ناس الغرب رحبو بينا كيما لازم الحال مي ناس الوهارنة وش نقلكم ...

[منايا الجنة]

بصحتك تحويسة خويا لعقوبة لحاجة اخرى ان شاء الله

 

[الـساحر]

حمزة احم احم
​

 

[الـساحر]

اووه خويا بصحتك
اي و بلادنا فوور و بزور
مام انا عجبتي ياسر وهران و تلمسان بلاد نقية و فورر تحس الاصالة فيها
بصحتك خويا
​

ملحوظة يا الأخت :
"يااسر"
:s
هذي تعنا
​

 

[serinee]

ملحوظة يا الأخت :
"يااسر"
:s
هذي تعنا
​

اي علابالي
مي انا جزائرية لي الحرية نقول بززاف او ياسر
​

 

[serinee]

بصحتك التحويسة
و اكيد بلادنا شابة هدي لا يختلف عليها اثنين
لكن حبيت نسال فقط هدي الجولة تجوز تطبق على اسرة
يعني اب و زوجته و اولادهم
كون كملت جبتنا بعض الصور
و بارك الله فيك​

السلام عليكم و جمعة مباركة
اي اكيد اختي تقدري تروحي ليها مع عائلتك اصلا اجمل منطقة للسياحة العائلة
لان ناسها مزالو محافظين و زيد فيها اماكن مثل المنصورة و الكهف الثلجي و لالة ستي اماكن يجو ليها غير العائلات
و رايحة نشوف في جهازي ادا لقيتلك اي صور نبعتهملك
و ننصحك باش تروحي ليها

للاسف اختي هدا واش لقيت صور في جهازي
هدي المنصورة
​

 

[sahiko hamza]

كيفماه احمزة دورتي 48 ولاية في نهارين؟

ههههههههههه
لا لا عبدو
قول وحد 12 ولاية هكاك كامل زرتهم في 3 ايام ...

​

:-r والله يا تلمسان في خاطري نزورها برك قالو عليها حضارة تاع الصح... عادات تقاليد نظافة وناسها قمة متحضرين هوما لي زادو زينوها ما كثر ..... لي بييزاج لي في تلمسان و كأنك في لوروب .. كل شيء:-h

راها الآندلس وش بيك خيتو
صح سيرتو فالنظافة راها فور صراحة ..
​

بصحتك التحويسة
و اكيد بلادنا شابة هدي لا يختلف عليها اثنين
لكن حبيت نسال فقط هدي الجولة تجوز تطبق على اسرة
يعني اب و زوجته و اولادهم
كون كملت جبتنا بعض الصور
و بارك الله فيك​

مانكذب عليك انا تم ونستخايل روحي مع يما وبابا ومع لمرا ان شاء الله
ننصحكم بمليانة + تلمسان ونأكد عليها
ومام حتى مستاغم ..
​

 

[sahiko hamza]

الله الله عليكم درتو تقريبا دزاير كاملة
ومرحبا بيكم مرة اخرى في خميس مليانة ع الراس والعين شي مايخصكم
بصحتكم الخرجة خويا حمزة
ولعقوبة لوحدوخرة مع اعضاء من اللمة ان شاء الله
​

لا ماشي كاملة
شويا برك ..
اوه انتي من تم صار مليح
ان شاء الله ربي يكتب برك .
​

 

[الـساحر]

اي علابالي
مي انا جزائرية لي الحرية نقول بززاف او ياسر
​

طبعا ليك الحرية فقط احترت ،، ناس بومرداس يقولو "بزاف"
:s

​

 

[serinee]

طبعا ليك الحرية فقط احترت ،، ناس بومرداس يقولو "بزاف"
:s

​

اجل اخي ناس بومرداس يقولو بززاف
مي كيما انت بلاك تعرف ناس من بمرداس انا نعرف ناس يقولو ياسر
منور اخي
​

 

[secret de coeur]

من الهدرة للتحواس خخخ
ايوه ودرتو الغرب انا منو ومادرتوش قاع
بصحتكم ووالكوم تو عندنا :-h

عجبوني أعضاء قاعدين يشكرو في 13 مالغري انا مش مخلوعة فيها خخ اي نورمال​

 

[مايا الجزائرية]

اهلا اخي
الله يحفظك مرحبا بيك في اي وقت
طريق السلامة

 

[soussou bel]

كون ديتنا معاك

انا من تلمسان نوريلك بزاف بلايص.هههههههههههه

مرحبا بيك وين ما رحت

 

[°~Kenza_02~°]

رد: ناس الغرب رحبو بينا كيما لازم الحال مي ناس الوهارنة وش نقلكم ...

بصحتك التحويسة خويا حمزة ^^ و مرحبا بيكم عندنا

 

[الظل الطويل]

رد: ناس الغرب رحبو بينا كيما لازم الحال مي ناس الوهارنة وش نقلكم ...

