ليوممضى عليها عام وهي معايا عيد ميلاد بنتي الغالية ادخلو تباركولها كامل معروضين عندي ليوم

[عفاف الجزائرية]

السلام عليكم ورحمة الله وتعالى وبركاته
احبائي اعضاء ومشرفي وادارة وحتى زوار منتدى المة الجزائرية
اليوم ليس ككل يوم
يوم سطعت فيه شمس انارت بنورها
يوم تراقصت فيه كل مشاعر الحب والفرح
يوم سطعت في سماءه نجمة وقمر أنارت لنا البيت
يوم كان بشرى وجاءت فيه بشرى
تلك الصغيرة
لوكان نقول عنها بنتي يمكن تكون كلام فقط ولكن هي اكتر من بنتي
حاظرة معاها اول بأول منذ اول يوم طلت على هاذ الدنيا

اول واحدة شفتها واول وحدة شمتها واول وحده رفدتها هي أنا
فرحتلنا الدار كونها اول حفيدة لينا وكانت فرحتنا لا تقدر
ليوم عيد ميلادها واول عام ليها في هاذ الدنيا
ليوم عيد ميلاد الغالية على قلبي هي ملاكي وحياتي
ماراحش نقول اكتر لانه الاكتر رح يبقى داخل القب ما نقدرش نعبر عليه
هاذي كانت حفلة صغيرة درتهالها في وقت صغير المهم فرحة كي تكبر تشوف روحها وتتفكر عمرها بيها
ربي يخليهالي ويطوللي في عمرها ويخليها لوالديها يارب
دركا خلاص وقت الهدرة جات العرضة تفضلو ادخلو وما تحشموش عرضة على قدنا برك
رح ترحب بيكم بنتي

ودرك جاء وقت الشمعة تطفيها

وهنا بنتي العروسة ربي يطول في عمرها ونشوفها في اعلى المراتب وتحت رضاية ربي والوالدين يا رب

ماراحش نطلب نتكم تدخلو بكادواتكم كيما موالف
رح ةنطلب من كل شخص شاف موضوعي يدعيلها بطول العمر والهناء ويدعي لاخي التاني ربي يرزقه بالذرية في اقرب وقت
وكل محروم فما بيدنا الا الدعاء
ربي يهنيكم
ملاحظة صغنونة : ياو ماراهيش بنتي صح راها بنت خويا وانا مربيتها برك :-r
​

 

[nada242008]

كالعادة ديما نتبع في عفاف وفي ريحة عفاف
نحبها ونحب لي يحبها ونحب لي تحبهم
سنة حلوة يا بشبوشة وكل عام وانت بالف خير
ما شاء الله عروسة صغيرة تهبل ربي يبارك
كلشي هايل من الطارطة للمادلان للكوكيز لكلش
بصحتك يا بشرى ادللي وعاودي هههه
يا سعدك عندك عمة كيما عفاف

ربي يخليهالكم ويحفظها يا رب
ربي يرزق عمها الذرية الصالحة وعفوفة ينوب ربي عليها بعريس يستاهلها انت جاية تباركيلها ولا تلمي في دعاوي الخير
ههههههههه
​

​

 

[كوثر الوهرانية]

عيد ميلاد سعيد لالى و اعز بشرى
كل عام و انتي بالف خير بالصحة و الهناء و السعادة و طولت لعمر
يا رب تكون بشرى اسعد انسانة و تكون من الدرية الصالحة و تنجح في حياتها و تكون اجمل و احلى عروس يا رب
ربي يفرحك اختك و يعمر حجرها و يفرح كل متمني يا رب

 

[نرج ـسية]

السلآآم عليــكم
اممم لي تآرت والقواطو كل شي تحفة
والصغيرونة أحسن منهم كلهم
ربي يطول في عمرها

 

[كوثر الوهرانية]

واش نقولك يا عفاف كيما فرحتي هدي الملايكة ربي يفرحك دنيا و اخرة
كل شيء من يديك هايل هايل هايل اله يعطيك صحتك

 

[عفاف الجزائرية]

