مـآذآ ستطبخيــن اليـوم سيدتــي / آنستــي ,, الجــــــ 21 ـــزء

[MĺŹǾ žĕĥÔŖ]

اختي زهور الكسكي التونسي ما فيهش زيت الزيتون يجمروه كالتليتلي وسقيوه من فوق بشوية

https://www.4algeria.com/vb/showthread.php?p=4375247#post4375247

لوكان ما شفتوش قدامي نقلك مي يحلوه بزيت الزيتون ويخلوه هاكدا يشرب ممبعد يسقيوه بالمرقة حمرا ويخلطوه كامل ماشي كيما احنا نديرو الطعام في طبسي ونسقووه

جربيه مع زيت الزيتون وشوفي تأكدي من الطريقة ورح تلقاي فيه
​

 

[امة الرحمن]

الله يسلمكم البنات

واعطيكم الصحة اطباقكم هايلة
ابتسام ماتقوليليش راكي تاكلي في القطايف والبقلاوة :up::up:

خيرة انا دارتو امي للغداء سخفتني فيه وهذي سنييييييين ما طيبته

ام أماني تعيشي أختي
المنتدى لهيه ماهوش يقراهولي الميكرو نتاعي يخرجلي بلغة مانفهملها والو
وماحب الى يروح المشكل كيما حاولت انا وزوجي

 

[السعيدة بربها سارة]

ولا اخت شااايفة وجووودي
راح كون زااائرة
سلااام​

 

[tasnim55]

زهور يتوحشك الخير حبوبتي
امة الرحمن كلشي هااااايل ويفتح انفس اممممم و دجاجة تشهيييييي بصحتكم
بسومتي اممممم كلشي روووووعة و الحلوة اروع يعطيك الصحة توحشنة اطباقك عزيزتي
لمسة من الماضي لمحمصة اممم تشهي بصحتكم
عفوفتي غاليتي و حبيبتي الله يبارك في عمرك ويفرحك على قد نيتك الصافية ماعليهش حنونة كي لعسل والله يعينك ويعطيك الصحة على وصفة الكتف بتتبيلة باينة يجي هايل اممممم راني دونتها باش نجربها كاش نهار نشاء الله تسلمي و بصحتكم لعشا
ام اماني حنونة كي لعسل الله يطول في عمرك ويفرحك
بنت الجسور امممم على هذيك لحريرة ريحتها و صلت لعندي مع الرخساس مانقولش عليه لالا ويعطيك الصحة شاطرة والغولي تاني جاك هاااايل الله يبارك اعليك و يحفضك

 

[Smile Queen]

صباح الخير عليكم لبنات
مرسي بزاف لكل من علقت على طبخاتي الله يسلمكم يا الغوالي
ويعطيكم الصحة على الطبخات اللي تشهي، ماشاء الله عليكم
جيتبكم عشانا لبارح (شواء)
ودرت قريوش لقيتو مرة هنا في المنتدى واسفة جدا نسيت اسم العضوة لي داراتو ربي يجازيها كل خير :$

 

[oumniati]

bonjour, bonjour les amies comment ça va

yaaaaaaaaaaaaw tjini dahbia hhhhhh, ma na3ref wine ghatsset

houdhoud ki el 3ada moutaalika, ya3tik saha

bassoum , bsahatkoum ya zine el baskri

lamssa min el madhi: bsahatkoum lamhamssa rahi tchahi m3a el bard hadha wech ylik

afoufa bsahathoum diafkoum, w la recette ta3 laktef bayna bnina mmmm, ana rani mkhabia fkhad l 3achora in cha allah ndirou kifek

ibtissem ma 3ndekch chwia kromb hhhhhhh, rani danger hhhhhhhh

 

[ibtesem]

ولا اخت شااايفة وجووودي
راح كون زااائرة
سلااام​

صباح الخيرات عليكم
ليش يا سارا تهربي علينا خليك معنا رانا نتانسو بوجودك
وينك وقيل رجعتي فنيانة من البلاد تقهمتي منها
اين جديدك حبوبة ​

 

[ibtesem]

bonjour, bonjour les amies comment ça va

yaaaaaaaaaaaaw tjini dahbia hhhhhh, ma na3ref wine ghatsset

houdhoud ki el 3ada moutaalika, ya3tik saha

bassoum , bsahatkoum ya zine el baskri

lamssa min el madhi: Bsahatkoum lamhamssa rahi tchahi m3a el bard hadha wech ylik

afoufa bsahathoum diafkoum, w la recette ta3 laktef bayna bnina mmmm, ana rani mkhabia fkhad l 3achora in cha allah ndirou kifek

ibtissem ma 3ndekch chwia kromb hhhhhhh, rani danger hhhhhhhh

واش عولتي على لوبيا اليوم هههههههههههههههههههه اعربي يا مخلوقة :-o

 

[ibtesem]

بصحتكم اختي سمايل كوين امممممممم على الشيش كباب

 

[السعيدة بربها سارة]

صباح الخيرات عليكم
ليش يا سارا تهربي علينا خليك معنا رانا نتانسو بوجودك
وينك وقيل رجعتي فنيانة من البلاد تقهمتي منها
اين جديدك حبوبة ​

حبيبتي انتي ابتساام وااش راكي بخير

ولا اخت ترد عيلا غيرك ايوا قلت لاش نرد ها نشوف ونخرج
صح التفنيين عامل فيا حالة والله برك العياا
والشووك نتاع الباابووور​

 