هـ هـ هـ حمزة ديني معـــاكـ خطرا جايا
​

 

[Soumia hadj mohammed]

رد: ناس الغرب رحبو بينا كيما لازم الحال مي ناس الوهارنة وش نقلكم ...

وعليكم السلام

ايه لبلاد ديالنا هايلة
بصحتكم الجولة

بصح كي قريت العنوان ///الغرب// قلت قاع وفيها سعيدة ههه بصح مكانش
​

 

[zagane]

رد: ناس الغرب رحبو بينا كيما لازم الحال مي ناس الوهارنة وش نقلكم ...

سلام عليكم ورحمة الله





ها وش راكم لاباس بخير
ربي ينجح لي راه يعقب فالباك ومام ينجح فالناس لي راح تفوت على البيام وينجح الناس كامل
اتهلاو في رواحكم وكيما يقولوا لعجايز سلامة روسكم




الحمد لله قطعنــا قريب 3500 كيلو متر من الشرق حتان الغرب
بديناها على ناس خميس مليانة ونعطيهم الف تحية ونقلهم بارك الله فيكم استقبلتونــا مليح ومام ناس مليانة عندي مانقول فيهــا
انا نحير فالعباد ويقلك لبلاد مافيها والو
كيفاه بلاد فيها مليانة ويقولوا مافيها والو ؟؟ :s أمبوسيبل
وقيل كي نتزوج ندير شهري العسل تم لأنو ناسها عسل والله ....


نزيدكم تانــي الشلف تم لقينا حبيبنا وحبابنــا بصح الله غالب مانعرف حتى واحد من اللمة كون هكاك درنــا قهاوي وريحنــا


فهاداك النهار درنــا عشا في وهران وهنــا صرا تقلب جوي
مانعرف اسم المكان مي وقيل بلازدارم
وين كاينىة مقر البلدية
دوماج كيف كيف مانعرف حتى واحد كون هكــاك درنــا فيها عشا ....


من غد روحنــا لتلمسان ايييييييييييييييييييه مانحكيلكمش عليها
بويسك كانت احسن ماكنت نستنى فيهــا
المناظر الخلابة على مد عينك
ناسها هايلين وكلش ...ناس توت أوبسيون الله يبارك ...
هاداك المنظر من الفوق لذرك راه مزال في راسي وسيرتو فالليل ....
ناس مستغانم الله يبارك عليهم مانحكيلكمش
ناس غيليزان تيارت وهاديك الطريق كامل رحبو بينا



انا نحير والله فالعباد لي يقلك بلادنا مافيها والو وفيها بلايص ابين كيما لي قلت عليهم وبلاك كاين ماخير منهم وانا مافتهمش ....

بلادنا مليحة والله ....
ماتقولوليش برك على التصاور لأنهم راهم فالفايس بوكـ ...


بالمناسبة راني نسلم على ناس الغرب كامل وسيرتو لي حكيت على بلايصهم ...

مارسي غليكم وربي يخليكم

.... :d
​

السلام عليكم

بارك الله فيك على الاعتراف
راك ما زرتش ناس معسكر
الي انا نسكن فيها
باش تشوف كرم احفادالامير عبد القادر

رغم هدا كل الجزائريين 48 ولاية كراماء

 

[رونق الزهور]

رد: ناس الغرب رحبو بينا كيما لازم الحال مي ناس الوهارنة وش نقلكم ...

والله يا اخي لي داس الشلف ماينهان مرحبا بيكم ومليانه ناس الكرم ةالطيب انا خالات زوج مزوجات تم مام ناس الشرق والله كرم وقلوبهم طيبين انا زرت سطيف قسنطينة ام البواقي تبسة وخنشله راني حابة نزور جيجل وسكيكدة قريب ان شاء الله

 

[صفحة بيضاء]

رد: ناس الغرب رحبو بينا كيما لازم الحال مي ناس الوهارنة وش نقلكم ...

انا راني نتمنى نشوف بجاية و قسنطينة وبلادنا شابة بصح للأسف ميبغوش يصنعو وينقوا​

 

[الجندية]

رد: ناس الغرب رحبو بينا كيما لازم الحال مي ناس الوهارنة وش نقلكم ...

السلام عليكم
اايا بصحتك خويا وبارك الله فيك خاطرش راك خممت تدور البلاد وماخممتش في لوروب
حاجه شابه بزاف ... وسيرتو الغرب فيه عفايس شابين بزاف
وشاهيا كاينه حاجه الخطره الجايه كي تولي باغي تجي للغرب عيطلنا نديرولك الزرده بالخيل والبارود في تيارت
مرسي خويا حمزهـ
​

 

[لآ شَيْـئَ مُهـمْ]

رد: ناس الغرب رحبو بينا كيما لازم الحال مي ناس الوهارنة وش نقلكم ...

السلام عليككم و رحمة الله و بركاته
صحييييييت خويا ، و بصححتكـ التحويسة
ناس الجزاير قااع كرماء
ربي يحفظكـ
​