كالعادة ديما نتبع في عفاف وفي ريحة عفاف
نحبها ونحب لي يحبها ونحب لي تحبهم
سنة حلوة يا بشبوشة وكل عام وانت بالف خير
ما شاء الله عروسة صغيرة تهبل ربي يبارك
كلشي هايل من الطارطة للمادلان للكوكيز لكلش
بصحتك يا بشرى ادللي وعاودي هههه
يا سعدك عندك عمة كيما عفاف

ربي يخليهالكم ويحفظها يا رب
ربي يرزق عمها الذرية الصالحة وعفوفة ينوب ربي عليها بعريس يستاهلها انت جاية تباركيلها ولا تلمي في دعاوي الخير
ههههههههه
​

​

هههههههه كي شفت الاعجاب والله قبل لا نفتحو عرفتك بلي انتي
هاو كي ما نتبعوش بعضانا شكون يتبعنا هههههه ربي يخليك ديما على بالخي وين ما نكون تكوني يا رب
جاية ندير كلش هو أنا بهزر ههههههه

عيد ميلاد سعيد لالى و اعز بشرى
كل عام و انتي بالف خير بالصحة و الهناء و السعادة و طولت لعمر
يا رب تكون بشرى اسعد انسانة و تكون من الدرية الصالحة و تنجح في حياتها و تكون اجمل و احلى عروس يا رب
ربي يفرحك اختك و يعمر حجرها و يفرح كل متمني يا رب

الله يبارك فيك حبيبتي فريدة وربي يعطيك الصحة والهان ءويطوللك في عمر لوليداك ويعطيك ما تتمناي يا رب
والله مولات خير وتستاهلي كل الخير يا رب

السلآآم عليــكم
اممم لي تآرت والقواطو كل شي تحفة
والصغيرونة أحسن منهم كلهم
ربي يطول في عمرها

الله يسلمك يا رب وربي يهنيك اختي ربي يعطيك ما تتمناي
مشكورة للمرور يا طيبة

واش نقولك يا عفاف كيما فرحتي هدي الملايكة ربي يفرحك دنيا و اخرة
كل شيء من يديك هايل هايل هايل اله يعطيك صحتك

الله يسلمك فريدة من جديد والله طيبة قلبكم تخليكم تشوفو كل شي مليح
اخت ونعم الاخت

 

[lemia23]

السلام عليكم
ما شاء الله يا عفاف ربي يكبرها في طاعتوا وكل عام وهي بخير
وربي ان شاء الله يرزق كامل المحرومين بالدرية الصالحة
راها عروسة تهبل ربي يحفضها

 

[بوح المشاعر]

عيد ميلاد سعيد بشرى وكل عام وانتي بالف خير
ربي يكبرها في طاعته
ماشاء الله عليها عروسة خموس وخموس عليها
ان شاء الله تشوفيها دايما في اعلى المراتب وربي يحفظهالكم
و يخيلها منورة جملتكم
كل شيء هايل اختي عفاف ربي يبارك فيك و يرزقك كل لي تتمنيه
لتارت تحفة و لقاطو يشهـي ربي يسلم ليدين لي عملوهم
رزقك الله سعادة حقيقية اختي عفاف
و سنة حلوة لاحلى وردة جورية بشبوشة
​

 

[SAMIRA25]

يا اختي لحمي شوكت كي قولتي مع الاخير بنت اخي ربي يحفظها و يعيشها و تفرحو بيها عروسة و بولادها و اولاد اولادها و يخليك ليها قلال لي يلقاو عمات كيما انت وان شاء الله يعطيك على قد قلبك و ربي يرزق اختك و كل محرومة يا رب و الله ما شاء الله كل شيء بالطبع و هديك البوبية الله يبارك تدخل في القلب
و دوك حبيت نقرعج شوي كي تخلصي الحفلة تاعكم بالخير ان شاء الله تعيشي قوليلي سر هدوك القطايف علاه هكاك شابين و الله دائما ما يصلحوش ما نعرفش نديرهم ​

 

[ملكًة الاحسآس]

