ماذا ستطبخين سيدتي ...انستي جزء'''31''''

[روعة2005]

السلام عليكم ورحمة الله وبركاته خياتي العزاز
ان شاء الله كامل بخير ولله الحمد ....انا راني هنا بصح العيا والويكاند من عند ربي مضغوووووط دايما حل واجبات تدواش ...الخ ...الخ
المهم مشفتش الصفحات لي فاتو لحقت على لوبيا بسومة ممممممممم
وطيابات عفوفة بصحتكم القعدة انتي وخياتك وذيك المسكوته مممممممم جاتك تهبل
غدايا كان مقرونة مصورتش والعشاء جاب زوجي جاجة من برة وانا قليت فريت ودرت اصابع الجريوات لحبيبة قلبي الغالية اسومة ان شاء الله راهي بخير
وخبز ميمي مممم روعة قليلة فيها بارك الله فيها وفي هدى الغالية

​

وعشقي الابدي اناوعايلتي لتارت ياسمين 177 ربي يجازيها كل خير

​

​

 

[M3TaZ eLLMa]

السلام عليكم

‏nada242008, ‏shahrazad, ‏ام شيماء, ‏عفاف الجزائرية, ‏SaRa QuEeN, ‏روعة2005, ‏imane27, ‏fatima der, ‏faloussa, ‏s_luna, ‏KHAOULA 24, ‏beso&7ano, ‏prncess fifi, ‏نور الرحمان, ‏liliane24, ‏ام بسومة, ‏ibtesem, ‏meryem5, ‏شذى الزهور, ‏wassila21

إخوتي في الله ويأهل للمة الطيبين

ربي يوفقكم في كل أموركم يارب ويعطيكم ما تتمنو يارب

عندي مدة ثلاث ليالي ناكل برا رستور تعبت من طياااب ههه ربوزيت شوي

ربي يهنيكم كامل يا طيبين​

 

[M3TaZ eLLMa]

hadda0425, ‏om mima, ‏ام اية الرحمان, ‏ibtesem+, ‏imane27, ‏كوثر الوهرانية, ‏معتــــــز اللمـــــة, ‏mimi53, ‏SaRa QuEeN, ‏منتهى الجنة, ‏بنت الجسور المعلقة, ‏KHAOULA 24, ‏beso&7ano, ‏nono_02, ‏ام بسومة, ‏NaNouS, ‏wassila21, ‏عاشقة الوردة, ‏ hasna23

معتز راهو يوجد لغدا تع غدوة ولا المفاجئة من عندو ههههه

Half Good night هههه
​

ههههههههههههههههه
لا أخت نااات لي راح وخلني في صفحتكم روحت رقد في سابع نوووم ههه

ربي يوفقك يا طيبة​

 

[hadda0425]

ههههههههههههههههه
لا أخت نااات لي راح وخلني في صفحتكم روحت رقد في سابع نوووم ههه

ربي يوفقك يا طيبة​

ملا غير هز لعشا و ازرب اخرج قبل ما تحكمك الكاميرا المخفية هههههه
​

 

[nada242008]

السلام عليكم يالاحباب
فلوسة طابلة تشهي يعطيك الصحة
لويزة روطي بطاطا هايل تسلم الايادي
ام تقوى اهلا بيك معانا والرشتة تسخف اممممم بصحتكم
رغودة سندويتشات فايف ستار كيما نحبهم بعد :up:
ندى الورود يا وردة انت اممممم احححححح ريحتك تهبللللل :d
بتيسو غرايف هايلين واللوبيا العملاقة تقول فول يابس هههه الما تاعكم فيه الفيتامينات :p
عفوفتي بصحتكم اللمة العائلية والمسكوتة من يديك هاااااااااااااااايلة
روعة بصحتك اطباقك ما يتخيروش عن بعض كلش بتاويلو يالشاطرة
انا ليوم كنت معروضة هههه طوالو رجليا :d والغدا ما طيبتش سخنت لعولة تاع لبارح ودرت خبز فريدة راهو دوموندي ياااسر بصح في باصة السميد درت القمح عطاه طعم راااائع
ودرت تارت السيترون ديتها معايا نسيت ما صورتهاش وهذو حبيبات لمالين الدار

