والي جامي يحكي معاهم ولي حاكم قدرو ليه مانعرف كيفاش يشوفو ليه بالاك يشوفوه معقد ؟
لا لي يقادرني نقادرو ونحطو على العين والراس ...أنا اصلا بطبعي مانخالطش الاولاد على خاطر كثرة المخالطة تطيح القدر وتوصل لما لايحمد عقباه بصح اذا حبو مساعدة في مجال الدراسة فأكيد لن أبخل غير هذا الموضوع دراسة فلا وهم يعرفون هذا اكييد ....وكلمة معقد مانحبش نقولها على خاطر لي مقادر نفسو يكون ذو هيبة وناس تحترمو ..

شكرا على الموضوع

سلام الاخت "سهيلة" هدا هو الرد تاع الصح وراني معاك 100/100...
ماشاء الله عليك وربي يخليك للناس اللي يبغوك وربي يحققلك اهدافك..وخاصة الدراسة اديالك...

 

[مرام التيبازية]

سلام اخي على الموضوع...
ايه ياخويا المخالطة وهادوك الشوفات راهم لامود تع 2011 و 2012 ونزيد نشوفوا وين تقعد ادور،واذا انت طبعا متهدرش في التيليفون وماداصرش الذراري ومتقعدش معاهم رايحين يحسبوك معقد وعقليه تع المتخلفيين...
انا جربتها زعما "مافيا" ونقعد مع زملائي واصدقائي ومع البنات تاني نديروا جمعية ونقعدوا بصح مع الاخير يقولوا عليك ماشي متربية،امالا ماناكل البصل ومايحصل(اسمحولي )..
بارك الله فيك اخي على الموضوع.
وربي يسترك ويخليك انشاء الله.

 

[الزنبقة السوداء]

علاش اغلبية لبنات يحبو هاذوك لي يحلبهم ولي يتبلاهم ولي يطيحلهم ولي يرخسهم ؟
ووليد الفاميليا لي يقادرهم والي جامي يحكي معاهم ولي حاكم قدرو ليه مانعرف كيفاش يشوفو ليه بالاك يشوفوه معقد ؟


انا نحب نجاوبك لبنات يحبو الصنف الثاني بلا منازع والطفلة الي ناقصة دين تحب تعقب وقت معا اللي في الصنف الثاني

 

[hiba14]

راني رايحة نعلق على داك السؤال تاع الشيرات الشير اللي محترم روحو دايرينو معقد بالعكس نحترموه و بزاف بالاك يا اخي هاداك الاحترام اللي دايرينزلز ترجمتو بلي راهم حاسبينو معقد لاخاطر جامي تخارجت مع طفلة تقول على فلان معقد بالعكس قاع يقولو فلان الله يبارك تربية

 

[Jeune Sghir Mc]

هذا لي يمشي سرواله هابط راجل ؟ خلينا يرحم والديك

ايــــه
يا شريكي
هاذوك على جال لبنات هبطو سراويلهم

وانت لي تخطينا ماشي انا بويسك انا ماحكيتش على واش راك تقول
عاود اقرا الموضوع

​

 

[Jeune Sghir Mc]

هههههههههه
والله غير عيب راجل عاد يظرب مراة ....
زمن العجائب وراني نشوف فيها ..
مي ماكملتناش الحكاية
وجابتلوا خاوتها ول .....
=)


​

لالا الأخت
بالاك قريتي الموضوع بالمقلوب
الفتاة هي لي فاتت تعدات على الطفل ماشي الطفل

​

 

[Jeune Sghir Mc]

صحيتووووو تولموند
​

 

[كمايا]

ههههههه صرات قدامي مرا

لافوط فيهم في زوج

هوا خفيف ومايتمالكش اعصابو

وهيا وجهها صحيح وشداها للطفل

ربي يسترنا

 

[السلطانة]

انا شفت ان اغلبية الذر شباب هم تبلاو في بنات​

وانا شفت العكس

وصراحة احتقرت بنات جنسي

 

