ماذا ستطبخين سيدتي ...انستي جزء'''31''''

[بنت الجسور المعلقة]

مساء النور عليكم
يعطيكم الصحة كي العادة فحلات ونص و قايمين بيها ربي يدوم عليكم النعم
تعيشو البنات عندي سؤال . اليوم جانا مهراس من بوسعادة مي ما عرفتش نستعملو مباشرة ولا كشما نديرلو قبل؟ و تاني لحقتنا هاد العفسة و فيها ريحة القطران !؟ جاوبوني ربي يخليكم اني حابة ندير الزفيطي مممممم :d

سلاااام

من لونو باين حطبو مليح
مهراس صْحيح أسناي نهزو نشوف الثقلة نتاعو طراش :d
مدامو من بوسعادة متخافيش
المهراس باه يصحاحلك ديريلو أي حاجة نتاع ليدام (حاجة دهنية ) كيما الزيت ولا الشحمة نتاع الجاج لخطراك مفيهاش الريحة كي نتاع الخروف نتاع الخروف دووووم وطول باه تروح ويرجعلك المهراس غااااوي ههههههههههههههههههههههههههه
حنا تاني كي شريناه جاب والدي فيه ريحة القطراااان محبتش تروح بطولة بطولة مع الغسيل راحت
وماشي شرط غير في مهراس اي حاجة نتاع عود (خشب.حطب) تحب الدهن تزيد تصححها مللييح ودوملك شحال من سنة هههههههه

بصحتك الزفيطي مسبقا

 

[ام شيماء]

هدي قهوتي تاع العشية

 

[ibtesem]

اممممممممم ياشمشومة او مخبيا علينا حرام عليك
عمرلي كاس اتاي مع المبسس
راه نعاس بدا ادور بيا
​

 

[somo_81]

مساء الانوار واش هادا السكون اخر رد كان على 19و39 :-o واش يبكم بطلتو طيبو هههههههه
انا نت راحتلي راكو تعرفو دزاير صبت شوية شتا راح كلش
البارح كان عشايا خفيف لابيري مع مرقاز و سلطة البسباس



و اليوم حبيت نجرب الشخشوخة في الحومة قع كاين غير حانوت واحد بسيف تشري واش عندو و من زهري عندو وحد السميد الله لا يشوفكم فيه ماشي مليح البيترا عجنت وانا عجنت بيدي و والو محبش يعلك غير نبدا نحل تتقطع و الله حتى من لي نار ضرب العجين في الحيط هههههه الور خرتلي شوية خشينة جوزوهالي هادي المرة

 

[SaRa QuEeN]

من لونو باين حطبو مليح
مهراس صْحيح أسناي نهزو نشوف الثقلة نتاعو طراش :d
مدامو من بوسعادة متخافيش
المهراس باه يصحاحلك ديريلو أي حاجة نتاع ليدام (حاجة دهنية ) كيما الزيت ولا الشحمة نتاع الجاج لخطراك مفيهاش الريحة كي نتاع الخروف نتاع الخروف دووووم وطول باه تروح ويرجعلك المهراس غااااوي ههههههههههههههههههههههههههه
حنا تاني كي شريناه جاب والدي فيه ريحة القطراااان محبتش تروح بطولة بطولة مع الغسيل راحت
وماشي شرط غير في مهراس اي حاجة نتاع عود (خشب.حطب) تحب الدهن تزيد تصححها مللييح ودوملك شحال من سنة هههههههه

بصحتك الزفيطي مسبقا

ههههههه يعطيك الصحة اختي اييه ثقيل ثقيل . ما تخافوش لبارح مسدتلو بزيت الزيتون مليييح وكي ندير الزفيطي اني نديرلكم مهراس ليكم لازم تذوقو معايا :$
​

مساء الخيرات عليكم لبنات
صراحة المينيو كان هاااااااااااااااايل ومقدرتش منشكرش صاحباته
اسيرة/شريفة/ندووش/لويزة/ياسمين/بسومة/فريدة**********
بلا ماننسى تسنيم والخيرات الراااااااائعة لي جابتها ممممممم يسلمو دياتك
وسارة بصحتكم ماجاك لحبيبة
غدايا كان محاجب معرعرين وحارين مممممممم