​

 

[M3TaZ eLLMa]

ملا غير هز لعشا و ازرب اخرج قبل ما تحكمك الكاميرا المخفية هههههه
​

ههههههههههه

راني هزيت شوي بصح دجاجة نتاع اخت روعة خلتني نتفرج عليها ونشوف بالعين لأني من عشاق دجاج لحد الجنون هههه

ربي يهنيكم خواتي طيبين والله​

​

 

[روعة2005]

عفوفة مممممممم خبز هااايل وزيد بالقمح انا الصراحة متوفقتش فيه جربته مرتين وميطلعليش معرفتش المشكل وين والتارت راهي تشهييييييييي بصحتهم الناس لي راحتلهم واهل الدار وبصحتك القصرة
==
الاخ معتز تفضل قرب كووول هههه والله تحاسبك اخي الجاج المحمر
==
هذه الدجاجة حكايتها حكاية انا قلت لراجلي في التيلفيون جيب جاجة هو عمبالو سخفت عليها محمرة وانا نويتها نية يخي جات في الصواب هو كريم وانا نستاهل

 

[M3TaZ eLLMa]

==
الاخ معتز تفضل قرب كووول هههه والله تحاسبك اخي الجاج المحمر
==

الله يسلمك يا طيبة وربي يفرحك بعائلتك يارب ويعطيكم ما تتمنو يارب

​

​

 

[nada242008]

والله ساهل وخفيف الخبز هاذاك حتى راجل صحبتي لبارح شكرو من دوم الاطباق كل ودات الوصفة مع اول عضة ههه
يمكن ما رخفتيهش ياسر قصدي كثرتي الفرينة ولا قرصتيهم ياسر
وبصحتك الدجاجة والله ساعة ساعة مليح الواجد انا نضل نحلل بصريح العبارة على دجاجة مشرية وهو عياف يقولو راهم خامجين ووو قتلو توحشت الخامج لبنين ههه نهار كامل راد غشو في الدجاج والداند
يعني انا سخي وهو كريمة هههههههههههههههه

 

[كوثر الوهرانية]

مساء الخيرات
نبدا ببسومة و اللوبيا اعملاقة كليتها البارح و سخفتيني فيها اليوم بصحتكم
عفاف الحمد اله اللي رجعتلك الصوراة و رجعتيلنا باطباقك الشهية نتي فور و بالزور
روعة كل شيء من يديك تحفة و الخبز تاع ميمي جاك فور و التارت الباردة يا مييييييييييييييييي تهبل و لي كروكات ديما نقول نجربهم و ننسى و دجاجة ربي كتبهالك تاكليها واجدة اليوم بصحتكم اختي
ندوتي بصحتك الخرجة و الخبو جاك هباااااااااال وو بالقمح اكيد بنين و لي تارتولات يسخفوا الله الله عليك
اخي معتز بصحتك اكل برا بصح متكترش منه تحيا ماكلت الدار
حدة بالشفى عليك يا اختي واش بلوبيتي ولا نحيتي الله معاك انا سوفريت بالضرسة بصحتك القهوة و بصحتهم لولاد واش تعشاو
اليوم درتلهم سفة للعشاء قتلهم خلونا نريحوا شويا من الزيوتات

[/url][/IMG]

[/url][/IMG]

 

[عفاف الجزائرية]

ربي يخليكم بنيات ويعطيكم قد نيتكم وبصحتكم عشاواتكم
قريت الرد نتاع روعة بلي ما صلحلهاش الخبز حتى انا ما صلحليش
الحق جاني خفيف وتقوليه قاطو بصح ماش طالع ومفشفش هكذا
انا شكيت ما كثرتش الخميرة ولا كي عجنتو بزاف ولا مانعرف واش
معتز خيو بصحتك الماكلة لبرا
زيزو جامك وصل وكليمتك الزينة مازال
راني نبغيك كيما تقولها فريدة هههههه
ان شالله تكون بخير فريدة وكامل لخيات
​

