دنيا البسمة
:: عضو مُتميز ::
- إنضم
- 28 جوان 2011
- المشاركات
- 853
- نقاط التفاعل
- 13
- النقاط
- 17
السلام عليكم وعلى كامل الجماعة اللي عندكم ومعاكم والله غير نقولكم الصح توحشت الهدرة لاخاطر عندي بزاف ما هدرتش
ومعا كملت ليزيكزاما وسودتلهم السعد لازم نحكي باش ننسى
المهم قبلت ما تقراو الموضوع نقولكم اسمحولي لاخاطر على بالي راحا نطيبلكم القلوبة نتاعكم
مي معليهش في خاطري اقراو مليح وركزو مليح وما تتخلعوش بزاف
المهم انا جيت نحكيلكم وحد الحكاية على بنات اخر زمن اللي بهدلو بينا ورجعو ما يديرو حساب لوالو
ايا قالك هاذي بنت تقرى فالليسي باباها ويماها ماشاء الله عليهم ما خلاو عليها والو
المخلوقة هاذي غرتها الدنيا وحبت اتبع الطريق الكحلة اللي راهم يمشو عليها كامل لبنات نتاع هاذ الجيل وقاتلك انا لازم ندير واحد نفوت معاه الوقت كيما لبنات
المخلوقة عادت في عوض ما تروح تقرى باباها يوصلها لليسي. كي يروح تخرج وتروح معا حبيبها والقراية ربي يجيب وباباها لا خبر
ورجعت عندها عادة ودايما هكذا
ايا جا نهار وين بعثو لباباها استدعاء قالولو بنت ماراهيش تجي تقرى واش كاين
المخلوق تشوكا وما امنش قالهم انا بنتي راني كل صبح نوصلها للباب
ايا خدمتلو وقال لازم نشوفها وين راهي تروح
غدوة من هاذاك وصلها وتخبى غير تم فات شوية وقت لقى الطفلة خرجت وركبت معا حبيبها فطونوبيل الله الله وقلعت
باباها تبعهم حتى لحقو لوحد الدار دخلو ليها وهو مسكين مخلوع وما امنش بللي هاذي هي بنتو اللي رباها
ومن القلق راح وراها دق دق فالباب فتحلو الطفلة تخلعت وحارت واش تدير
وهنا وسوس لها الشيطان هي وحبيبها وباش تخبي كلشي حكماتو هي وياه ودارو واش حتى واحد ما يقدر يتخيل
قتلوه وقطعوه وداروه في شكارة بلا رحمة وبلا شفقة وبلا قلب
ومن الخلعة والهبال قاتلك نرش عليه باطة اومو باش ما يريحش
الله يحفظ ويستر عندهم الوقت وخممو فالاومو
الطفلة بقات مخلوعة بصح لعبتها وراحت للدار عادي تحسب حاجة وما صراتش
لحق الليل وباباها ما دخلش للدار
يماها تقلقت وماعرفتش واش تدير
تقول لبنتها باباك طول ماجاش ومقلوعة القلب تقولها ما تتقلقيش بالاك كاش ما عطلو ضوك يرجع
بقى الوقت هكذاك وهي لاعبتها مقلقة معا يماها حتى سمعو لاصونات نتاع الباب
ثما الطفلة تبدل لونها وخافت هكذاك وراحت فتحت الباب
وكي قتحتها يا ريت لوكان ما فتحتهاش لاخاطر ثمة كانت الصدمة الكبيرة
في ميزكم واش لقات؟؟؟؟؟؟
.
.
.
.
.
.
.
.
.
.
.
.
.
.
.
.
.
.
.
. لقات باباها عند الباب
قالها يا بنتي ما تنخلعي ما تدوخي
معا اومووووووو كلللللشي يولي جديد.......
هههههههههههههههههههههههههههههههههه
اسمحولي حبيت برك نضحك معاكم واذا حبيتو تعاونوني هاذي نبعثها لشركة اومو بالاك كاش ما يخلصوني راني درتلهم اشهااااااااااااااااااااااار
وما تنساوش تغسلو حوايجكم باومووووووو ضد القشرة
:up:
وبالاكم ما تقبلوليش الموضوع في منتدى واش راك تهدر تعييييشو
حابة برك نديرلهم مقلب
