الســــــــــــــلام عليـــــــــك
اهلا بيـــــــــك اختي لغالية صحيتي عالموضوع الباهي
-شفتي اختى زيماه كتروا لحالات هادوما والله متفرقيش بين لكداب والصادق
كاين صح ليمعندهمش وظروفهم خلاتهم يطلبوا هدوما ميتلاموش
مي لي حيرني عماه واحد تلقايه لباس عليه عندوا ويحط من قيمتوا هكا كامل تلقايه يتسول معلبلوش بالدنيا خلاه ليسونسيال يبروفيتي مالغاشي وهو معلبلوش بلي لواحد كي يخسر كرامتوا وعزة نفسوا كان يعطوه كنوز الدنيـــــا مش راح يرد بيهم لحاجة لغالية لي قاعد يخسر فيها بلبيتيز تاع الجياحة لي يدير فيهم...الناس باش تحمد ربي على وش عطاهم هوما يبدلوا في حياتهم كان جاو صح محتاجين ويحسوا بالألم والمعاناة تاع الناس صح لجيعانة ولمحتاجة ولي مقدرتش تلقى وش ادير غير انها تتسول والله راهم يحمدوا في ربي ويدعيو باش ينحي عليهم ربي هديك لمعيشة ويعيشوا عزاز وبكرامتهم ...مهمش عارفين وش راهم قاعدين يديروا قالك نربح وخلاه وهو ميعرفش الربح وين جا مهوش عارف بلي راهوا خاسر حياتوا كامل
منكدبش عليك هو لواحد كي يشوف حالة زي هك كانت صح تعاني ولا تتمصخر ميقدرش يخليه انا والله كي نلقى واحد يطلب منقدرش نفوت نخليه نعطيلوا على وجه ربي لواحد يدير خير ويربح حسنات وخلاه باسكوا ايدا شفنا للناس وش راهم يديروا تقولي منزيدش نأمن واحد مي وش راح اديري بالاك يكون محتاج صح وتظلميه ايدا معاونتيهش....مي دركا ولا التسول هوايـــة ومهنــــة انا مرة كنت قاعدة فالدار جات عندي وحدة كنت نعرفهم بكري مباعد رحلوا ولا مشني عارفة باسكوا مكنتش فالدار بزاف ليسونسيال كنت نعرفهم لاباس عليهم ماماهم تخدم وباباهم يخدم مي مبعد ماماهم مرضت وحبست مالخدمة ودارهم سرقوها سرقولهم دراهمهم كامل ودهبهم ليسنسيال وش كانوا مخبينوا كامل وموفرينوا كي كانت ماماهم تخدم مباعد كي غبت منيش عارفة وش صرالهم اسكوا ولاو معندهمش ولا راهم عايشين نورمال وخلاه جاتني اخت الطفلة لي كنت نعرفها دخلتها للدار قعدت نحكي معاها ليسونسيال سقسيتها وش راها باغية قاعدة تحكيلي على وش صرالهم ليسونسيال قاتلي والله طاحت بينا وكيما تعرفي كلش غلى لمعيشة صعيبة انا قلت الطفلة بالاك ولاو معندهمش سيرتوا كيما حبست مامهم لخدمة وسرقوهم قلت بالاك ولا معندهمش الدنيا هادي تبدل حال اي واحد ،قتلها وش خصك حنونـــــة اي حاجة نقدر نعاونك بيها نعاونك قتلها كلش راه كاين والله نحكي معاها وقلبي لداخل يتقطع،انا نعرف لي محتاج صح يكون محتاج ماكلة معندوش وش يوكل هدا هو لمحتاج صح المهم كنت قاعدة انا وياها فلاكويزين باسكوا كنت نطيب ايا قاتلي كش مانلقى عندك 20 ميل قلتلها وش باغية تشري بيهم حنونة قوليلي بالاك لحاجة هادي عندنا وش خصك ماكلة ولا وش نعطيلك مالدار قاتليلي لالا والله طاحت بيا ملقيتش منين ندبر 20 ميل باغية نفليكسيهم !!! من الصباح وانت تحكيلي وش راهوا صاري فيكم وانا قلبي راهوا يتقطع لداخل ونقول باش نعاونها والله انا كي نشوف واحد انحيها من روحي ونمدهالوا...ومع لخر نلقاها طاحت بيها على جال تفليكسي ياعمري والله كيما قاتلي هك انا كنت نفتح فلكويزينيار باش نخرج لpلا لي راه يطيب والله تقريب دخلتها للكويزينيـــار درتها مصلي لواحد شوي لحبس قلبوا من لادولور لي كنت نحس بيها كي حسبت بلي راهم محتاجين هي تتمصخر ...قلتلها انت طاحت بيك باش تفليكيسي كنتي موالفة تخلصي مليون فاليوم وتفليكسيه ....قلتلها مالا كان متلقايش وش تاكلي وش راح تقولي واديري ايدا كان دركا راكي محتاجة وطاحت بيك كي ملقيتيش وش تفليكسي قلتلها شوفي امشي تروحي خير ماندير فيك حاجة مشها مليحة قتلها انا دركا لي محتاجة شوي دم لي نشفتيهولي قتلها والله نولي vومبار ونمصلك دمك كامل ...من هداك ليوم مشفتهاش ....وكاينة تاني واحد لعجوزة جرتنا ساكنة وحدها هي ورجلها ومريضة شوية ايا خرجت باش تشري حوايج لقات وحدة تتطلب لمهم سقساتها قاتلها انا ديمة راني قاعدة نطلب هنا وعندي ولاد صغار باغية نعيشهم وراجلي مات ومعندي حتى واحد يعاوني قاتلها جارتنا علاش ابنتي تقعدي فالشارع هك ياخي باغية تجيبي قوت ولادك ارواحي تقعدي عندي تعاونيني شوية في شغل ادار اني قاعدة وحدي ونديرلك شهرية تصرفي بيها على ولادك وحاجة ماتخصك ماكلة لبسة كلش،ليسونسيال جرتنا هادي كاينلها قبلت لمرا هديك جات تخدم عندها قعدت عندها شهر جارتنا هدي تحن عليها كل يوم تمدلها لماكلة تديها لولادها بلا ماتحسبها في لاpاي لي تمدهالها ايا وش دارتلها هديك لمرا لي طلعت كدابة وتخدم في قوالبها سرقتلها دهبها ودراهمها وهدا مهوش سرقتهم في فرد يوم كل مرة تسرقلها حاجة من الدار حتى عرتها مخلتلها والوا وراحت من هداك ليوم مشفتهاش وجارتنا هادي مريضة متشفى حتى على واحد يعني وش راح نقولوا دارت فيها خير ولات لقاتها مافيا مش محتاجة, ...دركا هادوا عباد يصلحوا باش يعيشوا يهبطوا في قيمتهم بحوايج تافهة والله وش راح نقلك اختي لعزيــزة بزاف حكايات كيماهك فاتوا عليا وكان نحكيهم والله ماراح نحبس ...ربي يهديهم وخلاه هدا وش راح نقولوا .... ,وهاد لعجوزة لي دارت كيماهك ماتلوميهاش باسكوا بالاك راها كبرت وخرفت لومي لي صغير وقادر ويتمصخر بالناس..واسمحيلي اختي طولت بزاف عليـــــــــــــــك.
