مآذآ ستطبــخين سيدتــي/آنستــي ,,, { الجزء 17 }

[روز]

صحاعيدكم لبنات وكل سنة وانتم بخير

 

[oumniati]

saha eidkoum ya lamawiat, koul 3am wentoum bkhir in cha allah

rakoum saymine wella wech?

ana nhar el 3id dert t3am maghribi

welbareh la purée belmarguez

el youm in cha allah sayma, ndir loubia machtou, w salam

haya labnet chwia hayawia

 

[oumniati]

3ach men chafek ya rose, mazelti tdouri hhhhh rouhi nahi 3lik trig hhhhhh

 

[روز]

ههههههه راكي تشوفي امنياتي
راه مش عاجبها الصيف تحوس تخرج في الشتا

 

[ibtesem]

سلام عليكم يالبنات واش راكم ان شاء الله الكل بخير
خيرو راني جيت واش نويتو على لغدى اليوم
انا توحشت بوفور اممممممممممممممم من بعد نوافيكم بالصورة

 

[oumniati]

hhhh ah ya rose rahi testana lebroud hhhh, rabi ysalkek 3la khir in cha allah


ahla bik bassoum, aywa kida ma tkhalihach fi galbek hhhhhhhhh, ana rani ga3da ma dert walou, louled dhourk ndirelhoum des sandwich, ana ndir loubia machtou el youm




oum bibars saha 3idek , wech raki wech rah bibars

 

[omarwa]

صباح الخير لبنات واش غداكم اليوم انا انشاله روز باللحم

 

[oumniati]

صباح النور

كيما خليتكم لقيتكم معليش

ام اروى بصحتكم الروز باللحم، يادرى طريقة جزائرية ولا تاع المشرق

وين راهم لبنات ام منصف، حدة، حاملة المسك، شهرزاد، احلام، صافو،دليلة، ياسمين، اسومة، ذهبية، فوفة، عفوفة، نور الرحمان، ام اماني، ام سيف، سمية ، فريدة...................

ان شاء الله يرجعو عن قريب:up:

هذا عشانا البارح:regards01:

 

[omarwa]

بصحتكم خيرة لعشاء هايل
لالا الروز خليجي طيبهولنا مطبخ شعبي مندي باللحم

 

[ninafret]

مساء الخير هادو عملتهم في ليلة 27 من رمضان وعلابالكم مشكل انقطاع اللمة هدا وين كتب ربي نحطهم وراكم كامل معروضين

كسرة

جلبانة بالدجاج

طاجين حلو او لحم لحلو

باني الدجاج المقرمش

قراتان بالبطاطا والفرماج واللحم المفروم

فريت اوملات بغاها زوجي وحكمت عليه في رمضان هههههههههه

وهادي شخشوخة الظفر بعثتهالي ماما ربي يحفظها ويشفيها امممممممممممممممم

هادي شربة فريك

وهادي كرام ديسار راني حطيت طريقتها في قسم التحليات

​

 

[omarwa]

بصحتك نينا لعشا هايل

 

[ام ايناس]

يعطيكم الصحة لبنات كلش يشهي راني هنا خيرورة بالصح الوقت مكانش
سلالالالالالالالالامي للجميع

 

[ninafret]

مساء الخير هادو عملتهم في ليلة 27 من رمضان وعلابالكم مشكل انقطاع اللمة هدا وين كتب ربي نحطهم وراكم كامل معروضين

كسرة

جلبانة بالدجاج

طاجين حلو او لحم لحلو

باني الدجاج المقرمش

قراتان بالبطاطا والفرماج واللحم المفروم

فريت اوملات بغاها زوجي وحكمت عليه في رمضان هههههههههه

وهادي شخشوخة الظفر بعثتهالي ماما ربي يحفظها ويشفيها امممممممممممممممم

هادي شربة فريك

وهادي كرام ديسار راني حطيت طريقتها في قسم التحليات

​

:regards01:

 

[oumniati]

يعطيك الصحة نينة، كلشي هاااااااايل بصح الشخشوخة داتلي عكلي ممممم ربي يخليلك لميمة

