الشعب مش متربي=أنا مش متربي

[chemssou007]

السلام عليكم

وي خويا عندك الحق
حنا اللولين نديرو فهاد الحاجة
نشوفو الناس و عيوبهم وننساو عيوبنا
كيما يقولو الجمل يشوف حدبة صاحبو

يعطيك الصحة خويا شمسو ​

صح يقولك يشوفـ حدبة غيرو و ما يشوفشـ حدبتو
و هذا سبب مشاكلنا
بارك الله فيك ختي نور​

 

[الجزائري05]

جميل جدا .............
​

 

[الشاوية الحرة]

موضوعك هايل صح خويا وراني معاك في كل واش قلت 10/10 ماعندي ما نزيد نذكر باية برك
قال الله تعالى بعد بسم الله الرحمن الرحيم لا يغير الله ما بقوم حتى يغيروا ما بأنفسهم
يعطيك الصحة على الموضوع سلالامي وتحيااتي:re_gards:​

 

[سوسو الشاوية]

عندك حق

السلام عليكم ناس اللمة
ان شاء الله لاباس؟؟

اليوم حابو نبدلو الحطة شويـ
دايما في القسم هاذا نشكو البنات مش ملاح الولاد خداعين
العايلة مش متفهمة
هاذا يدير و لوخر يعمل و هذا و هذا
حابين نهدرو على رواحنا شويـ ضرك
عليا و عليك مش على الاخرينـ

____
حاجة لاحظتها دايما كي نشوفو ظاهرة مش مليحا في المجتمع
سواء في النظافة الاخلاق ولا ايـ حاجة
نقولو الشعب و الله ماو متربي؟؟؟
بصح السؤالـ
شكونـ الشعب؟؟؟
هل هم مخلوقات فضائية ؟؟؟
ياك هوما انا و انت و عائلتي و عائلتك
أتخيل كون كل واحد يبدل عائلتو لتتكون على الاقل من 5 عباد
نظن بلي الامور راح تتحسنـ
مي حنا عندنا عقلية تاع رمي المسؤولية للآخر!!!!
____
هوما يقولو ... و الله البنات مش متربين
انا نقولـ.. شكون لبنات ياك هوما ختي و ختك و بنتي و بنتك ولا لالا؟
و لا هاذو البنات جاو من غير فصل و لا اصل او عائلة؟؟
____
كي نقولو الاولاد ماهمش رجالة شكون الاولاد هاذو ؟؟؟
خوك و خويا و ولد عمك و ولد عمي؟؟؟

او نولو للعقلية تاعـ
ترضاها لختك؟؟؟
يقولك ما عنديش ختي
واقيلا ما عندكش يماك ثاني؟؟؟
_____
مش راح نطول عليكم كي العادة
بصح قبل ما تقولـ الشعب مش متربي
شوف اخطائك و صلحهم هكذا
و شوف عائلتك و سقمهم
وحدا وحدا يسقم الشعب
مي حنا نشوفو بناتنا ملائكة و ولادنا من الصالحين
و عائلتنا ماكانش كيفها
علابيها المشاكل هاذيـ صراتـ
-----

نسقم روحي و عائلتي و ممبعد نهدر على الغاشي


اليكم الخط​

و الله يا خو عندك الحق 1000 في 100
بصح الله غالب نبقاو هكا مستحيل نتبدلو
لعقوبة ل 1000سنة
مشكور على الموضوع نتا درت لي عليك
اجرك على الله


​

 

[SirineUSA]

انعم ايه التغيير يبدا بالذات ومن بعد يمشي وكون كل واحد يعدل روحو
أنا اليوم وانتا غدوة وفلان غير غدوة مع الوقت نكسبو شعب مغير
مش هذا يعس في هذا وهذا يتسنى في هذا ويبقاو الجزايريين بعيدين
كل البعد على التحضر مي ربي يخليهم رصة وحدها والسلام
​

 

[zagane]

سلام عليكم
من الشعب و إلى الشعب

 

[chemssou007]

شكرا للجميع​