شعب لا علاقة بالمطالعة

[محبة الورد]

ختيتو حنا المكتبة اتاعنا زعما يقوموا بيها
مي لي يدخلوها ماعندهم حتى علاقة بلقراية
عندك غير تاع الباك لي يجوا يقراو بيناتهم
مي المستويات لخرين يجوا يحكوا حكاياتهم
ولابليبورتابل راكي تعرفي كيفاش ...
علابالك حنا غير لبارح منعونا قالونا لي مايقراش يقعد فالقسم اتاعو
ومايروحش للمكتبة لنو ولات مش تاع لقراية
واش نقولوا غير الله يهدينا و يهديهم

شكرا ليك ختيتو موضوع مليح​

والله صح ختي عندك الحق انا تاني راني نشوف فيها بالاك قريب ويقولونا لي ميقراش يروح لدارهم ماكانش المكتبة وجوهكم ماشي تع مكتبة ههههههههه
مي ختي الله يهدينا هذا ماكان

​

 

[املي]

والله صح ختي عندك الحق انا تاني راني نشوف فيها بالاك قريب ويقولونا لي ميقراش يروح لدارهم ماكانش المكتبة وجوهكم ماشي تع مكتبة ههههههههه​

مي ختي الله يهدينا هذا ماكان​

آمين يارب
ههههههههه ايه قريب يديروهانا
مي انا عاد نحير وعلاش يحبو يغمونا فالقسم
و لا فالمكتبة و الساحة ممنوعة
انا نقلك الصح فالساحة
تحت الشجور لي تهوالي لقراية خير من بين 4 حيطان ههههههه​

 

[محبة الورد]

آمين يارب
ههههههههه ايه قريب يديروهانا
مي انا عاد نحير وعلاش يحبو يغمونا فالقسم
و لا فالمكتبة و الساحة ممنوعة
انا نقلك الصح فالساحة
تحت الشجور لي تهوالي لقراية خير من بين 4 حيطان ههههههه​

هههه حنا جامي ماقريناش وخلاونا فالقسم بالعكس يخرجونا اما للمكتبة ولا للساحة حنا نقعدوا كيما نحبوا فالساحة
ههههه تهردت علييكم امالا ههههه​

 

[ملكة جمال اللمة]

لا حنونا مشي كامل و الله ليسي ديالنا المكتبة ديالو روعة و سكااااااات و نقية الحالة و منظمة

 

[محبة الورد]

لا حنونا مشي كامل و الله ليسي ديالنا المكتبة ديالو روعة و سكااااااات و نقية الحالة و منظمة

ههههههههههههه طبعا حنونة امشي كامل والله يبارك ان شاء الله نولوا كيما انتوما ​

 

[كمايا]

هههههههههههه

ارواح شوف المكتبة تاع الجامعة


تتفجع


الناس تدخللها على ليزافار ماش خلاص على لقراية

 

[محبة الورد]

هههههههههههه

ارواح شوف المكتبة تاع الجامعة


تتفجع


الناس تدخللها على ليزافار ماش خلاص على لقراية

اما المكتبة تع الجامعة قاتلهم ارقدوا ههههههههه​

 

[خوليتا]

و الله كلامك صح .... أنا نموووت على المطاالعة السمانة الأخيرة قريت كتاب ماجدولين و الشهر لي فات قريت ألف ليلة و ليلة مي و الله ماتلقا الإمكانيات خلاص المكتبات خالية علييهم

 

[homework]

المكاتب المدرسية والجامعية ولات ملتقي الاحبى يعني عوض نطالعوا نوليوا نقصروا ونحكيوا و ناكلوا يعني مكان للاستراحة و الاستجمام واش فلحنا فيه باش نفلحوا في المطالعة أو خاطينا غير ماتكسريش راسك
مشكورة على الموضوع لي في الصميم

 

[محبة الورد]

المكاتب المدرسية والجامعية ولات ملتقي الاحبى يعني عوض نطالعوا نوليوا نقصروا ونحكيوا و ناكلوا يعني مكان للاستراحة و الاستجمام واش فلحنا فيه باش نفلحوا في المطالعة أو خاطينا غير ماتكسريش راسك
مشكورة على الموضوع لي في الصميم

مرحبا بيك اختي الله غالب حنا ديجا من لاصغر مرباوناش على حب المطالعة وهاذ الشي علييها خرجنا وكبرنا على العقلية هاذي​

و الله كلامك صح .... أنا نموووت على المطاالعة السمانة الأخيرة قريت كتاب ماجدولين و الشهر لي فات قريت ألف ليلة و ليلة مي و الله ماتلقا الإمكانيات خلاص المكتبات خالية علييهم

الله يبارك علييك اختي انا بدييت نقرى في واحد لكتاب مابقاليش ونكملوا اسموا النظارة السوداء ​

 

[الورد الأحمر]

نوغمال يخي والفنا ألوغ ولات تبانلي نوغمال
كنت نروح للمكتبة كي ما نلقى وين نقعد ...
يعني نلقى لكراسا ببلاش نقعد نحي لعيا ونخرج
وما نقراش ... والفنا يخي خلقنا هنا الحمد لله
تجينا نوغمال متأقلمين من عندهم ...
شكرا ... ســـلام
​

 

[محبة الورد]

نوغمال يخي والفنا ألوغ ولات تبانلي نوغمال
كنت نروح للمكتبة كي ما نلقى وين نقعد ...
يعني نلقى لكراسا ببلاش نقعد نحي لعيا ونخرج
وما نقراش ... والفنا يخي خلقنا هنا الحمد لله
تجينا نوغمال متأقلمين من عندهم ...
شكرا ... ســـلام
​

مرحبا بيك اختي شرفتي ونورتي الموضوع مي ولو عالقليل كي ندخلوا للمكتبة نحترموا لي راهو تما وراهو حاب يقرى منديروش حوايج ضد اساسيات المكتبة
شكرا لمرورك اختي ​

 

[متألقة بحجابي]

الله المستعان

 

[فوفو الجميلة]

كل كلامك صح