[oumniati]

hhhhh wallah ya bassoum ghir loubia hhhhhh fakti bia hhhhhh

 

[imane27]

صح فطوركم لبنات
يعطيكم الصحة راكم شاطرين
انا رجعت فنيانة هههههههه

 

[ام حبيب]

يعطيكم الصحة ياشاطرات

 

[عفاف الجزائرية]

حبيبتي انتي ابتساام وااش راكي بخير

ولا اخت ترد عيلا غيرك ايوا قلت لاش نرد ها نشوف ونخرج
صح التفنيين عامل فيا حالة والله برك العياا
والشووك نتاع الباابووور​

اختي سارة علاه تقولي هكذا
ران اكامل هنا في بيت واحد وكامل خواتات
اذا سهات واحدة ما تذكرتش اختها ولا ما ردتش على اختها كاين اخوات يردو ويتذكرو
لوكان تلاحظي في ردودي السابقة كنت نرد عليك ونلقيلك التحية والسوال
رانا كامل عايلة واحدة وفي بيت واحد

ربي يهنينا ويوفق كل واحدة في امورها ويعاونها
​

 

[ام اماني05]

يعطيكم الصحة يالبنات على الاطكباق روووعة
الى اختي تسنيم والاخت لينا طريقة القريوش بقلم صاحبته جزاها الله كل خير
مقادير
1كلغ فرينه
250 غ زبدة صول
قرصه ملح
1 بيض
2 فاني
2خمارة حلوى
للعجن بماء الزهر والماء
عسل عاقد للتعسيل
وزيت للقلي
وجنجلان
انا درت نصف الكمية لأنو قريوش يقطع بزاف

نذوب الزبدة انا ديت 125 غ

حط الفرينه+ 1 خمارة + 1 فاني + قرصة ملح نخلهم

نضيف الزبدة تكون سخونه باش تدخل مليح في فرينه

ونحكها غايه باش الحبيبات ميقعدوش فيها

ثم البيض

ونعجنها بالماء يكون دافي وماء الزهر
مطريش العجينه بزاف باش متغبنكش في انشاء شكلها
نديرها في كيس بلاستيكي ترتاح لمدة 30 او 35 د

نشكل حربوش و نكسلو بالة العجين هنا الالات تختالف كاين من صغيرة للكبيرة وكاين من الكبيرة لصغيرة
انا رقم 1 هو ارقق و رقم 9 اخشن

حليتها في رقم 6

ثم اطويها على نفسها وعاودي حليها

ثم حليها في رقم 5

ثم اطويها وعادي حليها في نفس الرقم وهذا سر انتفاخها و خفوفيه نتاعها

نشكل مستطيل وندير في كل واحد 5 اسطر

هنا الشكل كل وحدة وكيفاش تشكل انا نعرف غير هذا برك هههه ودرتلكم بسياله لأنو منعرفش نخدم بيدي ونصور

وكل ما تخدمي تغطيه بكيس بلاستيكي باش ما ينشفش ويتشقق من فوق وميتنفخلكش في قليان

كي نكملو كل العجين نحط الزيت في مقلاة او طاجين القلي
ونخليه يسخن كي يسخن نولي نقلي واحمرار يقعدلك ياتحبي لون ذهبي يا تحبيه لون برتقالي
ويتعسل ديركت كي يتقطر في عسل يكون ثقيل باش قريوش تحافض على نفسها لمدة طويله ومتتعجنش

كي تعسليها خليها تقطر من العسل
وزينيها بجنجلان

 

[ام اماني05]

اختي تسنيم بالنسبة للملون الابيض استعملي نتاع الميزان انا استعملت نصف م ص في 300غ فرينة ما ظهرش اللون مليح من الاحسن تستعملي م ص في 300غ فرينة

 

[ام اماني05]

اختي السعيدة مرحبا بيك معانا نورتينا يا الغالية في انتظار اطباقك والحمد لله على سلامتك
اختي عفاف شكرا على الوصفة باذن الله نجربها:up:

 

[عفاف الجزائرية]

العفو اختي ام اماني ان شالله تعجبك
واش عولتو للعشاء انا اختي ضيفة عندنا دايرة بربوشة بالخضرة نكمل ونصور ان شالله
​

 

[hadda0425]

بسومة انااااا رشيييييييييقة بصحتك وش درتي
لمسة من الماضي ربي يبارك عليك العيش هايل بصح اعطينياسمك باه نسميك هادا راهو طويل بزاف :d
سمايل كوين يعطيك الصحة شهاني الشوا تاعك
والقريوش درت مرة هاد النوعية وحطيتو هنا في المنتدى
سارة مرحبا بيك معانااختي ادخلي بيناتنا عادي
ديفوا البنات مايردوش بصح يكونو ما شفوكش ولا ما تولهوش
انا تاني مرات نحكي مع البنات وما يردوش بصح عادي علبالي بلي ما تولهوش
لبنات لي هنا كامل راهم حبيباتي ونحبهم وكامل ملاح ويعاونو الانسان
وكل وحدة عندها عضوة مشدودة ليها بصح راهم يتكلمو معانا كامل الله يبارك عليهم
​

 

[hadda0425]

البارح درت شخشوخة للعشا جيت نحطو زعمة سع ما حبتش الصورة تتحمل
و اليوم درت شوربة للغدا وفضالت نزيد عليها حاجة خفيفة برك ونهني روحي
شخشوخة تع البارح ما تخافوش راهي كانت في الثلاجة هههه :p


​