[Jeune Sghir Mc]

moussa_ess - ساندريلا زماني

راني نشوف الذكور يساندو فالاناث
والاناث يساندو فالذكور
خخخخخخخ
سبحان مغير الاحوال


صحيتوووووووو
​

 

[MusTapha-Dz]

سلام عليكم ..
انا منقدرش نضرب بنت بارسكو هيا من الجنس اللطيف نتوشيها تبكي ههههـ مي ادا طيحت من كرامتك
كيما قالك جزائري كف هههه

 

[AWDIESL]

علاش اغلبية لبنات يحبو هاذوك لي يحلبهم ولي يتبلاهم ولي يطيحلهم ولي يرخسهم ؟

خاطر هاد الكاليتي تاع الرجال راه كاين منهم بزاف

ووليد الفاميليا لي يقادرهم والي جامي يحكي معاهم ولي حاكم قدرو ليه مانعرف كيفاش يشوفو ليه بالاك يشوفوه معقد ؟

و و لاد الفاميليا قلال

علاش ماشي كل واحد مايخالط بنات الناس مايجيب لعمرو المشاكل
بويسك انا نظن وماشي نظن برك راني ماسوري بلي جرتهم ماتربحش

اتهام خطيييييييييييييييييييير
هههه

​

 

[Ahmed Algeriano]

يا خويا الوقت لي وصلنالو دك معندك متحكي
ربي يهدينا وخلاص
​

 

[mer10]

علاش الطفل وعلاش الطفلة يوصلو رواحهم لحاجة كيما هاذي ؟1 لاخاطرش لا زوج ما ترباوش2 علاش اغلبية لبنات يحبو هاذوك لي يحلبهم ولي يتبلاهم ولي يطيحلهم ولي يرخسهم ؟ حمارات حاشة السامعين لازم يدو الطرايح .
ووليد الفاميليا لي يقادرهم والي جامي يحكي معاهم ولي حاكم قدرو ليه مانعرف كيفاش يشوفو ليه بالاك يشوفوه معقد.لالا راجل فحل

 

[سنسن]

أنا راني مع أختي نوال مراناش نعرفو الطفلة من الطفل وقت وصلنا ليه ربي يستر هادا ما كان

 

[الورد الأحمر]

اليوم انا الموضوع لي ندخلو نقول نوغمال
نزعة النوغمال حكمتني اليوم ... حبيت نقولك ما شفتي
والو اختي ولا خويا عجزت نزيد نطلع الفوق ونتأكد من الجنس
واش نقولك لوكان تلقى واحد دار برايك ووحدة دارت برايك
قولي باش نديرلهم كادو ... ســلامي
​

 

[fofabriyanka]

الله يبارك على طفل لميخالطش لبنات بزاف خاطر يكون قدرو عالى عند اى طفلة اما هداك ليخالط خسر قدروا و اسمحولى رجولتو تانى مادبيه لواحد يكسب احترامو بين الجنسين تعيش بكرامتك و احترامك حتى فى المستقبل

 

[Ice Queen]

علاش اغلبية لبنات يحبو هاذوك لي يحلبهم ولي يتبلاهم ولي يطيحلهم ولي يرخسهم ؟
خويا راك تطيحلنا بالنيفو هنا واش من طفلة تقبل بواحد يرخسها ولا يسبها غير لي مهبولة وهادي شاذة والشاذ يؤخذ ولا يقاس عليه.
ووليد الفاميليا لي يقادرهم والي جامي يحكي معاهم ولي حاكم قدرو ليه مانعرف كيفاش يشوفو ليه بالاك يشوفوه معقد ؟
هنا نهدر على روحي انا هادا وليد الفاميليا لي ما يهدرش معايا معناها مانعرفوش علاش نهدر عليه ولا نطيح فيه ما عاشرتو ما نهدر عليه.

 

[nadjouta]

السلام عليكم أنا والله يحيروني الي بنجمو يرفدو يديم علا راجل