وعليكم السلآآآم
اممم عفوفــة شفيت العام الي فات كي درتي موضوع نباركوولهآآ كي طلت على الدنيآ
واليــووم نقولولوهآآ عيد ميلآد سعيد ، كل عام وهي بالف خير
الصغنونـة بدات تكبر وقريب نفرحو بيهآآ في موضوع تاع التعآريس :p
ربي يكبرهآآ في طاعته وتحت رضاية والديهآآ
وان شاء الله تشوفوهآ في أعلى المرآتب
ربي يخليهآآ ويحفظهآآ ويجعهآآ ديمآآ محلية أيآآمكم
ولعقوبــة لخوكـ الثاني يجيبلكم صغنون يكمل فرحتكم :d
​

 

[حكايا الورد]

السلام عليكم
الله يبارك عليها ما شاء الله
كل عام و الأمورة بخير ربي يحفظها تتربى في عز والديها و في عزكم ان شاء الله
والله شهيتونا بالحفلة تاعكم

 

[iman88]

ما شاء الله تبارك الرحمن

كل شيء بالطبع و رائع . . . ربي يدوم هناكم و يكمل سعادتكم

ربي يحفظ العرووووووووووووووووسة و يحرسها و يتمملكم ما تتماناو​

 

[نبض الحياة]

عيد ميلآد سعيـــــــــــــــد لبشبووووووشة
كل عآآآآم وهي بالف خــــــير
ربي يكبرهآ في طآعتوآ ان شآء الله​

 

[oumsif]

في أحلى يوم بالشهر

حبيت أسبق البشر

وأهني اللي أحلى من القمر

وأغلى من النظر

وأبارك لها بيوم ميلاد العمر

وأطلب من ربي يحفظها طول الدهر

وأقولها كل عام وانتي بخير وعقبال بليون عمر

 

[oumniati]

Bachouuuuuuuuuuuuuuura, 3roussti daret 3am, ya sa3di ya farhi, mazel ghir 19 ans njibha 3ndi hhhhhhh


koul 3am w hia mnawra 3likoum darkoum, w mzahiatkoum, w koul 3am w entoum techriw fi les robe de princesse w chouchouwette hhhhhh

in cha allah toul el 3omr, w rabi ykabbarha fi ta3tou in cha allah


la3kouba l khouk thani yarouzkou rabbi, b dhourya salha

w la3kouba lik nafarhou m3ak, w yafarhou bik, kima daymen mfarhathoum ya rab


boussili hadhak el jamel errabani mouah mouah

 

[ام رحاب]

السلام عليكم ....ربي يحفضها وتكبر على طاعتوا وطاعة رسوله الكريم

ويرزقك واختك بالذرية الصالحة التي تقر بها الأعين

اللهم آآآآآآآآآآآآآآآآآمين
​

 

[ibtesem]

الله الله يابشبوشة غرت في بلاصتك بصكلت نعود انجلو انا تي نعملو معاك ههههههههه
كل عام وانت بالف خير
كل عام انت محليا الدار
كل عام انت تدي في بلصت فوفتي مسكينة
اواه فوفتي راحت عليك ههه
ربي يحفيضها وخليلها عمتها كون ماشي هي ماكان والو

 

[mimi53]

باسم الله ماشاء الله
عروسة الله يبارك وهاداك الفغني ولا هادوك اليدين المتحوفين
الله يبارك ربي يحفظها لوالديها ويخليهالك يارب
كل عام وهي بالف خير وصحة وسعادة يارب
تفرحو بيها وتشوفوها عروسة

 

[!≈[سُِـِيٌــِـِفّ اٌڷِخً‘يٌـرُ]≈!]

ربي يطول في عمرها و يحفظها
​

 

[ألاء الرحمـــن]

يبارك الرحمن وخموس على بشبوشة وربي يحفضها من كل شر ويطول في عمرها
عيد ميلاد سعيد وكل عام وهي بألف خير لعقوبة لمية سنة
وربي يفرحك كيما فرحتيها ويخليها لألها ولماماها الثانية
لعقوبة لنهار عرسها وخرجتها على يديك وربي يرزقك بالزوج الصالح تسهلي كل خير

​