ام ايناس معليش اختي صوري وخلي كي تقعدي جيبيهم جماعة هههههه

 

[عفاف الجزائرية]

مساءكم بالخير
ان شالله كل الاخوات لاباس عليهم
وصحا لعيدكم ربي يهنيكم ويعطي لكل واحد ما في قلبو
تهلاو في رواحتيكم
في المتابعة ..
​

 

[ŚσÚмĨÁ.Ďz]

السلآم عليكم ورحمة الله وبركآته

مسآء الخير / نتمنى الكل بخيييير والله ليكم وحشة وحدة وحدة

إن شآءالله عيدتو مليييييح !

سلآمي للجميييييييع
​

 

[oumniati]

ahla bikoum 3afoufa w soumia likoum wahcha, ma tzidouch tghibou:-h

 

[ام اماني05]

السلام عليكم اخواتي وصح عيدكم وكل عام وانتم بخير
توحشتكم بزاااف والحمد لله كرجعت اللمة
حبيتي امنياتي وشراكي توحشتك بزاااف وشكرا على السؤال ياغالية

 

[oumniati]

yatwahchak el khir ya houdhoud, wallah hata ana twahachtek, machi sahel nwalfou bnet w yrouhou hakdak, allah la yafrakna in cha allah


mimi zina samhini bezzzzzzaf, saksitini 3la gateau w el batbout w ma jawabtekch, brabi sbah nabda bik , ndir clavier arabe w nachrahlek mlih, balaki teza3fi 3lia:d

 

[oumniati]

اااااوااااه اشي نورمال, الحالة فارغة, ماراكم تاكلو والو؟ ههههه
صباح النور عليكم

راني نشم ريحة لمحاجب كالكوبار ههههههه:d

اختي ميمي هاكي طريقة البطبوط المغربي كيما اعطاتهالي صديقتي حسناء المغربية الله يذكرها على خير
العجينة
كيلة سميد بكيلة فرينة+ شوية سكر+ خميرة حسب كمية العجين تاعك وملح وماء, اعجنيها مليح وديري كويرات صغار او كبار كيما تحبيهم انت, خليهم يرتاحو شوية ثم حليهم في شوية سميد مخلط مع فرينة ( انا نسيت هذي الخطوة كي درتهم), حليهم حوالي 1سم او 1.5 لا أكثر, ثم خليهم يطلعو مليح
سخني المقلة تاعك وحطي القريصات تاعك ما تخليهمش يطيبو مليح بمجرد انها تنشف شوية قلبيها, وخليها ثواني برك وزيدي قلبيها وهكذا رايحة تتنفخ مليح, كملي طيبيها كيما تحبي اما تحمريهم بزاف از شوية حسب الرغبة

الحشو فيه مراحل
1) لاصوص: طماطم مرحية+ ثوم ومعدنوس ورند+ شوية زيت+ كمون وملح وفلفل اكحل + هريسة
2)قطعي قرعة دوائر وقليها في شوي زبدة مع ملح وفلفل اكحل زهريسة خليها تطيب علة نار هادئة,,, وتقدري تستغناي عن القرعة, انا نديرها وما يفيقوش بيها ياكلوها عادي
3) لحم مرحي+ بصل وثوم ومعدنوس+ ملح وفلفل اكحل وكمون, اعجنيه مليح وديري كويرات وطيبيهم على نار هادئة
4) تكوني قطعتي زيتون اخضر وأسود او واحد فيهم , وترابي الفرماج

تحلي كل قرصة ديري فيها مغرفة تاع لاصوص ادهنيها كامل, فوقها شوية قرعة, والزيتون ثم الكفتة, وزيني بالفرماج رابي , اما اذا كنتي رايحة تقدميهم بعد وقت طويل, خلي الفرماج حتى تعاودي تسخنيهم و ديريه باه ما يذوبش

وبالصحة والراحة

ويبقى كل واحد وذوقه, انا نهار نديرهم ما يبقى منهم والو