الله يسلمك حنونة و بصحتكم المحاجب الحارين ممممممممممم الواحد ولا يسخف غير على العجاجن مع الصيف و الاعراس لاطاي ما عرف كيفاه نديرو معاها :-o:-o
صومو اختي بصحتكم المفرمسة مممممم بلعقل عليا هادو محاجب هادي مفرمسة والله غير سخفتوني هههههه و بصحتك البيتران عحباتك؟
ندوشة يعطيك الصحة على المواضيع اكيد رح نستفادو منها بزااف
و حنا عشانا كان خفيف برك . علابالي راه وقت الغدا درنا مطلوع و نقليو بيضات و خلاص ماكان حتى واحد غير انا وماما ناكلو اللي جات هههه المهم ما نطيبوش

قراتان بطاطا بالبيشامال و التون و سلاطة وخبز تاع برا :-r و الحمد لله

​

 

[somo_81]

نقول الحمد الله حتى دوك مي جابلي ربي فيها ديفو واقيل نرجعهالو كي تكون تعجن الجزء الفوقاني يتحرك شكيتها ماشي مسيريا مليح

 

[SaRa QuEeN]

صومو كي تعجني ما تقويش لافيتاس ديري سرعة متوسطة برك . مام حنا كانت عندنا كينوود من الملاح و كي نعجنو تتحرك و دوك رانا نعجنو بالكلاترونيك و يتحرك الراس تاعها تاني

 

[somo_81]

اه عمبالي ديفو و زيد راني نعجن ب1 ولا 2 برك قالي الراجل باش متتفورساش على خاطر العجين تاع السميد ثقيل

 

[ibtesem]

سلام عليكم جميعا
بصحتكم صومو واش طيبتي بصحتك تختوخة امممممممم
سارة كوين عدنا والعود احمدو امممم وقيل طار التفنيين الحمد لله
بصحتكم لغرتان
اممممممم سلطة وخبز
::::::::::::::::::::::::::::::::::
عشانا عدسون والبنات ميكلوش لعدس عملت سباقيتي

بصحت الجميع
​

 

[ندى الورود]

السلام عليكم
مساء الخير عليكم يا لماويات
صحا غدواتكم كامل كل وحدة باسمها
روعة بصحتك المحاجب المعرعرين و الحارين بصح ما تضحكيش عليا واش معنتها معرعرين
ام شيماء بصحتكم القهوة مع المبسس والقاطوات يبان كل شي اممممم
صومو بصحتكم لابيري مع المرقاز وبصحتك الشخشوخة المهم ما خلتيهاش في قلبك خلاتها ابتسام هدرة
سارة كوين اممممم الغراتان بالبيشاميل يبان هايل بصحتكم كل شي
ابتسام بصحتك العدسون والاولاد بصحتهم السباقيتي يعرفو ياكلو
والباقيات امسيتكم سعيدة
اليوم غدانا سوب خضرة ودرت سلطة روسية هزيتها من فترة طويلة من مدونة
كنت رايحة نديرها في الورطة بصح الوقت ما كفانيش ايا اليوم درتها
هي تشبه لسلطة المسيدوان الفرنسية بصح كاين مقادير زايدة عليها
إن شاء الله من بعد نحطها في موضوع راهي هايلة للصيف

​

 

[nassima 87]

او هادا بدنجال من عندي الله غالب ماكانتش كاينا كوناكسيون باش نديرها مقبيل

 

[ندى الورود]

بصحتكم اختي نسيمة الباذنجان
شوفي اختي كون غير تصغري الصور وتاني كي يعودو كبار راهم ياخدو وقت باش تقدري ترفعيهم وتحطيهم
وكي تصغريعم في ساع يترفعولك
​

 

[nassima 87]

بصحتكم اختي نسيمة الباذنجان
شوفي اختي كون غير تصغري الصور وتاني كي يعودو كبار راهم ياخدو وقت باش تقدري ترفعيهم وتحطيهم
وكي تصغريعم في ساع يترفعولك
​