 

[shahrazad]

بوونسوااااااار
وشراكم كي راكم الزينات
راني حبيتكم كاااامل كامل راني بزاااف روطار مانقدرش نرد عليكم كامل
المهم يعطيكم الصحة كل وحدة باسمها
راني هاد ليامات ساكي وصباطي غير قدام الباب هههههههه
واش من عراس واش من خرجات :p

بطيتو مابدلتوش الدار ولااا الدراهم ماكانش
​

 

[زائــــــــرة حلوة]

أحلى سلاااام ليكم كاااااااااااامل وصح غداواتكم وقهيوتكم وعشاواتكم ونومتكم هههه
وبصحتكم واش طيبتوا كي العادة والعوايد كلش بالطبع ما شاء الله عليكم
==
حبيبتي كوصر خانم يسقسي عليك الخير والخمير ...اليوم راني في صراع مع الكوناكسيون
ساعة تروح وساعة تيgي هههه ساعة تروح ......... هههههههه \\ أم ندوش تشفاي عليها:d
==
فوفتي المسيلية وانا نمووووووت عليك والله ...موااااااااااااح ليك ساااك :$
==
والباقيات الصالحات نورمالمون جاميتكم كااااامل من قلبي
​

​

 

[أم انس عبد الله]

السلام عليكم ورحمة الله وبركاته
انا اليوم خرجنا ناكلو برى
رحنا لشفة حوسنا وفطرنا وجينا
صورتلكم شوية
الجلجة مشرية من برى مشوية

وهادا انس وليدي​

 

[روعة2005]

هههههههههه ندوشة قتلتيني بالضحك على سخي وكريمة هههههه والله من جيهة تعافي رانا اكل هكاك بصح الروسطورو هذه تاع نسابنا وحاطين بنات يخدمو يعني اختي تشهد عليهم كلش شغل بيتوتي ونظيف
انا اصلا معياففة قليل ومين نرضى على عبد وناكل طيابه خخخخخخخ
بصح جات عسل صراحة بنينة وطايبة على الاخر
اما الخبز والله مكثرتش الفرينة وتبعت التعليمات وكيما قالت فوفة والله كليناها اكل الخفة والبنة روعة بصح ميجيش طالع كيف ماراه يجيك حتى مولاته المروكية ومطلعلهاش كيفك خخخخ:-h
فريدو الله يبارك سفة مش اي كلام هااايلة بصحتهكم لحبيبة درتيلي النش بطاس اللبن ذاك منين نجيبو ضروك اه شيبانية هههههههه
ليلتكم سعيدة لبنات

 

[كوثر الوهرانية]

روعة و عفاف منيش عارفة علاش منجحلكمش الخبز انا من اول مرة جربته جاني هبال بلاك كي قرستوه قرستوه ياسر

 

[روعة2005]

الله يبارك هاجر ربي يحمي انس ويصونه مقدرتش نشوف ونروح ماشاء الله تبارك الله راه صبورتيف ههههه اعترفي مدريدي ولا برصاوي ا بنك

 

[روعة2005]

فريدة البنة والخفة ممممممم روعة انا صح قرصته بزاااف نعاوده نعاوده منياسش ههههههههه

 

[أم انس عبد الله]

الله يبارك هاجر ربي يحمي انس ويصونه مقدرتش نشوف ونروح ماشاء الله تبارك الله راه صبورتيف ههههه اعترفي مدريدي ولا برصاوي ا بنك

الله يبارك فيك حنونة
امين وولادك تانيك ان شاء الله
هو كيما باباه
هههههههههـــ يكره الريال بصح مايصيبورتيش البارصا الله اعلم واشن

 

[كوثر الوهرانية]

يا هاجر اختي سخفتيني فالخرجة و الغداء برا
كل شيء هايل و انس تبارك اله عليه راه كبر بسلامتوا الله يبارك
بصحتكم الخرجة