les éclaires من مطبخي اتفضلــــو ...

[shahrazad]

سلام عليكم
راني صورت جميع مراحل تحضير الاكلير لعيون ميمي :$
ان شاء الله ينجحلك

المقادير
120 غ مارغارين انا نستعمل فلوريال
مغرفة كبيرة سكر
كاس ماء
ملح
كاس فرينة+نص مغرف صغيرة خميرة حلويات
3بيضات

الطريقة
في كسرونة نحط المارغارين+كاس ماء+ملح+السكر حتى يغلو

ممبعد نضيف كاس فرينة ونخلط حتى تتلم العجينة ونحيها من النار

نخوها تبرد ممبعد نضيفو البيض حبة حبة ونخلطة بالباتور

وحطو العجينة فلابوش ونشكلو
نبدا نحط خط كيما هاك

ممبعد خط اخر قدامو

والثااالث فوقهم

ونحطهم يطيبو في فرن 180 فال1/2 ساعة الاولى ومانفتحش عليهم
ممبعد 160 1/2 ساعة الثانية

نخلوهم يبردو ممبعد نحشوهم

نحضرو الكريمة الي نحشو بيها الاكلير انا نمزج كريم باتيسيار مع كريم شانتي
كريم باتيسيار
بيضة+صفار
1/2 كاس سكر
3 مغار كبار مايزينة
كاس ونصف حليب او كاسين
نصف مغرفة زبدة
الطريقة
نضرب البيض مع السكر ممبعد نضيف المايزينة ونخلط ....نسخن الحليب ونضيفو للخليط
ونحط كلشي على النار ونحرك حتى يعقد نبعدها من النار ونضيفلها الزبدة

كريم شانتيي
100غ كريم شانتي +1/2 كاس حليب بارد جدا تضرب بالخلاط حتى تطلع الكريمة وتوضع فالثلاجة

ناخد نفس المقدار من الكريم باتيسيار والكريم شانتيي ونمزجهم مع بعض

ونحشي الاكلير

////

وهادي صورة قديمة للعائلة الكريمة :d

في امان الله :regards01:
​

 

[AnGeL*dZ]

يشهي
يعطيك الصحـة شهرزادتي ،أني ندي وحده
​

 

[كوثر الوهرانية]

نتي فووووووووووووووووووووور يا شهرورتي الله يبارك الف شكر على الطريقة
جزاكي اله خيرا
راني ديت حبة باش ناكلها

 

[روعة2005]

ماشاء الله تبارك الله شهرزاد جوك هااايلين والله انت فحلة وطيوبة ونحبك ونتمنالك كل خير
مشكورة على الموضوع الحلو ياحلو​

 

[SAMIRA25]

يممممم روعة خرجولك فوررر
يعطيك الصحة و ربي يجازيك كل خير​

 

[nada242008]

خرجولك هايلين يا شهرا الزينة
بارك الله فيك
​

 

[ام ريهام]

يعطيك الصحة حبيبتي يعطيك الف عافية مشكورة

 

[نور الرحمان]

خرجلك رووووووووووووووعة مشاء الله عليك

 

[هبة الرحمان2]

يعطيك الصحه

 

[mimi53]

اووووووووووووووووووووه
مرسي شهرا ويعطيك الصحة الف شكر على الطريقة حبيبتي
انا كنت نحط خط واحد ونحوس عليها تتنفخلي
والله غير غلبني الضحك
ههههههههههه
مرسي مرسي حنونتي ربي يحفظك حبي

 

[imane27]

جاوك هايلين شهرا يعطيك الصحة

 

[ام بسومة]

يعطيك الصحة حبيبتي يعطيك الف عافية مشكورة

 

[زائــــــــرة حلوة]

تبارك الله عليك شهرورتي جاوك حطططططة وحطاطي.........عاشت الأنامل الذهبية:love01:
​

 

[serinee]

lممممممممممممممممممممممممم يعطيك الصحة غاليتي خرجولللك فوووووووووووووووووووور بزززاف
ربي يبارك فيك
​

 

[hayouta]

mlkoiuiytr

 

[مطبخ الأحلام]

آلسلآم عليكم

مآشاء الله تبارك الله

يعطييييك الصحة ان شاء الله

كلشي قمتي بيه يشهي ولزيز

يم يمي ^^

ربي يبارك في هدوك اليدين
​

 

[shahrazad]

الله يحفظكم ويستركم يالبناااات على كلامكم كل وحدة باسمها
ديما تفرحوني
مرسييي على المرور نورتوووو
:regards01:
​

 

[أم نيفين]

مممم يشهيو ...بارك الله فيك على الشرح المفصل حنونة

 

[ميس مرام]

يعطيك الصحة خرجولك هايلين ربي يجازيك كل خير:-r

 

[fatima der]

واااااااااااااو شكله شباب بزاف يعطيك الصحة ماشاء الله عليك