أنصروا راية الله أكبر قصيدة الراية للشاعر وليد الخشماني

الموضوع في 'منتدى دعم ونصرة قضايا الأمة الإسلامية' نشر بواسطة سعد العكيدي, ‏1 فيفري 2008.

حالة الموضوع:
مغلق عن إضافة مشاركات جديدة.
  1. سعد العكيدي

    سعد العكيدي :: عضو مُشارك ::

    تاريخ التسجيل:
    ‏21 جانفي 2008
    المشاركات:
    404
    الإعجابات المتلقاة:
    0
    نقاط الجوائز:
    0
    لننصر راية الله أكبر
    الراية التي حضنت نعوش أبنائنا الشهداء
    مهداة لأخي الشهيد المهندس رعد العكيدي (أبو دعاء)
    قصيدة الراية (الشاعر وليد الخشماني)

    تحية للتي مسروجة للها الخيل بسما الله ترفرف راية الأكبر


    تحية للتي بيها إتحدنا اخوان مَثَل للخوة سنة وشيعة ماتغير


    مرفوعة بزلمها وتعلى عالرايات وغصبن عالنجم للها طخ ودنكر


    يالعادي بعيدة ولو تكصلي ذراع أدك السارية بصدري مثل جعفر


    لأن هي الكرامة الراية ما تنهان رغم كل النوايا الخايبة التظهر


    ألف جرح إبلادي ورادو يخلون وسم عار بجبيني الراية تتغير


    مو راية شعبنا شلون هيجي تهون مشت ويه النصر بالقادسية إذكر


    جم ساتر حضنها ورفرفت فوكاه وبيها جم شهيد إتغطى وإدثر


    سواد البيها ليل إليرهب العدوان بركان العراقي وعلى العدا إتفجر


    بياض اللي نلبسه بعرس الإستشهاد ثوب أم الشهيد إلعرسه تتحضر


    والنجمات خضرة ومن خضار الكاع من طيبة أهلنا التربة تتخضر


    من دم الشهيد الأحمر إنخليه حِلَف راية بلاده إبدمّه تتحمر


    يا أهلي حرام وليش هذا الصار عراقيين هل بالبشر من أطهر


    أهل نخوة وشهامة كرام يم الروح وكريم البالنفس من صيتنه إتكَتَّر


    مو إنتو اللي صنعتو من المنايا سروج تحضنوها الشهادة وعرس من تحضر


    إتهاب العدا منكم إنتو أهل الكون ومن صيت العراق الخلق تتستر


    حقد دمر بلادي وإنتو متغاضين عن ريح المجوس بريحها الأصفر


    شدّوها الحِزِم لا يا هلي الشجعان عالراية كلاب العجم تتحسر


    لمو الشمل يا هلي وناس تحضن ناس طَفّو الطائفية اللي بدت تسعر


    دوسو على الخيانة وكل عميل الجاي أصلاً مو عراقي وجاينه مخدر


    أناشدكم 00 عراقي وسني من تكريت وموَجِّه كلامي لكل بطل أسمر


    أخويه اللي تجلَّت بي نخوة العباس إبن الشيعة غالي وطيب المعشر


    تبقى الشيعة سيف بإيد إبن خطاب والسنة سرايا يقودهم حيدر


    وتظل النجف درع لصلاح الدين وعلى شط الرميثة تنام تلعفر


    وعالبيجي وعرسها إتحضَّرت ذي قار ومن ريحة البصرة ديالى تتعطر


    وإذا مرة إبمشيها عثرت الحدباء إسم الله تصيح الفاو من تعثر


    ما تشرب الكهوة وحافه الأنبار إلا هناك ويم ميسان تتعمر


    دليل على الكلام الجسر لمن طاح غطس عثمان لأجل الشيعة ماتأخر


    نرخصها النفس لأجل العراق تهون ولاجل راية محمد كلنا نستنفر


    نبقى على العهد ليما يهيل تراب ننسى النوم لعيون الوطن نسهر
     
  2. ديالى

    ديالى :: عضو فعّال ::

    تاريخ التسجيل:
    ‏12 أكتوبر 2007
    المشاركات:
    2,274
    الإعجابات المتلقاة:
    5
    نقاط الجوائز:
    0
    رد: أنصروا راية الله أكبر قصيدة الراية للشاعر وليد الخشماني

    الف شكر إلك أخي سعد كلمات تهز كل
    عراقي وطني وإنشاء الله يرجع العراق
    عزيز وقوي أكثر من الأول تحت راية
    الله أكبر بنجومها رافعيها أسود المقاومة
    هدية لكل دمعة .
     
  3. ابـن العــرآق

    ابـن العــرآق :: عضو متألق ::

    تاريخ التسجيل:
    ‏30 جانفي 2008
    المشاركات:
    3,147
    الإعجابات المتلقاة:
    13
    نقاط الجوائز:
    0
    رد: أنصروا راية الله أكبر قصيدة الراية للشاعر وليد الخشماني

    بارك الله فيك اخي وابن عمي سعد على القصيدة الرائعة
    تحياتي لك
    بلال العكيدي
     
  4. حسناء البليدة

    حسناء البليدة :: عضو مُتميز ::

    تاريخ التسجيل:
    ‏31 جانفي 2008
    المشاركات:
    1,006
    الإعجابات المتلقاة:
    2
    نقاط الجوائز:
    0
    رد: أنصروا راية الله أكبر قصيدة الراية للشاعر وليد الخشماني

    واو القصيدة كتير معبرة و الله تستاهلو كل خير

    تقبل تحياتي
     
حالة الموضوع:
مغلق عن إضافة مشاركات جديدة.

مشاركة هذه الصفحة