الله يسلمك
ان شاء الله

 

[ibtesem]

بصحتكم ندنودة السوب والسلطة الروسية
:::::::::::::
نسيمة بصحتكم البذنجال اختي
​

 

[ندى الورود]

اتفضلو
السلطة الروسية
​

 

[SaRa QuEeN]

ندوشة بصحتكم السلاطة الروسية جاتك تشهي ممممممم
ابتسام اختي بصحتكم السباقيتي و العدس :tongue02: ما نحبوووش ههههههه . ايه واقيل طاحت عليا الشطارة ماعرف منين راني وليت نصور ونكتب اسمي فالصور ههههه حتى البيض المقلي صورتو هههههه
اختي نسيمة البادنجان يشهي مممممم
علابالي حاجة خفيفة مي حبيت نشارك بيها معاكم :d

سلاااااام​

 

[nassima 87]

ندوشة بصحتكم السلاطة الروسية جاتك تشهي ممممممم
ابتسام اختي بصحتكم السباقيتي و العدس :tongue02: ما نحبوووش ههههههه . ايه واقيل طاحت عليا الشطارة ماعرف منين راني وليت نصور ونكتب اسمي فالصور ههههه حتى البيض المقلي صورتو هههههه
اختي نسيمة البادنجان يشهي مممممم
علابالي حاجة خفيفة مي حبيت نشارك بيها معاكم :d

سلاااااام​

هداك المطلوع راه يشهي والله هداك هوا منا لفوق السخانا ماتليق غير حاجا خفيفة
بضحتكم :d

 

[tasnim55]

السلام عليكم
ام منصف الكوكة اممممممم جات تهبل الله يبارك بصحتكم والله تشهي بالصحة حبيبتي
سماح 06 لقراتان يشهي اختي بصحتك
SaRa QuEeN بصحتك لقرتان حنونة والمهراس هاااااايل بصحتك متعي روحك حبيبتي مشا الله انا عندي 2 قصعات صغار روعة تاع العود ودرتلهم الزيت شحل من مرة واغسلتهم امنيييييييح وبجفال وفرحانة حطيت فيها لزوجي قالي ماتزيديش تسقي فيها بدلت البنة تاع الماكلة ههههههه والله راهم محطوطين حرت وش نديرلهم
روعة بصحححححححححتك حنونة لمحاجب بالهناء على قلبك مطرح ما يسري يمري والف شكر على الكلمة الطيببة
ام شيماء امممممم ياسلالالالالام على هذيك الصنية متولة ومنضمة والقاطو لعزيز ولمبسس وش شهاني والله حرة الله يبارك
somo_81 يم يم عى هذيك الشخشوخة والله هاااااايلة حبيبتي تاع حراير الله يبارك بصحتكم وبصحتك المرقاز ولابيري بالهناء
بسومتي حبيبتي كلشي يشهي كي عوايدك و المزيون تاع عيسى حبيب قلبي راهو يجبد في السباقيتي بصحتو
ندى الورود سلاطة رووووووعة وتشهيييي وكل كلمة قليلة عليها ونقولك نورتينا حبيبتي باطباقك الرائعة الله يخليك
nassima 87 بدنجال يشهي مع الدجاج بصحتك عزيزتي
ام خديجة والله انتي الروعة مع اطباقك لتفتح النفس مشاء الله الله يحفضك حبيبتي
ام ندوش توحشتك يالغالية وتوحشنا اطباقك

​

 

[M3TaZ eLLMa]

السلام عليكم

أهلين بأهلنا اخوتنا في الله

ربي يحفظكم ويعطيكم ما تتمنو يارب


وربي يحميكم


الاكلة ليلة خفيف في خفيف فريت وأوملات مروح من العمل ما قدرتش نطيب

ربي يهنيكم يارب​

 

[prncess fifi]

ندوشة وين راكي هاديري رد معليش بلا صورة يخي علابالك انتي هي الملح تاع الكوزينة وبلا ملح الماكلة سامطة

شوفي راني كتبت كبير باش ماتفوتيش ديراكت :d