- إنضم
- 18 أوت 2010
- المشاركات
- 1,385
- نقاط التفاعل
- 123
- النقاط
- 39
ربي يخليك ويحفظك
حلوة الشباك
المقادير
للعجينة:500 غ زبدة - 1 كأس سكر قلاصي - 2 صفار بيض - 2 بيض - فاني - ملعقة صغيرة خمارة - فرينة
للحشو:نيسلي - حلوة الترك - كاوكاو محمص ومرحي -2 ملاعق مربي (نخلط الكل في خلاط كهربائي)
للزينة شوكولاطة سوداء -وشوكولاطة بيضاء
كيفية العمل
نجمع المقادير بالطيقة المعروفة حتى نحصل على عجينة لينة نشكلها كورات ونحطها في مولات صغيرة دائرية الشكل ونبسطها بأصبعنا أختي خلي شوية سماكة لانو العجينة جد طرية وهشة عند طهيها هكدا ممتكسرلكش بسطيها ثم ثقبيها بشوكة طيبيهم وخرجيهم من المولات عمريهم بالحشو وتكوني درتي الشوكولا في حمام مائي بملعقة اسكبي مقدار ما تغطي الحشو خليه يجمد من بعد زيني بالخطوط البيضاء.
حلوة المورينغ
500غ زبدة - 250 غ سكر قلاصي - 4 صفار بيض - فاني -ملعقة صغيرة خمارة - فرينة
مقادير المورينغ
4 بياض البيض - سسكر قلاصي
للتزيين
مربي المشمش - ملون احمر -كاوكاو محمص ورحي
نلم لعجينة ونقطعها الشكل الي حبيناه نطيبوها فالفرن يكون سخون من قبل منين تدخليها 5 دقائق ونقصي عليها باه يبقا شكلها متساوي.
في هذا الوقت طلعي بياض البيض بالباطور مليح حتى يولي مثل الثلج زيديلو السكر قلاضي بالعقل حتى يتكاثف ويسماك من بعد حطي الطاس الي طلعتي فيه المورينغ في حمام مائي وقعدي تطلعي فالموريغ وعينك ميزانك مينن تشوفيها مزلها خفيفة زيدي السكر منين تطيب راهي تولي ثقيلة ومتماسكة ولنها يلمع بشدة منين تقلبي الطاس تقعد في مكانها تعرفيها انها راهي واجدة.
منين تطيبلك الحلوى نتاعك لسقيها بالمربي وحطي المورينغ في جيب حلواني وشكلي وردات ورجعي دخليها للفرن يكون مشعول من الفوق ومنقص غير تشد روحها وخرجيها خليها تنشف شوية من بعد ديريلها الداير بالمربى ورمديها فالكاوكاو .وطي في وسطها مربي مشمش ملون بالاحمر.
إنشاء الله اختي سرين نكون وفيت فالشرح اي شئ مفهمتيهش متترديش فالسؤال انشاء الله تجربيها وتعجبك
تحياتي
